富臨粵之味 旺角

富臨粵之味 評價 相片

朋友壽宴假座於旺角富臨, 眾人踴躍參與, 8大3小, 聚首一堂... 有6位用大閘蟹套餐, 不過侍應不斷命令我地食貴幾倍嘅12人餐, 邊食得晒呀... 之後又命令我地食盤菜, 同佢講咗幾十次唔食, 佢都當聽唔到, 不停REPEAT... 當然最後佢都唔會成功... 我地ORDER咗6位用大閘蟹套餐, 又驚佢D餐嘅餸好細碟, 又再加3個餸... 結果係勁大碟, 差D食唔晒... 薑汁酒芥蘭 芥蘭新鮮, 好有薑味, 不過份量太小...腊味炒菠菜 賣相有點不濟, 腊味完全冇味, 波菜正常...乳豬拼盤 乳豬皮脆, 都幾好味... 油雞脾肉嫩, 甜甜的頗好味... 叉燒半肥廋, 入口軟腍, 焦香甜美...蟹肉竹笙燴燕窩 完全冇味, 稀得緊要, 唔該拎走...清蒸大閘蟹 SIZE唔算大, 但好多金黃的蟹膏, 甘香豐腴...碧綠翠蝦球 蝦球爽脆, 不太鮮味, 味道尚可... 大半碟都是西芹, 看來不太受歡迎, 味道是OK的西芹味, 但總有人受不了...清蒸海青斑 魚肉蒸過火了, 不太嫩滑, 蘸熟油豉油同吃味道OK...極品燒鵝皇 既唔香亦唔脆皮, 肉質偏硬, 味道太鹹... 雙冬黑草羊煲 食而不知其味, 羊腩肉質好淋, 可惜完全冇羊味, 連我這名"羊痴"也不願吃...生炒糯米飯 樣子很嚇人, 但濕濕地幾易入口, 不過都係冇味...奉送啤酒2支+健康飲品1渣, 我地揀咗要酸梅湯+竹蔗水, 超糖水...仲有合時鮮果西瓜送...精美甜品 冇晒糖水, 補上杞子桂花糕, 仲好, 桂花糕清香清甜, 入口又軟又彈...壽包 拳頭咁大, 蓮蓉餡料頗滑溜, YUMMY... D枱放到櫈貼櫈, 仲要明明果條係上菜通道, 都櫈貼櫈, 我地唯有自發坐貼D, 等坐正上菜通道嘅朋友冇咁慘... D侍應越叫越走, 叫10個9個都唔會幫你跟野... 女厠唔多衛生, 地下濕淋淋... 後面枱嘈到拆天, 勁過大聲公, 我地隔2個位都完全聽唔到對方講咩, 個衰人明知BB要瞓教喊緊, 仲大大聲話"呢度係茶樓, 唔係屋企, 緊係嘈架啦", 佢自己都一家大細三代同堂, 真係唔知會教咗D咩下一代出o黎... 佢地一走咗, 全間酒樓即時變得冇咁嘈, 我都要搵醫生幫我CHECK下個耳膜有冇爆到... 今餐o野又唔係好食, 仲要遇正D咁嘅衰人, 真係貼錢買難受....

同兩位老友宵夜, 呢度環境ok, 室內有冷氣, 價錢好經濟, 嚟過都有好幾次, 我哋order 咗三餸加18枝細blue girl!1. 燒脯仔~ 好鬆化, 香口, 唔太肥, 入口香嫩帶點煙燻肉香2. 沙拉骨~ 好有色香味感覺, 沙律醬有心思以網紋配上菠蘿炒三炒骨上, haha咁就變成" 沙拉骨" . 火喉剛好, 肉質帶有點菠蘿味夠入味! 3. 蝦干煮勝瓜~ 清清地, 用上湯煮勝瓜, 夠勝瓜健康, 蝦干好香口好入味

今日一行八人一起去食, 之前都經常在這酒樓飲早茶的. 是日非常爆滿, 在外等的人極多. 因我們之前已有訂位, 一來便能入席.是日由我親自發牌, 叫了七款小菜一款燉湯. 不過真的不好意思, 忙著傾計都忘了影相, 去到尾影了數張, 只有一張能用. 下次再影多點吧.燉鱷魚湯味道普通, 清淡沒甚特別. 令我一飲便忘了味道~羊腩煲, 味道一般配料都算幾多, 炆得唔算入味.法式大蝦配意粉, 算係唔錯, 汁打得幾好. 蝦夠大隻, 但炸醬厚了點. 菠蘿生炒骨~一來我便快速地試了一口, 的確是炸得很好, 外面仍脆的, 汁的厚度亦算適中. 飯前一吃, 食慾大增.花膠炆豆腐, 花膠都算入得口, 味道不過不失古法蒸多寶魚~雖說古法, 但跟清蒸沒甚兩樣, 魚夠新鮮, 肉亦夠滑. 但沒特別之處吧了. 炸子雞 ~ 全晚最好食的就是這道菜啦, 雞雖然食得出是冰雞, 但滑得很, 皮亦很夠脆, 做到皮脆肉嫩啦. 算是這晚普通飯局中的亮點. 什錦拼盤(忘了確實名字) ~ 非常一般, 只是煙鴨胸, 炸春卷吧了, 因離我太遠我食了二件便算了, 差點忘了有叫這碟.食到差不多尾聲的時候, 才發覺一直忘了叫飯, 但餱菜都算夠食, 當減減肥吧..總結: 這酒家的晚餐做得亦算不錯, 味道一般夠大路. 菜式款式亦夠多, 價錢算是以旺角來說的便宜.

為慶祝朋友由澳洲返香港，2011年9月30日(三)同朋友一行八人到旺角"富臨粵之味"食晚餐。

第二次去食晚飯小菜 覺得間"富臨"氣氛幾好，好熱鬧，有人打邊爐，有人食小菜。

我們是次叫了八道送菜，分別是:1. 芝士焗美國龍蝦E麵 $78一碟 (我們叫了兩碟)2. 脆皮童子雞 $583. 菠蘿生炒骨 $564. 魚香茄子煲 $625. 瑤柱上湯什菜煲 $606. 手拍青瓜海折 $287. 野菌炒駝鳥柳 $688. 京式賽螃蟹 $58食之餘仲叫左一揸西瓜汁，三碗白飯。

食飽飯仲有水果盤，都係西瓜。

芝士焗美國龍蝦E麵真係好好味，好夠汁，麵就少左D。

脆皮童子雞好抵食，都幾大隻，落好多芝麻菠蘿生炒骨好正，因為我好鐘意係甜甜酸酸的，生炒骨又夠脆。

魚香茄子煲依舊好夠味，撈飯最啱，咸味剛剛好。

瑤柱上湯什菜煲就清左D，菜都唔係好多款。

手拍青瓜海折比我想像中好味道，作為一道前菜真係好掂，有輕微既辣味，好爽口。

野菌炒駝鳥柳...D肉好咸，唔係咁推介。

京式賽螃蟹清得黎又幾好味，口感都好好。

是次大約每人$100左右，其實係叫得多左D，食唔曬，上次食都飽飽都唔洗一百蚊架。

同朋友去食晚飯真係幾好，絕對唔會趕你走，場地係嘈D，講野要大聲D。

９月５日我地去左呢間富臨到食個＄１４８８既全包宴ｆｏｒ中秋由於只有９個人所以已經預左食唔曬野食有：勝瓜炒肉絲，燒味拼盤，炸海鮮卷，芝士焗龍蝦伊麵，蒸大海班，翅，炸子雞，菜肉包，生果［已按上菜次序今餐整體好好味芝士焗龍蝦伊麵：今餐既主角，多芝士，包到每一條伊麵，ｄ龍蝦好爽，有海水味炸子雞：皮脆肉滑由於去到最後勁飽, 只係食左兩舊菜肉包：雖然去到最後個個都好飽, 但個個都食左小小...炸海鮮卷：有兩種唔同既卷，一個包住隻大蝦同ｓａｌａｄ，仲有一隻係包住ｄ好似牛奶既物體今餐既感想：＄１４８８抵到爆吧！！

富臨粵之味餐單提供粵菜, 廣東, 點心, 酒樓等推介美食位於旺角區，餐廳座位數未知人均消費約$51-100，結賬可以用Visa,Master,現金,AE。

您對於旺角餐廳「富臨粵之味」有何 comment？

富臨粵之味餐廳詳細資料：

• 富臨粵之味地址:
  旺角彌敦道625號雅蘭中心二期1樓
  Foo Lum, 1/ F, Grand Tower Phase2,639 Nathan Road, Mong Kok, Hong Kong, Mong Kok
• 富臨粵之味電話:  
• 富臨粵之味價錢: $51-100
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金,AE
• FB專頁: 富臨粵之味 Facebook

更多富臨粵之味相關資料:

• 富臨粵之味分店
• Youtube
• Facebook
• Twitter
• Google