大門橫丁 (山東街) 旺角

大門橫丁 (山東街) 評價 相片

呢間就成日行過 不過就第一次入去食😝服務員好有禮貌 而入面好多野食 睇menu睇左好耐～脆脆鱈魚片蟹籽沙律手卷（$44）好特別嘅手卷🤩🤩平時紫菜包嘅食食下就林哂 但用鱈魚片就啖啖都好脆 仲好香口😍入面係蟹籽青瓜沙律 食落好健康🤤鮮蟹肉蕃茄濃湯手打烏冬（$84）手打烏冬十分之滑😋蟹肉都好足料 不過有少量蟹殼 而湯底都好多蕃茄 但唔算好濃 所以唔會太酸🤤🤤串燒黑松露金菇牛肉卷（$42）係好粗嘅金菇卷 如果冇咁粗會易咬啲😂仲有黑松露做點綴 味道豐富😌蒜香燒北海道元貝（$44）元貝唔會燒到乾哂 配埋蒜茸好香😋雞泡魚干（$46）價錢尼講都幾抵呀呢樣 而且份量唔細 燒得軟硬適中 唔會乾哂～鹽燒三文魚頭（$66）有一個魚頭同魚鮫🤩唔同部位食落唔同口感 魚鮫好滑 而有啲位就實啲有咬口 而且燒得好香😋蒜蓉象仔蚌（$42/2隻）象仔蚌咬落有啲似聖子 都幾大隻 除咗條邊燒得有少少乾之外 入面嘅肉都夠爽口新鮮😙三重芝士焗田園野菜（$49）可以係多種蔬菜入面揀2款嘅 我地就揀左露筍同䈑筍 䈑筍十分爽口🤩 而芝士都好足料呀白桃乳酸梳打（$28）咁熱飲杯果汁都幾舒服😌不過飲到最尾啲冰溶晒味道變淡 建議大家叫少冰😛地址：旺角店：九龍旺角山東街76號地下尖沙咀店：九龍尖沙咀厚福街9號豪華閣地下F,G及K舖

🎏 食盡油尖旺 — 大門橫丁✨ #90cp旺角篇 #90cp日本篇➖➖➖➖➖近排都幾鐘意去居酒屋🍻除咗有得啤下佢之外又可以食吓啲串燒小食回憶吓家鄉🥲🤣今次就去咗呢間大門橫丁嘅旺角分店🏮 見到都幾多人等好似都幾正咁!!美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️⭐️(五粒星為滿分💯)✨ 汁燒魷魚筒 $88佢呢個燒魷魚原隻上咁濟🦑食落非常彈牙而且唔似坊間嗰啲咁韌都幾林🤫 配搭燒汁味道都唔錯🙌🏻個人認為如果佢再熱啲就更好!! ✨脆脆鱈魚片蟹子沙律手卷 $44好老實講本身對呢舊嘢期望唔大😂點知食落又幾有驚喜😎佢嘅外皮真係幾脆!! 配搭住蟹子沙律口感都幾豐富同特別👏🏻佢話另外呢個真係可以試!!🔸 雞泡魚乾 $46呢個雞泡魚乾相比之下就有啲失色食落覺得口感冇咁實淨而且有少少鬆散🙈但佢又唔係差嘅點左沙律醬之後食會更好🤣🔸 蕃茄湯極上牛肉手打烏冬 $80首先佢嘅蕃茄湯都算濃郁牛肉都唔錯😌但如果牛味再出d就更好!! 可惜嘅係佢嘅烏冬麵質比較淋唔夠彈牙呢個位就扣番少少分🤨🍢串燒系列 (岩鹽牛肋肉 $40 + 黑椒蜂蜜燒雞翼串 $26 + 汁燒雞肉 $22 + 芝士明太子玉子燒 $33)嚟居酒屋當然要叫串燒啦🤪叫咗4串最出色係雞肉😋 雞肉肉質算鮮嫩加埋燒汁夠哂日式!! 另外玉子都唔錯面頭有芝士中間夾住明太子醬口感都幾豐富😌不過佢嘅明太子醬都幾濃郁幾搶個人有少少喧賓奪主🤨至於雞翼嘅味道就唔算太濃有住淡淡的黑椒蜜糖味😆中規中矩啦!!反而牛肋肉就唔太建議雖然加左岩鹽都ok不過佢肉質偏韌個人唔太建議呢個🙈💰Total: $417✅ 總括嚟講佢價錢都唔算貴食物質素都有驚喜🥰加上服務唔差回頭嘅機率都高😤➖➖➖➖➖📍 大門橫丁 (山東街) (旺角)旺角山東街76號地下

今次我帶仔仔去「 偽日本 」之大門橫丁烏冬麵串燒店，能緩解我對日本美食渴望，加上餐廳裝修似居酒屋感覺，餐廳以平民價格就享受到正宗用心製作的日本美食，串燒係即叫即燒 添！我一拎起餐牌，串燒小食種類包羅萬有，即使我沒有選擇困難症，總是心大心細，食物款式多，夠新穎又有創意 !連串燒分岩燒、鹽燒、汁燒、芝士及辛辣。

加上侍應生態度非常友善，有問有答，又氹我頑皮嘅仔仔説笑。

🏅皇牌必食手卷推介:我小學生食嘅鱈魚片，原來經過燒烤後，魚味會更加香濃，比用紫菜卷更有特色。

今次叫🌯脆脆鱈魚片蟹籽沙律手卷及🌯脆脆鱈魚片雞絲沙律手卷，鱈魚外層酥脆可口，青瓜絲和雞肉絲切得很幼細，配上冰凍的蟹籽和沙律醬，仲影！？我仔仔急不及待要食了。

串燒方面:🍢辛辣雞皮串很有趣地把雞皮卷在竹籤上，並灑上淡淡的辛辣粉，我獨食，因太好味竟忘了拍照分享。

🍢鹽燒牛舌我每次叫串燒必吃牛舌，可以試出師傅嘅手勢，牛舌的外層燒得好乾身，咬下去肉汁緩緩地滲出來，滿滿的牛肉香味。

🍢鹽燒雞翼我身為一名雞翼控，好鍾意點鹽燒雞翼，雞香味撲鼻，酥脆可口，下次唔同老公分享，我要一人食。

🍢赤魚一夜干，經日本特有的一夜干技術處理後，肉質軟嫩，含豐富的油脂，少鹹少幼骨，又帶著魚鮮美。

我仔仔很快把整條魚吃下，不肯留給我。

🧀🍢芝士明太子玉子燒+🧀🍢芝士墨魚餅+🧀🍢芝士燒雞肉串我仔仔是一名芝士控，必食鮮甜的玉子燒，上面一層濃香的芝士。

雞肉滑溜又不用怎咬，另外經過燒烤的墨魚餅更滋味，而且軟綿綿的。

麵食方面:🍜極上牛肉冷手打烏冬店鋪主打手打烏冬，又怎可以錯過？冷烏冬煙煙韌韌，好有口感，並伴上酸甜的柚子汁，消暑又醒胃! 加上大量配菜加青瓜絲及粟米粒等，好清新又健康。

🍜地獄湯叉燒手打烏冬經過侍應推介，原來是🌶️少辣級數，湯底像冬陰功湯的鮮甜再加上豬骨湯底，是無與倫比的濃厚湯底，令人一啖愛上。

那5片叉燒肥瘦適中，有厚度，就像我在日本拉麵店吃到一樣肥美軟腍 !我好滿足今次日式晚餐，我同老公覺得食物水準不錯，我仔仔仲以為自己去咗日本😂，其實小朋友都幾易呃。

聽侍應生講佢哋嘅芝士同埋沙爹湯底都很出色，我決定下次再去食過。

之前行波鞋街已經見過哩間日式餐廳，一直都好想試下，今次同朋友約左係旺角行街，晚餐就決定係哩間解決。

餐牌上面有好多唔同種類既食物，串燒仲要有超多款式可以選擇，選擇困難症既我表示揀左好耐🤣最後當然咩都揀左啲啦！🎈極上牛肉手打烏冬（辛辣蕃茄湯）$80見哩個烏冬係人氣之選，所以就揀左佢😆一食之下發現果然無揀錯！手打烏冬滑溜彈牙，湯底味道酸甜微辣，蕃茄味濃郁，湯入面有切件既蕃茄，飲得出係新鮮蕃茄熬製而成，仲加左好多粟米，重點係可以走青豆🤣❗️❗️❗️唔食青豆既人表示好開心🥳而糖心蛋既熟度啱啱好，牛肉亦嫩滑好味，好食推介👍🏻🎈脆脆鱈魚片蟹籽沙律手卷 $44哩個手卷非常特別！用鱈魚片取代紫菜，鱈魚片香脆重魚味，內裏既蟹籽、青瓜、蟹柳都好多，味道清新，口感豐富，推薦大家試下❤️🎈串燒推介🔸岩鹽燒三文魚鰭$32三文魚皮香脆，魚肉充滿油脂香，幾乎入口即溶，真係超好味！推薦👍🏻🔸大門經典辛辣雞皮蝦$42哩個串燒好特別，係出面未見過，雞皮脆卜卜，好香口，蝦係用左海蝦，新鮮彈牙，好味！未食過真係可以試下👍🏻🔹岩鹽燒西班牙豬肋骨$39豬肋骨肥瘦相間，已經去晒骨，肉質一啲都唔會乾，有肉汁，好食！🔸岩鹽燒雞腎$29雞腎夠爽，咸香惹味。

🔹岩鹽串燒牛舌$40牛舌超好食❗️厚切有肉汁，牛味香濃，燒得岩岩好🤤超惹味，黎多十串都食得落，超推介👍🏻🔸芝士明太子玉子燒$33玉子燒熟度岩岩好，上面澆上味道香濃既芝士同明太子醬。

🔹芝士墨魚餅$32平時芝士年糕就食得多，今次試下芝士墨魚餅先！佢一共有三層：魚糕👉🏻年糕👉🏻芝士，裏面既芝士味道夠香濃，年糕綿軟煙韌，味道唔錯。

🍹巨峰乳酸梳打及白桃乳酸梳打$28兩杯都酸酸甜甜，夠晒開胃，特別推介白桃味，因為裏面仲有桃肉粒粒🍑整體黎講，哩間日式餐廳真係樣樣都好食😂鍾意食烏冬同串燒既人唔好放過❗️

大門橫丁已經屹立於係山東街既某個轉角位接近十個年頭啦～ 成日經過旺角都會見到佢🍖無印風格既裝修都遮蓋唔到佢嘅鋒芒😎✨🥕辛辣沙嗲湯 和風燒鳥手打烏冬 $82❥微辣沙嗲湯底伴隨住非常香濃既花生味🥜 而且口感細滑 唔會出現漿狀嘅感覺🤎 直接飲都無問題 可能會唔小心飲晒個湯底🙊 而個辣度係有畫龍點睛既感覺 令到湯底既層次更加豐富❥手打烏冬亦都非常出色🥰 煮嘅過程佢有吸收到沙嗲湯底既味 而且有咬勁 軟硬啱啱好❥個雞排睇上去有啲乾但真係純粹衰樣衰ε(´∀｀; )食落口係勁嫩滑多汁 唔係普通煎出黎咁油膩🥕脆脆鱈魚片蟹子沙律手卷 $44🥕脆脆鱈魚片雞絲沙律手卷$46呢個手卷真係勁特別!! 🤍我好鐘意食鱈魚絲 見到有鱈魚片手卷 就緊係試下🤩 佢用鱈魚片取代咗一般嘅紫菜 食落口係有一種香脆嘅味道 無腥味 佢唔係kebab果種軟度既皮😍 勁香口 配埋蟹子沙律/雞絲沙律 口感真係超特別 香脆可口既鱈魚片 夾住爽脆嘅青瓜絲 配搭住無數既蟹籽 同沙律醬 ❥雞絲沙律啱晒食肉獸 但醬汁唔同 用麻醬 少少甜🥰 佢既燒物都100分💞🥕鹽燒特級牛小排 $40除咗鹽之外佢哋真係冇落任何嘅調味 有一種入口即溶、柔潤軟嫩嘅感覺 牛味香濃之餘不帶油膩感 仲要超juicy 🐮🥕特色三文魚腩 $39要用齒頰留香黎形容呢個三文魚腩！三文魚腩本身個口感已經係好軟綿綿 而且油香味膿 輕輕一燒 配埋蘿蔔蓉已經帶出魚香味😋 呢種串燒既食法都係第一次試🥰🥕岩鹽串燒雞皮蘆筍 $38淨係燒雞皮好似好齋😗 配埋蘆筍就健康啲🤪 完全食唔出雞皮嘅油膩感😍 蘆筍嘅口感好厚實而且帶點甜爽 同係相輔相成嘅配搭🥕芝士燒原隻元貝$38🥕蒜香燒原隻元貝 $38元貝又新鮮又大粒唔洗講🕊 ❥芝士味濃郁而且幼滑 仲要有煙肉做配料😳 勁惹味 芝士醬多到瀉出黎❥蒜香味都係濃但食落口唔臭😋 蒜粒令佢更多一重口感🥰最後點少得串燒界既甜品🥰🥕岩鹽燒粟米 $24!!!!🌽超級好食呀呀呀 粟米超級甜 甜到我都食唔出佢有無落牛油🥰 仲有少少鹽吊味🥕燒菠蘿串 $29勁厚身🍍都係好甜🥰 最緊要無渣哦 唔會攝牙罅🐷Btw: 一入門口已經有一堆防疫用品🙈 感覺好安心😗 而且店主店員都好nice💕 點解我會知？ 因為我一打開張落單紙就出現選擇困難症😂 花多眼亂既食物種類.... 店主見到我一頭煙 就好貼心咁guide住我地..同推介下啲食物 所以我今次應該係食到最高質既野😍 真係超好味😍

大門橫丁 (山東街)餐單提供日本菜, 烏冬, 串燒等推介美食位於旺角區，餐廳座位數60人均消費約$51-100，結賬可以用Visa,Master,現金,低於$250需現金支付，Booking訂位可以電話致電 23944308 查詢。

您對於旺角餐廳「大門橫丁 (山東街)」有何 comment？

大門橫丁 (山東街)餐廳詳細資料：

• 大門橫丁 (山東街)地址:
  旺角山東街76號地下
  Dai Mon Yokocho (Shantung Street), G/ F,76 Shantung Street, Mong Kok
• 大門橫丁 (山東街)電話: 23944308
• 大門橫丁 (山東街)價錢: $51-100
• 分類: 日本菜, 烏冬, 串燒
• 座位: 60
• 付款: Visa,Master,現金,低於$250需現金支付
• FB專頁: 大門橫丁 (山東街) Facebook

更多大門橫丁 (山東街)相關資料:

• 大門橫丁 (山東街)分店
• Youtube
• Facebook
• Twitter
• Google