圓壽司 旺角

圓壽司 評價 相片

相信係有生以來食過最差既壽司店,迥轉帶上無乜壽司出,好失望,坐響迥轉檯度都要靠menu 黎order,真係第一次,是晚客人疏落,全場都唔夠10個人,但係落左單后都要等一段時間d野先至黎,壽司上面既魚生一d都唔鮮,有d乾,又叫左個炸雞軟骨,唔係一般既製作方法, 係軟骨既外面包左層好厚既脆張,(唔係平時食開和民個隻)有d食唔慣總括黎講,有錢都唔好去幫襯

今次是第1 次去,食品真的差過旺角其它壽司店很多. 魚生和壽司飯可以說是十分差. 食物方面, 真的唔新鮮,今天柯打日本池魚刺身、油甘魚刺身、幾款壽司、天婦羅和兩款拉麵,先說跟網友想法一樣, D 魚生又唔新鮮, 一入口就覺得難食到想嘔咁滯,拉麵的湯及麵我想食過其它拉麵店都好此店, 食品又少款. 我唔覺得個D 所謂既曰本人主理壽司店有咩咁特別囉, 就算其它係港人師主理都好過此店, 看見壽司吧師父外形好像去了的大排檔的感覺, 因為師父沒有笑容和頭髮長及時常用手玩頭髮時有不清潔手可想衛生有幾多, 如果真是曰本人主理真的有被騙的感覺!!!至於侍應就有笑容及服務都好, 跟壽司吧師父的態度不同.下次仲去唔去，沒有下次!!!!!

四個字: 不知所謂所有魚生、刺身都唔新鮮, 乾"憎憎".又少嘢食, 叫咗個拉麵, 但味道似上海麵.又唔係平, 食咗好少嘢都要二百幾.總知好慘, 好後悔唔上嚟睇過其它食評就上咗去。

我同我女友成日都出去食野，自問都食過唔少好野，差既就更加不在話下。

我不嬲都有睇開呢度既食評，但係一直都無出過ＰＯＳＴ。

但係今次真係要開金口啦！！呢間野簡直就係垃圾。

首先講下佢既陳設，响對面天橋望入去幾靚又幾新咁就入左去，入到去，見佢Ｄ餐具點解咁舊既呢？？開左業最多都係個幾月，睇真Ｄ，原來全部都係元綠Ｄ用浄蔗！！不過我都仲係唔多信間野會咁過份，算啦，叫野食啦，心諗最緊要好味就得啦！！跟住要講佢Ｄ食物啦，坐低無耐，二話不說就拿住碟野，話係新鮮炸出黎既炸薯餅，問我地要唔要，心諗...梗係無人要想我啃左佢啦....我見佢五粒波波咁好似幾好食～咁就問佢幾錢啦！點知佢同我講果五粒波波要成３５蚊...即係同佢講拜拜....跟住我叫左兩碟三文魚，加油甘魚，飛魚子，帆立貝，大海鰻各一碟，跟住佢話無油甘喎，叫我試下鰤魚，即係高質素既油甘喎....呢Ｄ我唔識啦，佢咁講我又咁聽啦，咁咪試下囉。

Ｄ野黎到，一放入口，Ｄ三文魚真係....想嘔...“星”到爆炸，油甘(鰤魚)跟本就係元綠油甘既貨色！！一模一樣，因為我好鐘意食油甘魚，所以好記得每個地方既油甘係咩野味。

帆立貝入口即溶，不過都尚算甜，飛魚子？仲細粒過Ｄ蟹子,又係“星”，離普！！海鰻！？都唔知點解４邊會係齊切架囉....隨左中間有一部份係滑既之外，周圍都係“鞋”既！我諗佢都係唔知搵Ｄ乜野大鰻魚切細佢扮海鰻...食完呢五碟野，同女友諗都唔洗諗就決定“走”！！去和民再食過！

友人推介此店, 於是又試下啦...價錢略貴(平均$15~20), 飯的質地唔錯, 但刺身的新鮮度普通, 唔多值$15一碟.....款式勁少, 結果我地兩公婆未食飽就走, 寧願再食第二d!(食左total $120只係半飽, 平時我地響元氣用vip咭, $150埋單已經好飽lu)

圓壽司餐單提供日本菜, 火鍋, 中菜館等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「圓壽司」有何 comment？

圓壽司餐廳詳細資料：

• 圓壽司地址:
  旺角西洋菜街168號二樓
  Sushi, 2/ F,168 Sai Yeung Choi St., Mong Kok
• 圓壽司電話:  
• 圓壽司價錢: $51-100
• 分類: 日本菜, 火鍋, 中菜館
• 座位: 未知
• 付款: 現金
• FB專頁: 圓壽司 Facebook

更多圓壽司相關資料:

• 圓壽司分店
• Youtube
• Facebook
• Twitter
• Google