堅韓牛韓燒火鍋雙放題 旺角

堅韓牛韓燒火鍋雙放題 評價 相片

價錢優惠,環境衛生和舒適!食物質素於這價錢相當不錯!點餐的食物和飲品有很多樣種類! 牛味很重和有咬口,不覺得會很韌, 很多部位可供選擇, 本人如果有機會會再嘗試的呢!

前排上網見到呢間蕭生開既，諗住同朋友試下啦。

Book左7位2130，準時去到係竟然比walkin入先，訂左枱竟然冇得入，仲話比4人枱我地坐，成班人仲要生日廢事轉餐廳就唔理啦，一路等到2230左右先入得，最尾比左張6人枱，逼到傻。

個時經理係講到明話比我地食到收鋪同free一位比我地，我地先入。

好啦食左一陣去到2240，佢地就話2245要截單last order，當堂o曬嘴，岩岩先坐低，個經理仲要過黎連問幾次有冇野加，岩岩先坐低炸喎。

問佢收幾點，原來係收2330，咁點解2230仲放人入呢？出面寫110分鐘，咁佢2245last order，仲話廚房收。

我姐係食到幾耐？仲要有唔少野食落左幾次紙都冇黎，冇時間食仲要冇野食食。

btw, 仲要唔算好食。

1 訂左枱要等成一粒鐘先有得入，full booking唔識講2 鋪頭收2330，2245截單，但係2230放客入，玩邊個？3 係食到收鋪呀，但淨係比3個字你落單，爐都未燒熱啦大佬以後同都唔會再黎了。

上面個單發生日期係2020/1/22 睇番嬲到我死，特登再打上黎

一次很失望的韓燒，連連鎖店經營的燒烤也不如。

其實睇到好多負評我都覺得可能係啲人要求高/打手但自己食完之後，發現咁多負評唔係冇原因⋯平時我都好少打食評，今次真係忍唔住要出嚟講幾句，比定啲心理準備準備食嘅人～限聚令稍為放寬，諗住出嚟食餐好嘅～上到嚟發現勁多人等位，門口又貼住韓牛認證嗰啲，心諗點都唔會難食啦！點左個韓牛餐～一嚟就擺咗一盤唔知邊度嚟嘅牛肉（開頭以為係韓牛預設拼盤不過識落發現唔係韓牛嘅味道，只係一般嘅牛肉，不過唔難食嘅～所以對未黎既韓牛好有期望）叫完韓牛就發現賴嘢啦！個樣好靚嘅！食落由第一夠去到最尾嗰舊，冇一舊係可以吞嘅！！！係有韓牛嘅味道，不過全部都係韌到不得了你話一舊半舊個位置唔靚唔緊要，係成盤都唔食得啊😟😟😟！！簡單啲來講，係有韓牛味道嘅擦子膠⋯食完之後真係咩心機都冇晒⋯⋯見到單點韓牛6X，套餐嘅話都係每個人貴呢個價錢，到底係散叫會更加好食呀?定係全部都咁垃圾？⋯然之後叫水產唔吹都唔攞上嚟（差唔多食咗一半時間有多）係咪啲貴嘅嘢就唔攞出嚟呢？問店員邊個d肉位置打邊個位置，佢哋都唔知牛小排係一塊大冰⋯⋯塊肥膏多過肉__________有冇嘢讚？⋯都有既⋯個海鹽雪糕都幾好食嘅但重點我係黎食韓牛⋯⋯三條友其實都$900，呢個價錢我唔係要求食有幾靚幾靚嘅韓牛⋯但我真係接受唔到係食一啲連吞都有困難嘅牛肉⋯呢個價錢我去買幾塊靚肉都無咁嬲好少何食韓燒唔係頂住個胃出嚟⋯呢個質量只值198⋯同埋唔好打住韓牛嘅旗號⋯我諗成件事唔會有咁多人有負評我支持懲罰黃店，但冇諗過會比呢間野罰返轉頭⋯黃店唔好食仲要貴，做生意又唔老實😑絕對唔會有下一次，係請都唔食***雖然張相核突左少少，但我真係想比大家見到，真係冇一舊韓牛係可以好好咁樣吞⋯真係唔好恰人冇食過真正嘅韓牛先得㗎⋯

今日，同女朋友晚飯時間5：40pm入去。

當時入面已經有兩台客。

佢地服務態度都算ok, 剔完野食佢地就上咗個拼盤，一半一半好食，有啲款真係冇乜牛味多春魚勁苦勁血腥雪濃湯同大醬湯似粟米湯同羅宋湯同平時喺韓式店飲嘅差好遠！佢地上得最快就係啲蔬菜類同其他平野！韓牛類上咗一啲，加完第二次單又係蔬菜類上齊曬都未齊韓牛。

到第3次加單再落韓牛，起碼等咗20分鐘都唔黎，嚴重懷疑佢突登唔上搵咗個店員幫我地跟一跟先黎，之後啲野食仍然好耐先黎。

明明佢地又唔算好爆，放題啲燒烤肉全部都係生肉，唔明有咩其他理由會咁耐都唔上韓牛類我地埋完單，佢同我地講仲有20分鐘。

我地食雪糕同埋枱面啲野啦！點知佢執緊旁邊張枱，執執下就叫人執埋我地張枱囉我地未夠鐘，佢咁樣即係趕客啦！埋單2個人$621，同平時啲韓燒放題差不多價錢，但如果咁樣突登唔上最重要嘅食物，就真係唔抵。

自從朋友試左一次堅石燒就上左癮咁…每次Lunch聚都話“如果唔介意的話…可以去堅石燒”。

大大話話都去左3次…今次我地話你咁鍾意…不如試下另一間同group餐廳…朋友話無所謂…終於可以轉下環境😅堅韓牛其實係一間韓燒放題餐廳…得兩個選擇就係食美國牛定韓牛(貴5草)…難得黎到點都試下韓牛啦…呢度點野食都係畫紙仔形式…大至分開左小食…蔬菜…肉類…海鮮同主食…野飲就自己行出去雪櫃攞…除左基本罐裝野飲外…仲有自家沖既無糖茶👍👍。

飲咁多甜野真係命都唔長…既然點左韓牛餐…梗係勁點韓牛啦…乜都Tick黎試下…再加少少雞肉…少少魚同帶子…同少少蔬菜…(最後都點左3轉牛肉🦁🦁)因為包場咁滯…野食雀一聲就到…唔同既韓牛放埋一碟…老老實實…真係唔知邊忽打邊忽…食飽先講…我對食物描述真係有限…只可以話牛肉質素以呢個價錢無詐型…有牛肉味…牛肉質感幾好…好味的…至於魚同帶子都幾好喎…魚柳好滑…最搞笑係店員應該好L得閒…自己過黎幫手燒埋一份…話魚同帶子要燒10分鐘先可以幫佢轉身…咁我地咪由佢燒…點知手痕搞左下佢俾店員發現左😛店員(講笑):都叫你地唔好反住…而家全部黐哂我就駁咀: 我反左一件…其他無郁過唔好瀨我喎😏😏不過佢燒既係好靚d👍咁既價錢有韓牛任食野飲任飲係抵既…又有店員幫手燒(我估正常時間唔會蘇我地)…

堅韓牛韓燒火鍋雙放題餐單提供韓國菜, 日式放題, 韓燒等推介美食位於旺角區，餐廳座位數58人均消費約$201-400，結賬可以用Visa,Master,AlipayHK,支付寶,現金，Booking訂位可以電話致電 21110753 查詢。

您對於旺角餐廳「堅韓牛韓燒火鍋雙放題」有何 comment？

堅韓牛韓燒火鍋雙放題餐廳詳細資料：

• 堅韓牛韓燒火鍋雙放題地址:
  旺角彌敦道726號16樓
  Real Hanwoo, 16/ F,726 Nathan Road, Mong Kok
• 堅韓牛韓燒火鍋雙放題電話: 21110753
• 堅韓牛韓燒火鍋雙放題價錢: $201-400
• 分類: 韓國菜, 日式放題, 韓燒
• 座位: 58
• 付款: Visa,Master,AlipayHK,支付寶,現金
• FB專頁: 堅韓牛韓燒火鍋雙放題 Facebook

更多堅韓牛韓燒火鍋雙放題相關資料:

• 堅韓牛韓燒火鍋雙放題分店
• Youtube
• Facebook
• Twitter
• Google