土屋 旺角

土屋 評價 相片

前2天同朋友去食,叫左益力多加石榴綿綿冰,唔好食::,但我朋友覺得OK我試了楊枝甘露一口,MANGO好甜,今日再同朋友去食,再叫楊枝甘露,D白色大粒西火唔好食,仲叫左杯哈蜜瓜沙冰,直情超難飲,無味又唔甜,只像加了糖的冰水而已

同內人, 朋友CF食甜品行過女人街就見到呢一間土屋見到幾好所以入黎食環境算係幾好, 可能因為仲早 (九點), 所以人唔太多, 好舒服 都有唔少既甜品可以選,於是就叫左 招牌木糠布甸 同 朱古力心太軟招牌木糠布甸 黎到好靚口感幾特別, 有D似雪糕+面包糠。

味道幾好, 唔太"林", 而且唔太滯 朱古力心太軟 黎到都唔錯!好香牛油味, 而且入面既朱古力心真係好熱同會流出黎!!!加埋云尼拿雪糕真係幾好食下次行過會再黎!

我個日係同D FRIEND一齊去食,一開始係被佢88蚊好似好抵咁(後尾先知要加一), 咁就3條友傻更更入左去受罪 一開始我地仲好HIGH好期待,但興奮既心情已經比個黑人憎既服務員破壞晒 我地寫好張點餐紙叫佢過黎收,佢用好唔耐既語氣叫我地等等.. 咁我地等左一陣佢都冇理過我地..咁我咪好心行過去令張紙比佢囉!! 點知佢竟然黑曬面同我講"咪叫左你等等囉!!" 哇大佬!!我好心令比你你竟然黑我面!! 個陣諗住算啦,開心D食埋D甜品佢,我估唔到甜品先至係最令我失望既野!!! 3種CHEESECAKE黎齊,望上去好好食,一食落口冇CHEESE味! 而個芒果班戟,個皮唔知點解怪怪地,入面得一舊CREAM加2舊芒果仔咁就算 而個木糠布甸算係最OK,第一次叫既時候覺得終於有樣野係好食,我地落多次單, 叫番黎個木糠布甸係硬到我地3個用最大力先可以吉得入 堅係唔知個2舊野究竟擺左係雪櫃幾耐... 另外我地仲叫左個焦糖燉蛋,我想講我食出黎既只係得蛋味,完全食緊水蛋咁既FEEL!! 我唔知係我地3個既期待太高定係放題既QUALITY差過散叫,我只係知道我從來未試過食甜品就黎食到想嘔(呢個唔係我誇大) 完全覺得我食既野完全唔值98蚊!!! 我成篇文冇相係我已經冇MOOD去影相 BUT佢都教識我平野冇好野,我要多謝佢 呢間野同明將有得揮,我死都唔會再食第2次!!!!!!!!!!!!!!!!!!

旺角這區沒特別需要真少踏足, 人多車多, 空氣又不好, 雖然尖沙咀不見得好很多, 但感覺上就是較得我心。

是晚與朋友在附近的fine pasta吃晚飯, 飯後一定要甜的我當然有下場, 不想走太遠, 見斜對面的土屋有著各款木糠布丁, 可以一試。

等侯期間眼尾瞄到有黑色的物體在牆上走動, 赫見是隻小小強, 衛生程度實在需要留意。

三色木糠布丁: 以白、黃和藍三色, 分別為原味、芒果和藍莓口味, 配搭巧妙, 挺吸引的。

但未知是否冰得太過, 以致嚐到不少冰粒, 未像細滑軟綿的雪糕討好,幸好果味的人工成份未算太重, 原味相對較好, 做足本份, 奶味豐盈醇厚, 頗滑溜, 唯所佔的比例最少, 未能扭轉對整體的觀感。

芒果酥皮卷: 冰涼過後, 便轉戰這道熱食的甜品。

那層皮烘得香酥, 輕得用力一點便會碎開, 本想用刀叉來吃, 但一切下去皮便散開, 弄得滿碟皆是碎, 有點狼狽。

索性整條叉著來吃還好, 芒果肉將卷填得滿滿的, 焗後更加軟腍卻不會太像醬般糊口, 仍帶點挺身, 肉厚多汁,以薄薄的海綿蛋糕作夾層, 更感香甜, 只是個人總覺芒果熱食怪怪的, 反而香蕉、蘋果、啤梨會容易接受一點。

唔知點解，常常無啦啦就會去咗旺角，可能係慣性，食嘢行街都非常多選擇。

今次想寫嘅係我去旺角食甜品嘅首選土屋，呢到之所以能夠成為我最愛嘅甜品店之一，同我鐘意去旺角一樣，因為選實在非常多。

首先呢到有好多我鐘意食嘅西式甜品，最神奇嘅係呢到除咗有單點甜品之外仲有放題甜品，真係滿足到我唔同嘅需要。

。

嘻老闆娘同d員工都好nice，勁吹得，好攪笑！可能呢個都係令我係旺角想食甜品都會嚟呢度嘅原因。

言歸正𨍭，講返呢度嘅食物，個人真係好Like呢度嘅心太軟同提拉米蘇朱豬，心太軟朱古力味濃，而且d朱古漿真係要用澎湃嚟形容，真係唔好一嘢叉落去食，一定要小心開頂食，咁d朱古力槳就唔會流晒落個碟，仲可以將d雪糕同士多啤梨當朱古力火煱咁點嚟食，真係十個正，有時我會加$加多個雪糕球，因為真係巧多朱古力漿，一冷一熱咁一齊食，真係巧梳肝呢至於果個咩提拉米蘇朱豬呢就真係未食過嘅一定要試下，記得第一次同男友食呢個嘢，男友好似儍咗咁，係咁講好好食，好好食，然後係咁食，極速消滅咗呢碟嘢，諗起都覺得好攪笑，老闆娘見到咁仲問佢使唔使叫多碟，我真係笑咗囉! 其實呢果甜品係將我哋成日都會係X華食到嘅脆奶油豬焗脆再加上店家自制嘅Tiramisu同朱古力雪糕一齊食，但真係無諗過將呢幾樣加埋嚟食係咁夾囉，其實之前聴老闆娘介紹係脆豬包，我都幾抗拒，因為驚好飽，好彩第一次試果日男友話肚餓會食得晒，點知真係比佢極速食晒囉，我淨係食到2舊囉!另外佢哋嘅㧧乎厘都非常出色，有好多味比你選擇，個人巧喜歡嘅係香蕉朱古力梳乎厘，店家將梳乎厘加入新鮮嘅香蕉同黑朱古力，旦香加蕉香再加半溶嘅朱古力真係巧巧味，之前好鐘意食太X館的梳乎厘，但食過呢度嘅梳乎厘我就變咗心啦...哈哈哈! 值得一讚嘅係呢度d㧧乎厘真係好彈，唔似有d甜品店嘅梳乎厘好快就扁晒。

其實仲有d甜品同放題甜品想寫，不過e家巧眼瞓，下次得閒再寫過因為之前d相唔知放咗去邊，下次先up埋d相啦!

土屋餐單提供港式, 甜品, 糖水等推介美食位於旺角區，餐廳座位數38人均消費約$50以下，結賬可以用現金，Booking訂位可以電話致電 23326990 查詢。

您對於旺角餐廳「土屋」有何 comment？

土屋餐廳詳細資料：

• 土屋地址:
  旺角通菜街2Q-2Z鴻輝大厦地下5號舖
  Two House, Shop5, G/ F, Hung Fai Building,2 Q-2 Z Tung Choi Street, Mong Kok
• 土屋電話: 23326990
• 土屋價錢: $50以下
• 分類: 港式, 甜品, 糖水
• 座位: 38
• 付款: 現金
• FB專頁: 土屋 Facebook

更多土屋相關資料:

• 土屋分店
• Youtube
• Facebook
• Twitter
• Google