大笪地花膠雞 旺角
最後更新:
大笪地花膠雞推介
推介花膠雞鍋湯底，足料無味精。其他配料如手切安格斯牛肉、西班牙豬腩片及手打丸類也值得一試。
旺角大笪地花膠雞
| 餐廳分店 | 大笪地花膠雞 |
|---|---|
| 地區 | 旺角 |
| 電話訂位 | 21552789 |
| 餐單 Menu | 港式, 火鍋 |
| 人氣指數 | 909 |
| 價錢幾錢 | $101-200 |
大笪地花膠雞訂位位於旺角區，詳細地址是旺角彌敦道613號飛達商業大廈3樓，餐廳寬敞座位數目共有未知幾多個。大笪地花膠雞幾錢？價錢優惠後人均消費大約$101-200埋單，早餐午餐晚餐大笪地花膠雞餐單包括有港式, 火鍋等美食，付款方式有Visa,Master,AlipayHK,支付寶,現金,銀聯付款，Booking網上訂位可以電話致電 21552789 查詢訂座。
大笪地花膠雞優惠
大笪地花膠雞 評價 相片
終於又到星期五，經過一週嘅努力，當然要好好慰勞下自己，幾年前食過大笪地嘅花膠雞鍋非常驚艷，時隔幾年再訪，最掛住嘅依然係花膠雞！餐廳標榜所有火鍋湯底不含味精，而且湯底選擇眾多，主打湯鍋有高山松茸刺參湯鍋、阿拉斯加長腳蟹花蛤鍋、龍躉片湯鍋、原隻豬肚胡椒雞鍋、胡椒蘿蔔牛腩鍋同我心心念念嘅花膠濃湯雞鍋，想食得簡單啲亦有其他清湯選擇。
火鍋配料方面選擇亦唔少，仲有一啲比較少見嘅食材，例如牛胸爽、鴕鳥肉、薑汁皮蛋貢丸同芝士流心牛丸等，另外仲有海鮮檔俾食客自選生猛海鮮，別有風味。
首先送上嘅係今晚嘅主角——花膠濃湯雞鍋，我哋兩個人食所以嗌咗半隻，份量已經好多，而且係上菜後先即場剪開一件件，童叟無欺；另外花膠嘅份量亦唔少，用碟上然後即場倒入湯底。
一滾起當然係飲返碗靚湯先，鹽份唔多，但更突顯出雞嘅鮮甜味，加上花膠令湯底帶少少濃稠感，感覺零舍真材實料。
飲到雞湯就快見底再加高湯打邊爐，首先送上嘅配料係牛胸爽，係牛肋骨之間嘅部份，唔好俾佢肥膩嘅外表嚇到，入口完全係另一回事！將牛胸爽放入湯底幾秒就食得，入口非常爽脆，又不失香濃嘅牛味，而且一啲油膩感都冇，絕對令人驚艷，沾上少少辣椒豉油，完全係人間美味！龍躉片超大塊，而且一碟有六件，份量亦算多，性價比唔錯。
龍躉味道鮮甜，肉質厚實，魚皮亦夠哂厚，入口充滿膠質，係另一樣必點配料。
墨魚滑味道鮮甜，爽口彈牙，仲有少少墨魚碎增強口感。
自從喺第二間餐廳食過皮蛋貢丸之後就念念不忘，估唔到呢度都有，當然唔會放過。
咬開爽彈嘅貢丸，入面係香濃嘅薑汁同皮蛋碎，非常滋味。
油麥菜非常新鮮，色澤翠綠，味道清甜，同雞湯亦非常夾。
今晚嘅湯底同每一款配料都令人滿意，尤其係牛胸爽，完全係食一碟都唔夠喉，令人想encore再encore！下次一定要約多幾個人食埋海鮮！
高質邊爐😍超級足料嘅花膠雞🥰淆一陣再飲碗湯連花膠一齊食超級正‼️🤤記得係落野食之前要飲左啖湯先🤤咁先飲到超濃厚膠質同雞味，無添加味精(好似係)最後我地飲晒啲湯先開始打邊爐😂 實在太正💓墨魚滑都好好味❗️有好濃墨魚味，食落好彈牙👍其他野食都唔錯有機會想試下佢啲海鮮😄今餐飲湯飲飽😂
想打邊爐，行過見到大笪地花膠雞既招牌，見佢個名甘貼地，一於試下d野食，真係出奇地好，食物材料新又高質，而且環境唔錯，座得好舒服醬料盤好整齊乾淨，醬油、蒜粒、蔥花、辣椒粒樣樣齊胡椒蘿蔔牛腩鍋 $138(美味指數: 😋😋😋😋😋)胡椒牛腩湯底好濃，好香胡椒好濃郁牛腩湯底味。
未打邊爐之前已經飲左幾碗胡椒牛腩湯，非常暖胃。
牛腩好軟冧，肥瘦岩岩好美國肥牛 $78(美味指數: 😋😋😋😋😋)d肥牛真係好靚，肥瘦均勻，而且份量十足，好有肥肉味羊肉片 $68(美味指數: 😋😋😋😋😋)羊肉一d都唔羶，肉質爽滑蜂巢豆腐 $38(美味指數: 😋😋😋😋😋)出面火鍋店好難食到蜂巢豆腐，所以見到一定要點食，蜂巢豆腐特別吸晒d湯汁，好滋味另外仲嗌左唐生菜 $35，棵棵都好新鮮；脆肉鯇魚片 $58，好新鮮好脆好滑；貢丸併牛丸 $60，非常彈牙下次再黎一定會試下佢既花膠雞😋整體食物質素：5 / 5💰性價比：5 / 5👍推薦指數：5 / 5
大笪地咁貼地嘅名，加上起朗豪坊附近，感覺好Local，起商廈3樓，搭3轉扶手電梯，就到係幾就腳嘅環境係一D都唔大笪地，好簡單整潔，有卡位，有圓檯，另外有水池show海鮮，style都幾摩登幾乾淨，而且一D都無打邊爐油膩嘅味道<醬料調味盤$12>有醬油，蔥，炸蒜粒，蒜蓉醬同埋辣椒粒人少少唔想食唔曬，就嗌左個<鴛鴦鍋（皮蛋拼沙爹）$78>湯底皮蛋都芫西都唔少，沙爹底又濃郁，店員有介紹鴛鴦鍋係可以自由選擇配搭添<手切安格斯牛肉 $188>薄砌到成隻蝴蝶咁，紋路好靚仔，拖幾拖就熟，入口都好嫩，一D都唔韌<紐西蘭特大貴妃蚌 $58>時價海鮮，大大隻好新鮮，即叫即開，彈牙爽口<西班牙黑毛豬午餐肉 $68>大大塊厚條狀砌到個心形出來，厚條狀好有口感以上都感覺幾特別邊爐配料而<魚籽包心丸 $30半打><金菇菜 $38><健康芋絲$32>等等都係邊爐必備自選加埋<支裝可樂$10>，<if椰青水$16>嘅絕配搭幾抵食下次多人D仲可以嗌個花膠雞煲，齊齊飲完湯再打邊爐
星期六晚同朋友食飯最好既選擇就係去打邊爐，可以一路食一路傾計。
今晚去咗旺角食火鍋，呢間店舖環境大，呢到啲火鍋好正嫁，火鍋湯底不含味精，又好飲，仲好補。
2個人食咗個鴛鴦鍋🥘 (皮蛋＋四川麻辣雞煲) $78再點咗幾樣火鍋配料：美國肥牛🐃 $78 爽脆肥牛，勁好食羊肉片🐑$68 肉質爽口，最重要唔會有騷味，正魚籽包心丸🍡 $30/半打 食到LamLam脷龍蝦丸🦞 $30/半打 大大粒夠哂彈牙雞子🐣 $68 又大碟又大粒，好正呀松茸鮮雲吞🥟 $48/4粒 呢個真係好好食呀，好足料，又大粒油麥菜🥬 $35蜂巢豆腐🐝 $38 百威啤酒🍻 $26/支 (2支)大笪地花膠雞 (旺角)旺角彌敦道613號飛達商業大廈3樓
大笪地花膠雞餐單提供港式, 火鍋等推介美食位於旺角區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 21552789 查詢。
您對於旺角餐廳「大笪地花膠雞」有何 comment？
大笪地花膠雞餐廳詳細資料：
- 大笪地花膠雞地址: 旺角彌敦道613號飛達商業大廈3樓 大笪地花膠雞, 3/ F, Fee Tat Commercial Centre,613 Nathan Road, Mong Kok
- 大笪地花膠雞電話: 21552789
- 大笪地花膠雞價錢: $101-200
- 分類: 港式, 火鍋
- 座位: 未知
- 付款: Visa,Master,AlipayHK,支付寶,現金,銀聯
- FB專頁: 大笪地花膠雞 Facebook
更多大笪地花膠雞相關資料:
香港餐廳2026推介9月