基隆街五號 旺角

基隆街五號 評價 相片

呢間野大大話話都黎左兩次咁大把😂😂…覺得幾好味所以返兜…當然都有D唔太啱口味…不過可能係我唔識食only😅呢度食飯一坐低就先黎一碟炸蝦片…新鮮炸起啱哂送下酒…仲可以Refill😍…第一道番兜菜式就係呢味梅爾辛紅飯釀烤雞…老闆一上菜就即刻介紹呢隻雞係土耳奇名菜…點樣煮都話可以公開喎…而重點就係醃雞時加入乳酪…咁樣就會連白肉點焗都唔會鞋…不過D白肉又真係好嫩口…個雞好好味…個飯索哂雞既精華又夠乾身…好好味…就連墊底個沙律都好好味…另一味就係加多加多印尼沙律…入面有豆角啦…豆腐啦…有波菜啦…有椰菜啦…有傻仔啦…有合掌瓜(好清甜)啦…仲有係面有D一塊塊既野…好似話係植物壓扁再炸😅…不過成個餸既靈魂就係個加多加多汁…好味最後一味就係巴東牛肉…好似話係蘇門答臘菜…話要不停狂炒幾粒鐘去收乾D汁…仲話係調整到正常1/10辣…都已經幾辣下…不過佢地會提供xx花sauce俾你解辣…而最正係配左個印度Basmati米…好香飯味…仲要任裝😍😍其他菜色仲有:愛琴海灘畔懶洋釀烤烏賊…都ok香草芝士番茄薯仔…呢個都幾好味…最sad係要搵人break左個心型芝士餅💔塞米餅…正常印尼花豆炒蝦…花豆=臭豆…不過唔臭既…配左蝦乾做個sauce幾夾印尼千層糕…老闆話有成20層…要焗完一層再鋪一層再焗…多手工…糕面微脆…唔錯無出鏡既有:古法脆香拆釀奶酪鯖花魚…可能我唔太食魚既關系我唔太喜歡…不過老闆話又係名菜黎xx芝士餅…正常食完除左仲有健康生果同自製雪糕送(有海鹽同Caramel味)整體食物質素唔錯…係價錢貴左D老闆好用心介紹每一道菜做法…食法同少少歷史…尤其當第二次去時老闆介紹同一道菜時…講既野同上次99%一樣就覺得好搞笑…好似錄音機咁😂😂

難得的土耳其菜早兩星期預約，平日還好，星期六日就太難約了我們5人，預先點選5款菜1. 梅爾辛紅飯釀烤嫩雞配自製乳酪醬汁，但雞本身味道很好， 根本不需要點任何醬汁，皮脆肉嫩， 平日不吃雞皮的我，遇到這隻雞都會連雞皮一齊吃2. 愛琴海灘畔懶洋釀烤烏賊魷魚新鮮配類似番茄醬料， 清新可口3. 古法脆香拆釀奶酪鯖花魚1條廚師手法太厲害，將整條魚起骨但表皮沒有破損再樣入食材，炸得香脆， 味道一流4. 華僑古早味滷豬手正常滷豬手，無特別5. Falafel用牛油果搓成蓉再炸成的小食，味道有點淡，喜歡食牛油果的會喜歡最後， 還有海鹽及冧酒咖啡雪糕，兩款都很好吃。

店員會再起菜的同時介紹菜式的來歷及煮法，Nice，很滿足的一餐。

去婚宴都未試過食咁耐，第一次食手工私房菜，由19:30食到23:30。

大家都食到超超超～飽。

今次主題係印尼+土耳其菜，係好考時間同工夫又好特別既手工菜，等得耐都值得既。

東主每道菜都會好詳細介紹，連phy chem bio都講埋，又會講下印尼同土耳其既飲食文化，好似上左堂旅遊特輯咁。

佢仲講埋材料清單、作法俾你知，有興趣可以自己試做（道道菜都咁多工序時間，真係聽完都唔想做🤣）🍪香草帕馬臣脆餅沙律，勁好味，超級脆。

配埋酸酸甜甜既牛油果蕃茄沙律，真係食到nonstop。

加多加多，即印尼沙律，可以配米飯、米糕一齊食！加多加多係「混合」既意思，就係將時令既蔬菜、雞蛋、炸豆腐等混合而成。

今次東主用左青瓜、芽菜和合掌瓜等。

配上自家製的沙嗲醬，惹味可口。

蘇門答臘全鴨古麗，鴨肉勁入味好鮮甜好冧，加埋大樹菠蘿真係食到😋（雖然都唔係好分到邊件係大樹菠蘿）👍🏻👍🏻🐬古法脆香拆釀奶酪鯖花魚，鄂圖曼帝國嘅宮庭菜。

將加大碼的冰島鯖魚原條起骨削肉，要保持魚身原好無缺，否則不能釀入餡料。

鯖魚一釣起立即船上急凍冰鮮，直到整既前一晚先解凍。

東主話要將條魚撻好耐（好似要45分鐘），令魚既骨肉分離。

削肉亦非常講究，太多太少都唔得。

超費神既手工菜！我本身唔太好魚，覺得有少少腥，但滴些少檸檬汁就去到陣腥。

魚皮非常薄同脆，配埋清爽酸甜嘅地中海式沙律，一流。

🦑愛琴海灘畔懶洋釀烤烏賊，除左好好味都唔知仲有咩形容詞。

烏賊嫩得黎又爽口，好有口感，中間釀既材料佢有介紹不過我邊有可能記得🙄總之好食啦。

Dolmast，即係都瑪，係一種地中海菜好常見嘅做法，即係釀乜乜，釀鴨釀雞釀菜都得，佢地覺得香港煎釀三寶既魚肉茄子都係Dolmast既一種。

🍕土耳其烤餅，我覺得佢應該同巴東牛肉一齊上，中和番。

我就咁齋食，都覺得好味，因為我本身好鍾意食饅頭類既東西。

招牌巴東牛肉，正宗的巴東牛肉係乾身，將醬汁炒至乾身，令醬汁焦糖化，完全黏在牛肉上。

正宗的印尼巴東牛肉是超級辣的，東主話辣度大概5萬，胡椒噴霧大概5萬6辣度。

東主為左遷就香港人，將菜式減辣，好似減左半以上，但我都覺得頗辣。

配上印尼玫瑰花醬解辣，東主教如果你覺得辣，就直接食一小匙玫瑰花醬，甜可解辣。

佢話無玫瑰花醬，用蜜糖都得。

🌽印尼黃金粟米餅，好似話無加麵粉定好少麵粉，好脆好脆的，可惜當時我地已經勁飽。

🐔香草乳酪雞，用乳酪煮雞。

講起乳酪，東主話如果牛肉唔夠嫩，都可以搽乳酪令佢嫩滑d。

個汁勁正，撈飯一流，不過我飽到無空間食一啖飯了。

特別飲品都要預先order，我自己就叫左杯牛油果🥑奶昔，好好味好濃郁好杰。

不過好飽😂黑色既係朱古力醬😈🐔梅爾辛紅飯釀烤嫩雞，好香好嫩既烤雞，皮脆肉嫩！東主話用左少量乳酪醃製，令雞肉纖維軟化，肉質自然嫩滑。

飯吸收左雞既肉質精華，好鮮味，飯用香料煮過，加左番茄、紅洋蔥和紅燈籠椒等。

東主話係印尼家常菜，媽媽為左令小朋友食飯同菜，將飯+不同既菜混合，釀入隻雞裡面。

印尼人食米種類好多，唔係淨食白米，小米、泰國長米等都常食。

東主原隻上俾我地望下佢個樣，再幫我地剪開。

🎂鮮製千層牛油蛋糕一磅，我前排去完印尼，喺機場都買左個，但絕對無今次呢個咁好食！呢道甜品尾二上，大家飽到要企起身行黎行去中場休息😂本來個個都話好飽唔食，最多食一件試下，點知食完個個話好好食，勁飽都忍唔住食23片🤣東主話下午1點左右入爐，焗到7點先攞出黎！蛋糕大概係20層，好難形容嗰種感覺，又唔係海綿蛋糕咁空氣，但又唔係好煙韌。

東主話原receipt好甜，依家減左一半甜度，我覺得剛剛好。

雖然東主好好咁俾左材料份量我地，但大家食完都係問有無得直接係度買😆送嘅home made 法式雪糕有兩種味，岩鹽同咖啡冧酒。

東主話，法式雪糕同平時食到嘅雪糕最大分別就係無水份，唔係用牛奶，係用忌廉去打（超肥🙄），而且唔打空氣入去，一定要用雪糕機打。

我叫左岩鹽味，我未食過咁滑咁重奶味既雪糕，好綿密，每一啖都好有份量同好邪惡🙈。

仲有🍓送飯後健康水果：車厘子、蘋果、奇異果。

之前看朋友分享，印尼加土耳其菜，想試好耐，不過呢間餐廳叫餸要人多先試到。

可惜我朋友少😂 一直想試但人少試唔到，直至中同聚會，我即刻點名要試呢間！因為我一早到，上去坐住等，老闆主動提供蝦片同水，服務很好。

食物睇相就知好食，每樣調味都唔同，各有特色，老闆都會介紹每道菜嘅特點同歷史，非常有心。

贈送嘅自家製雪糕都非常好食。

如果搵到多啲朋友陪我，一定會再食！

呢間餐廳就係朋友介紹嘅，係一間樓上食土耳其菜地方。

上去之前要預約，同埋要揀埋菜單。

好似菜單每一期都唔同。

個環境有兩張大枱，有好多梳化，個佈置都幾特別。

咁我哋今晚呢就落咗四個菜，第一道呢就係雞入面釀咗啲飯，然之後有啲salad擺底。

個廚師就話呢隻雞用乳酪醃過，所以就算連雞胸都好嫩滑。

跟住雞入面就有飯，飯吸收晒雞嘅味道所以我覺得都幾好食。

廚師話，土耳其啲小朋友唔鐘意食飯， 所以屋企人會用好多方式嚟煮飯。

第二道菜就係煎粟米餅，廚師話佢哋個粟米餅係即叫即整，有好大量嘅粟米好少粉漿，所以炸嘢出嚟冇乜粉感， 而且我唔覺得熱氣。

第三道菜係重頭。

係一條炸魚，係一條特別炸魚。

廚師會將肉拆出嚟，但係塊魚皮就保持完整。

跟住將啲魚溝埋其他材料再塞返入個魚皮度再拎去炸。

條魚嘅味道好鮮好突出， 加埋炸左嘅外皮， 真係第一次食咁特別嘅煮法！ 第四道菜係魷魚， 不過就冇咩特別。

好食。

您對於旺角餐廳「基隆街五號」有何comment？

基隆街五號餐廳詳細資料：

• 基隆街五號地址:
  旺角基隆街5號2樓
  The Venue, 1/ F,5 Ki Lung Street, Mong Kok, Mong Kok
• 基隆街五號電話:  
• 基隆街五號價錢: $201-400
• 分類: 印尼菜,中東菜,私房菜,
• 座位: 40
• 付款: 現金
• FB專頁: 基隆街五號 Facebook

更多基隆街五號相關資料:

• 基隆街五號分店
• Youtube
• Facebook
• Twitter
• Google