宏發燒臘飯店 旺角

宏發燒臘飯店 評價 相片

一落機, 就想食燒味飯, 由於要落旺角轉的士, 所以上網搵吓旺角有咩燒味店.結果搵到宏發.記憶中, 宏發前身店內環境唔太吸引, 感覺又窄又污糟!去到先知原來已經重新裝修, 光猛企理得多.原先擔心攞住個大行李唔知點算, 好彩裝修后地方闊落咗, 而且店內人客唔多, Lucky!點咗叉鴨同燒肉叉, 油菜要芥蘭.優點 :1, 環境比以前闊落同乾淨.2, 地點方便.3, 叉燒鬆軟味道夠甜, 正!4, 燒鴨皮脆肉嫩.5, 雖然成夜晚十點咁夜去幫襯, 燒肉皮都係脆.缺點 :1, 燒味飯最最最重要嘅蔥蓉, 過咸! 失望!2, 油菜只有豉油, 無蠔油.3, 唔知點解, 香港D燒肉永遠過咸, 宏發亦唔例外.

聽講黎間燒臘好食 所以今日專程黎試試 環境一般算乾淨燒臘飯來說 價錢偏貴 但種類齊全 有燻蹄 乳豬到落單既時候 講左3次阿姐都無專心落單 掛住八掛隔離台做咩 明明係阿姐無聽到 但阿姐發我地脾氣 仲要飛單落我地張台之後發覺我地點左既套餐 阿姐居然收左我套餐價錢但無幫我落到例湯 即刻追阿姐拎返碗湯燒鴨叉燒飯 $44單雙併同價 燒鴨一般 叉燒太瘦太乾唔夠juic(好味指數: 😥)燒肉飯 $44肥肉比例唔夠 偏瘦(好味指數: 😥)以燒臘飯來說 環境不錯 沒有小店人情味 整體價錢偏貴 味道一般 比較好的是單雙併同價 分量夠(為最高)整體食物質素: 性價比: 推薦指數:

收工本身都夠攰 一日既疲勞同壓力積埋 大概只有食完晚飯就直接上床訓覺先解決到 叫左一份叉油雞飯打包 明明下張單應該到我 個師傅就做左啲熟客單先 咁樣一等就等左十幾分鐘 然後到我份外賣 我就叫師傅叉燒盡量俾肥啲 ，「咁你自己揀啦 邊到有肥俾你啊！」粗聲粗氣既師傅先得一分！ 然後我想加埋罐可樂，跟餐加可樂好似係加4蚊，結果收錢啊姐口疾疾咁「7⋯7蚊啦」，口疾係因為心虛定無記性呢？ 再得一分！ 然後再到我盒飯終於出黎，我同姐姐講飛薑容，低頭一看，頂！我條菜心呢？無菜心都求其俾啲菜黎啊，小小蔬菜都無，政府都識搞有營食肆，菜都唔肯俾，我真係嬲到無法言喻，咁無heart,求求其其，是是旦旦，真係祝你生意興隆

喺正熱鬧嘅先達廣場隔離嘅一間燒臘舖，睇落裝修左開咗唔係好耐,最緊要見到佢有個特價飯餐!今日係$44燒肉飯仲包例湯或者熱飲，另外改凍飲都係加$4！行到入去都有唔少遊客食緊，遊客就會叫高貴嘅燒味拼盤/ 三寶等大大碟靚正燒味再加白飯！而我地呢啲打工仔就見到咁正，望完餐牌睇完價錢都係叫返呢個$44嘅特價燒味燒肉飯啦～上到枱啲燒肉勁多根本就食唔晒，我仲分咗D比同事，皮仍脆，味道都幾好包埋嘢飲都算十分抵～ 食食下見到D阿姐改咗$44特價飯做焼鴨飯，好彩食到脆皮燒肉嘖～

用膳時間為12月1日中午12:30剛步入店內立即心知不妙，地板滑潺潺，走每一步都要非常小心。

店內中央位置是冷氣機出風口，風力非常強勁，難怪其他食客都先行選擇牆邊座位。

要了燒肉油雞飯跟例湯，承惠51元，價錢是遊客區的中間位。

燒肉：一半是沙梨督一半是燒腩位，頭搭尾的貨色。

沙梨督皮是淋的，燒腩位又太咸。

而燒肉的顏色帶有不自然的粉紅，是雪藏豬肉？油雞：分到的是脾位，豉油味很夠，但雞骨部份血淋淋，雞肉口感卻又未算嫩滑。

白飯：黏軟的口感，上枱時熱度亦很夠，水份與飯味亦算適中。

例湯：熱度非常足的白菜湯，整碟飯用畢再飲用仍是熱辣辣的。

但飲落無甚味道，無菜味無湯料味，如開水一樣，只有顏色的一碗湯。

整體來說，環境不太好，尤其是地面很容易會滑倒，其餘部份的清潔程度還是可以接受。

食物質素對不起價錢，難怪周六的午飯時間亦未滿座。

又記，直至飯後離開前張望才發現此店每日也有一款燒味單拼的特價飯，送湯或熱飲，但全程不曾有店員介紹半句，大概光顧此店都是老街坊佔多數的原因吧。

宏發燒臘飯店餐單提供港式, 燒臘等推介美食位於旺角區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 27876339 查詢。

您對於旺角餐廳「宏發燒臘飯店」有何 comment？

宏發燒臘飯店餐廳詳細資料：

• 宏發燒臘飯店地址:
  旺角通菜街108號地舖
  宏發燒臘飯店, G/ F,108 Tung Choi Street, Mong Kok
• 宏發燒臘飯店電話: 27876339
• 宏發燒臘飯店價錢: $50以下
• 分類: 港式, 燒臘
• 座位: 未知
• 付款: AlipayHK,支付寶,現金
• FB專頁: 宏發燒臘飯店 Facebook

更多宏發燒臘飯店相關資料:

• 宏發燒臘飯店分店
• Youtube
• Facebook
• Twitter
• Google