御麵棧 旺角

御麵棧 評價 相片

今日2號 勞工補假...8點左右經過..坐左只有4成人..街邊手機上呢度見布甸唔錯..而又未有貶面..算係冷門之選就試下無妨..試左 鹽酥雞肉噪勞麵...33$ 有埋野飲..凍熱同價..正呀 凍鴛叫左..唔錯茶味..之後黎碟野啦...有d 青椒,紅椒,炎西係面..試左啖汁先(即係d肉噪) 無乜特別..但吃得過下..查實第1眼睇幅圖以為係沙嗲..之後試麵..口感幾好下..幾好咬下..隔離個間都係賣麵..但就淋身d..呢間就乾身d..我buy後者多d啦..之後試埋d雞塊....試出唔係翻炸....尚算香口..雞味唔夠重只係..嗯...+埋6蚊要左朱古力布甸...又係唔錯...好快食完..一杯仔咁大把..以旺角街邊食預3字頭為標準既話 呢度算係咁上下..服務又唔錯..比較靜..唔知係咁岩遇著d客係咁定係d空間係咁...可能加返部電視..同埋牆身燈光修一修會吸引d..會再試......

女人街既食店其實不時都轉手，每隔一陣子就會發現原本既店又變左另一間，是日呢間又係啦~ 不過其實我都唔記得左呢個位前身係咩店~下午茶肚餓又搵野食，阿姐係門口大讚自己既食物湯麵下省幾十字，咁我地又懶得再行就入去試下啦。

下午茶時間都有幾檯客人，都唔算少架啦。

環境唔算太迫夾，坐得ok舒適的。

下午茶選擇唔算好多，而且感覺幾樣野都好熱氣又辣咁，最後我地就選擇左最唔熱氣既食物啦~ 跟餐有野飲仲可以加錢食木糠布甸添~分別要左一個燒豬頸肉飯同埋煙鴨胸肉燥撈麵，不過其實兩樣我都麻麻地有興趣，最有興趣係想試佢個木糠布甸~~~ 燒豬頸肉飯黎到都幾大碗下，但其實除左無咩特別我都諗唔到點形容佢，醬汁係一貫既燒汁，成碗飯味道清清地，唔會太濃味都唔難食的~ 豬頸肉有好多片，個邊燒到脆脆地又唔會太韌，ok的~煙鴨胸肉燥撈麵就麻麻地，鴨胸肉燒得太乾身，肉質有D韌。

麵質亦一般，食落唔太彈牙，而且撈左肉燥都無咩味呢~最好味就覺得係個甜品木糠布甸，見在場個個女仔都叫黎食 XD，木糠布甸食落好香奶味，口感軟身，木糠夠乾身而且好碎，食完呢個最滿足~~食物一般，係個木糠布甸幾好味~ 食完就又出發去下一個節目啦。

=)

星期6返半日，1點半鐘放工，本來約左老公返西環食果間聞名已久既hotdog，不過老公話佢個friend想佢陪佢去睇禮服，於是我地惟有改變主意啦~估唔到咁樣反而有驚喜o係女人街行呀行呀行呀...就行到呢間鋪門口，初時見佢呢個鐘數都好似冇咩人幫襯咁，有d覺得麻麻地既感覺啦~~~後尾都係入左去坐低~~~睇左佢地個餐牌，有下午茶餐(原來已經2點喇@@~)，又好似幾抵咁，我叫左 : 卡邦尼意粉 : 開頭我地o係度討論，呢個意粉係咪冇料既呢~我淨係知道卡邦尼應該係d芝士汁同埋有煙肉咁既"醬"，我又唔想咁dry好似冇d肉咬下咁...呢個時候，佢有個肥肥地既侍應走埋黎，態度殷勤咁向我地解釋個意粉都會有d雞肉咁話 haha我幾欣賞佢呢種服務態度~講返個意粉先 整體我覺得好味架，不過老公話如果個意粉彈牙d會仲好d喎~老公就叫左個 日式燒雞扒飯 : 我偷左佢一舊雞扒食 個燒汁味好重，我諗拌埋d飯食會好好多~~老公話佢d飯好"煙un"正~總括黎講，佢價錢都算平呀，d食物又ok唔差，我諗都可以列為開飯既首選既~~ 同埋又唔太多人，坐得好舒服~~

御麵棧餐單提供台灣菜, 日本菜, 拉麵, 粉麵, 米線等推介美食位於旺角區，餐廳座位數未知人均消費約$50以下，結賬可以用現金。

您對於旺角餐廳「御麵棧」有何 comment？

御麵棧餐廳詳細資料：

• 御麵棧地址:
  旺角通菜街1A-IL號威達商業大廈地下D舖
  御麵棧, Shop D, G/ F, Wai Tak Comm Bldg,1 A-1 L Tong Choi Street, Mong Kok
• 御麵棧電話:  
• 御麵棧價錢: $50以下
• 分類: 台灣菜, 日本菜, 拉麵, 粉麵, 米線
• 座位: 未知
• 付款: 現金
• FB專頁: 御麵棧 Facebook

更多御麵棧相關資料:

• 御麵棧分店
• Youtube
• Facebook
• Twitter
• Google