十十川滬料理 旺角
地址: 旺角亞皆老街8號朗豪坊4樓7號舖
最後更新:
十十川滬料理推介
文青風格的餐廳，更設有露天座位，讓你悠閒地享用融入西式食材的新派川滬菜，而自創的酸菜魚湯手工小籠包是必食之選。
旺角十十川滬料理
| 餐廳分店 | 十十川滬料理 |
|---|---|
| 地區 | 旺角 |
| 電話訂位 | 28901966 |
| 餐單 Menu | 川菜, 四川, 滬菜, 上海 |
| 人氣指數 | 1277 |
| 價錢幾錢 | $51-100 |
十十川滬料理訂位位於旺角區，詳細地址是旺角亞皆老街8號朗豪坊4樓7號舖，餐廳寬敞座位數目共有123個。十十川滬料理幾錢？價錢優惠後人均消費大約$51-100埋單，早餐午餐晚餐十十川滬料理餐單包括有川菜, 四川, 滬菜, 上海等美食，付款方式有Visa,Master,AlipayHK,支付寶,現金,銀聯,微信支付付款，Booking網上訂位可以電話致電 28901966 查詢訂座。
十十川滬料理優惠
十十川滬料理 評價 相片
今日星期日同屋企人行完旺角諗住去朗豪坊food court食晚飯見food court隔離有間川菜環境幾好又幾多人幫襯就改變主意入去試下進店時6點多 , 已接近座無虛席餐廳半開放式 , 傳統中菜結合現代裝修環境乾淨企理 , 座位寬敞舒適 , 店員頗為殷勤有禮餐牌亦見簡而精 , 有套餐等任均選擇落order時店員細心詢問其辣度落單後唔夠5分鐘就開始有野上枱椒麻雞(例牌) $68脂肪適中 , 雞皮爽滑雞肉有彈性 , 醬汁微辣麻辣中又不至於過辣掩蓋雞肉本身濃郁香口送飯一流什錦小籠包 $58內裡湯汁滿滿 , 皮薄餡靚 , 肉都算大大舊 , 4色分別 綠酸菜魚湯 紅香辣 黃金黃流沙 原色 , 各有特色 , 尤其金黃流沙及酸菜魚味高度推薦老壇酸菜魚台灣麵 $98酸菜魚湯底不錯 , 魚肉份量不吝嗇 魚肉滑及起晒骨 , 酸菜味道正常 , 麵條索晒湯底精華 , 邊有得輸香脆鮮蝦雲吞 $38炸得非常香脆又香口 , 內餡蝦肉算新鮮奶油香脆蝴蝶包 $384大件 , 本身都有少少甜味 , 類似升級版的牛脷酥 , 加上練奶 , 味道倍增黑糖糍粑 $68四川傳統小吃 , 口感似糯米磁 , 軟糯甘甜爽口 , 配搭微甜黑糖 , 好夾茶位人頭 $12 最後加埋一 total $431返食度高的川菜 , 質素不錯
同老公行朗豪坊行到攰攰地，去到美食廣場，見到有間食川滬菜餐廳，好似幾好，所以就揀左佢食晚飯。
餐廳雖然食中式，但裝修比較西式，吹簡約風。
燈光光猛，環境乾淨整齊，感覺舒服。
餐牌都幾多嘢食，老公就點左前菜、小籠包、炒飯、咸點同甜品。
雞絲粉皮：老公話份量算多，粉皮煙韌，青瓜爽口，配中式麻醬味道較濃，呢個前菜都幾好食。
什錦小籠包：四隻顏色，四款口味。
紅色係香辣味，辣辣地；綠色嘅係酸菜魚，味道真係酸菜魚味喎；白色真係原味，鮮肉味重；黃色係金黃流沙，好香鹹蛋黃；各款有創意同特色，出面未食過。
十十海鮮炒飯：裡面有蟹柳，墨魚仔同河蝦。
河蝦爽口，墨魚仔煙韌口感，炒飯炒到粒粒分明，唔會食到滿口油，加埋雞蛋炒好香，整體唔錯。
迷你香脆蔥油餅：入口仲係熱，咬落去外面脆，口感實在，淡淡蔥味，又唔覺得好多油，幾飽肚。
酥皮鳳梨奶黃鍋餅：一般食開紅豆味，但呢度用鳳梨奶黃做配料，幾創新，亦估到味道幾好。
鳳梨奶黃味重，甜甜地又唔會話好甜，外層脆，裡面軟軟，食埋佢就滿足晒。
好耐都無嚟旺角行街，行到攰攰地諗去去朗豪坊搵間坐得舒服嘅餐廳食晚飯，諗住去4樓睇下有咩餐廳，發現嚟到完全唔同哂，除咗food court 外仲有唔少新餐廳進駐👏🏻因為同行友人掛念家鄉菜，我地最後揀咗「十十川滬料理」，食完之後除咗要捧住個肚走之外，友人都話口味正宗好好味添😆「十十川滬料理」係用QR code 落單既環保又方便，餐牌上有唔少選擇，前菜冷盤、川菜美食，點心小籠包等，我地見有個晚市二人乾鍋套餐都幾多野食，仲有埋飲品添，就二話不說下單了😎涼菜 五選二之中揀咗涼拌萵筍絲同酸辣小木耳，兩者都十分爽脆，前者只用上基本調味已經好清爽，後者微辣作開胃小食都不錯包點 可以係什錦小籠包同仙肉小籠包之中二選一，我地梗係揀有四色嘅什錦小籠包說咩都可以試到，又可以打卡，winwin 😆四色有酸辣魚、香辣、金黃流沙同原味鮮肉小籠包，有驚喜嘅係酸辣魚真係好特別，d湯汁真係好似食緊酸辣魚小菜 三揀一選了腩肉炒花菜🥦，份量都唔少，大量腩肉片同花菜，雖然用試辣椒乾嚟炒，但相對哩道菜嘅辣度係最低嘅😎腩肉同花菜都切特一口size 方便進食自選乾鍋 主菜就揀咗雞件，加上指家配菜有萵筍、蓮藕、薯條、水晶粉、炸支竹。
上枱果陣真係俾作嘅份量嚇一跳，超級大盤仲有火一路熱住咁食，雞件已經預先過油炸好，但好出奇地唔會嚡口喎，再加上大量青/紅辣椒乾🌶️炒香，我地叫咁小辣小麻，會愈食愈辣但又勁下飯，食唔停口😋😋飲品 雜莓梳打 & 芒果百香果梳打食川菜又點可以唔叫凍飲呢😎我哋嗌咗兩杯水果梳打，第一超大杯👍🏻二嚟又出奇地解辣，又唔會有古怪藥水味，酸酸地解辣又解膩。
雖然我好重儀式感，但情人節食西餐真係擺明俾人呃錢💸估唔到除咗我哋兩個上海人👩🏼🤝👨🏾都有唔少情侶&老夫老妻同我哋一樣揀上海菜喎🤪我哋仲被安排坐一張情人節限定嘅二人特別位💁🏻”S1”好搞笑，張紙畫咗兩個❤️❤️Menu選擇唔算好多~諗住食得豐富啲又唔使諗就叫咗個<<晚市二人乾鍋套餐>>($488)涼菜嘅<<涼拌土豆絲>>同埋<<酸辣小木耳>>細細份，開吓胃就好😊前者係輕微嘅麻辣，男朋友唔食得辣都食到👌🏻後者就我覺得醋味勁咗少少! 有啲酸🤏🏻小菜揀<<清炒萵筍絲>>真係好明智💚幼細嘅萵筍絲咬落好爽口鮮甜~加咗少少本菇增加唔同嘅口感!係食到臨尾見到好多油就驚咗啲😅<<仙肉小籠包>>有驚喜👏🏻皮薄多汁好juicy! 原汁原味啖啖肉! 好味到想食晒四隻🤭<<自選乾鍋>>好大盆!用個火爐㷫住都好打卡able不過張檯細啲都搞唔掂😅根本冇咁多位擺咁多嘢食…揀咗唔辣嘅version去就我個B仔🥰💁🏻♂️香蒜蔥爆都好香好惹味👍🏻雞件都唔少~ 而且好入味! 送飯一流🍚配料亦都非常豐富💁🏻♀️有角切萵筍、薄切爽口蓮藕、大量薯條、嗦晒味嘅炸支竹同埋令我超失望嘅水晶粉😮💨我本身最期待嘅係水晶粉…但佢唔煙韌彈牙都算🫠我覺得佢硬到似未熟🫥包埋兩碗飯同兩杯飲品!如果加多兩件甜品就更圓滿喇🔊
好耐冇嚟朗豪坊，行完之後去4樓food court搵嘢食。
見到呢間十十川滬料理，俾個名吸入左入去試一試。
店內裝修光猛，空間尚算寬敞，坐得舒服。
餐牌選擇多，有多種上海菜同四川菜食品選擇。
由於唔想諗嘅關係，就叫咗一個乾鍋二人餐，有酸辣小木耳、涼拌萵筍絲、雜錦小籠包、清炒萵筍絲、乾雞窩、青蘋果梳打同埋一杯芒果百香果梳打。
首先嚟嘅係兩味前菜：酸辣小木耳同埋涼拌萵筍絲。
木耳酸度剛好，開胃一流。
萵筍絲充滿麻油味，十分爽甜。
跟住係雜錦小籠包。
有四隻顏色，唔代表四隻唔同口味嘅小籠包。
原味小籠包肉汁鮮甜，豬肉甘香。
綠色嘅係酸菜魚小籠包，的確有食酸菜魚嘅感覺，係比較新鮮嘅體驗。
紅色嘅係酸辣小籠包， 餡料有加咗蕃茄嘅豬肉，食落開胃。
仲有就係金黃流沙小籠包，肉湯的鹹蛋黃既香味。
跟住嚟嘅係清炒萵筍絲。
上枱熱辣辣，加上麻油同埋菇類，好食到唔停得口。
重頭戲就係乾雞喎。
嚟嘅時候真係嚇一跳，首先係份量好多，除咗雞件外，仲有蓮藕片、薯粉、辣椒、波浪薯條同埋萵筍件等等。
叫咗走麻，雞件入味，就算雞胸都好滑。
蓮藕片同埋薯條朔晒辣汁，食落好過癮，而整個鍋辣度剛剛好。
食辣嘢嘅同時，老婆就飲一杯青蘋果梳打，淡淡的蘋果味加上多氣嘅梳打，解辣一流。
我就飲芒果百香果梳打，唔會太甜得黎又多汽，為整餐飯畫上完美句號。
最後埋單五百幾，以呢個價錢食到嘅嘢來講都算經濟，加上味道唔錯，應該會再嚟。
十十川滬料理餐單提供川菜, 四川, 滬菜, 上海等推介美食位於旺角區，餐廳座位數123人均消費約$51-100，結賬可以用Visa,Master,AlipayHK,支付寶,現金,銀聯,微信支付，Booking訂位可以電話致電 28901966 查詢。
您對於旺角餐廳「十十川滬料理」有何 comment？
十十川滬料理餐廳詳細資料：
- 十十川滬料理地址: 旺角亞皆老街8號朗豪坊4樓7號舖 十十川滬料理, Shop7,4/ F, Langham Place,8 Argyle Street, Mong Kok
- 十十川滬料理電話: 28901966
- 十十川滬料理價錢: $51-100
- 分類: 川菜, 四川, 滬菜, 上海
- 座位: 123
- 付款: Visa,Master,AlipayHK,支付寶,現金,銀聯,微信支付
- FB專頁: 十十川滬料理 Facebook
更多十十川滬料理相關資料:
香港餐廳2026推介9月