堅信號上海生煎皇 旺角

堅信號上海生煎皇 評價 相片

【堅信號上海生煎皇】『九龍篇油尖旺區』近期因為就黎上堂考試既關係，所以同個朋友四出搵地方溫書。

最近既旺角有一間唔錯既自修室可以試下，環境裝修清幽之外，仲提供Coffee 飲品任飲，溫書必備條件都有齊哂。

有興趣既朋友可以Search『Desk One』（佢唔止有旺角分店）。

溫完書就梗係去醫肚啦，付出左成日既力量塞左咁多野落個腦到。

而我地就想快食得黎又有D 特式，兼有D 菜落肚消化下。

我一諗就諗到上海菜，當然就要試試Oscar 既上海生煎皇啦。

因為佢同另一間生煎包係兩鋪之隔，上海生煎包皇知門面就輝煌D，裝修會文青特式D所以唔會認錯。

適逢呢排係疫症肆虐，堅信號都有平價套餐支持大家生活，同大家打打氣。

個套餐非常全面，包一份小食、生煎包、主食同埋飲品。

小食我地叫左兩份麻醬五色粉皮生煎包四隻。

主食就有四川擔擔麵同埋秘製厚切豬扒拼蜜椒雞扒菜飯。

另外，我地跟餐再加多個蟲草雲吞雞補補身。

先講講個粉皮先，個粉皮其實唔錯，都算中規中距。

由於係小食形式，所以份量係會細D。

再講講個生煎包，話說堅信號最出名當然就係生煎包啦，果然係名不虛傳，佢地堅持一定要新鮮上台所以上親台郁會熱辣辣咁上，呢個位特別要注意既係，咬落去第一啖必須要小心小心。

佢除左充滿住湯汁之外，D 汁仲會覆翻滾出黎，濺到你成身都係。

可想以知，又熱又多汁咁濺出黎係有幾刺激。

最後既就係個主食，我覺得個主食都算係中規中距，食過上海菜都會分別出黎。

味道寫算好出色好獨特，可以叫接受到，未算食到嘩嘩聲。

但係個賣相都幾靚仔，上台都唔會失禮。

總括而言，佢既生煎包係好出色既，上海菜黎講要有既菜都會有，可算係有誠意。

門面裝修同埋上菜賣相都唔失禮，再加上佢地出左抗疫平價套餐，係值得一讚既。

各位鍊金術士有興趣都可以試下，歡迎PM 交流下。

識食‧你都會係食の鍊金術士

因想食生煎包就入內試下，生煎包（$18）做到爆汁效果，所以食時要小心，小心整到隔離個位，但味道就不過不失，皮蛋豆腐（$35），個汁做得唔錯，但皮蛋就略少左d,紅油抄手（$38）就好一般，厚切豬扒担担麵（$58），麵好淋，豬扒味道同叉燒無異，可能我唔預計係呢個味道，所以我覺得唔算太好食，不過價錢唔貴，但未必會再試。

旺角小店好多，今日揀左食上海野，一入到去職員有禮對待，詢問我「需要口罩袋嗎？」種類都有好多，我們揀了「雞絲粉皮」尚可！粉皮夠滑！「麻辣土豆絲」一般！未夠麻辣，如果再幼一點土豆絲更好！「生煮包」包內多汁，但肉味未夠鮮，「小龍包」皮薄夠熱，另外叫了 「雞扒菜飯」雞扒配上黑椒汁（凍左結了）雞肉鮮嫩，菜飯麻麻地，感覺似泥膠（可能都是因為唔夠熱）。

註：場內冷氣超大風，令食物好快凍在我要求一杯水，待應表明了只有過濾水喉出的，再後我說要熱水，她仍表示只有水喉出並沒有熱水，感覺令人失望

午市套餐貴左 唔抵食。

感覺將貨就價。

例如以前套餐有豬扒菜飯一大塊厚切， 而家只有豬扒拼雞菜飯，豬扒大大條骨，肉得幾舊，感覺大不如前。

....................................雖說是餐，售價就好似單叫一樣咁貴。

叫左個套餐一個飯$50+ 生煎包$15+熱豆漿$2⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

係旺角行行下好餓又唔想食掃街，突然見到尼間店就叫左 4個生煎包外賣食。

叫左之後都等左5分鐘先有（唔知係唔係即叫即整），一拎到就馬上食呀！個皮唔厚 同埋好脆，而咬開中間係好多好多肉汁 熱辣辣！如果加埋酸仲好食！相信下次經過都會去買份外賣食下！

堅信號上海生煎皇餐單提供滬菜, 上海, 中式包點, 名人店等推介美食位於旺角區，餐廳座位數30人均消費約$51-100，結賬可以用AlipayHK,支付寶,現金，Booking訂位可以電話致電 23232374 查詢。

您對於旺角餐廳「堅信號上海生煎皇」有何 comment？

堅信號上海生煎皇餐廳詳細資料：

• 堅信號上海生煎皇地址:
  旺角花園街3-5號鴻威大廈地下7號舖
  Ging Sun Ho Kingof Bun, Shop7, G/ F, Hung Wai Building,3-5 Fa Yuen Street, Mong Kok
• 堅信號上海生煎皇電話: 23232374
• 堅信號上海生煎皇價錢: $51-100
• 分類: 滬菜, 上海, 中式包點, 名人店
• 座位: 30
• 付款: AlipayHK,支付寶,現金
• FB專頁: 堅信號上海生煎皇 Facebook

更多堅信號上海生煎皇相關資料:

• 堅信號上海生煎皇分店
• Youtube
• Facebook
• Twitter
• Google