加州紅Red Box 旺角

加州紅Red Box 評價 相片

約11人8點去唱 k buffet第一時間去攞野食 一去到己經好失望 因為d野食在好細個角落頭位d野食款式小&普通有勁細既叉燒包 燒賣 白汁海鮮意粉 青口 螺 飯 壽司 生菜................. 甜品有表面粉紅色cream既cake糯米滋 叉燒包d餡勁小 都算軟熟 燒賣同出面果d冇分別我唯一覺得好食既係白汁海鮮意粉 幾入面好多汁 都有好多海鮮青口上面有d薯蓉 味道ok!d螺有沙 有海水味 冇牙籤提供 好難整出黎食壽司係勁差 所有上面既海鮮都係有雪味 完全冇海鮮味 肉質"梅"超級市場果d仲好食過佢表面粉紅色cream既cakecake係海綿蛋糕糯米滋既餡係好似甜豆煙煙靭靭個生日cake係同出面有得拎既表面粉紅色cream既cake一樣只不過係大d 上面一d水果都冇&朱古力牌都冇服務效率慢 每次格好耐先執野房間細只可以唱到12點 比起ceo真係差好遠

因為上次neway貴到嘔的經驗之後,唔係好敢去,所以今次同同學仔去redbox唱K buffet本身我lunch已經食左野,所以去到其實唔係好餓但係我覺得佢既野食都幾誠意因為食物我可以sum up得幾樣菜都搵唔到多條因為我本身唔食得生蠔,我朋友話佢送畀我地食既生蠔真係咸到冇朋友扣分我揀左個可樂牛肉粒食,貪佢個名特別,原來同普通碟頭飯d 牛肉冇分別其實個所謂的buffet真係冇乜野食,如果下次有得再揀,我真係寧願正正經經一人一個set dinner算

今日同個中學同學黎左呢度唱k，因為我地兩個都住mk，通常我地次次都係黎呢度。

大概12點去到，即刻有唔駛等，不過佢話只可以唱 2 hr，無人先繼續唱到3點。

原來佢而家無哂學生優惠乜都無，只係得全單8折，但我覺得佢係個原價標高左，8折左之後同一向既價錢無分別，好似仲貴左添呀!不過我覺得佢食物既質素係好過neway既，今日叫左個美國肥牛石頭飯，都幾好食，肥牛份量頗多，而且唔係話勁肥個D，味道OK。

佢杯檸蜜都唔錯，好足料同夠味，唔會好似其他咁好淡。

我食左我個FRIEND一啖佢個牛仔骨都幾好味，起碼唔會好UN先啦。

佢好準時2點鐘就CUT我地啦，感覺上好似唔太抵WOR，差唔多$60唱得2個鐘......

令我回憶起細個大食會的原因,係因為比起小學的大食會,呢度的食物實在太~~~~唔吸引了,只有一些如魚蛋, 燒賣之類的小食,但係如果係整得好食的話又有咩所謂?問題係唔知點解可以咁難食!當然, 呢間其實唔係一間食肆, 不能用一般的標準來評估,但係唔該唔好當個個唱k 唱到味覺失靈吧!點解連不要任何調味或煮食技巧的丸類,都可以一d都唔彈牙,食落口一pat pat 咁,食得出採購部門好識幫公司慳錢,買左最cheap 的食材回來!食物種類方面, 小學大食會又勝出了.冷盤數目一般,熱食盤食可以用十食手指數哂!甜品亦只有兩種咁大把.仲要得好少,每一次refill,不用五分鐘食物已被掃清服務方面, 叫左佢收碟已經五次以上先來收,效率之高!無下次之選!

一段時間無去,但為了要唱環球啲新歌,點都去一次.六點幾去到,自助餐未開始,但只係唱得兩個鐘.今次自助餐啲食物和上次很唔同,進步了很多,中湯夠熱亦足料,食物種類亦比以前多,質素亦比以前好,甜品亦做得不錯,送的焗芝士黑松露菌蠔,亦大隻及夠味.如果保持這樣的水準,過一段時間都會再嚟.

加州紅Red Box餐單提供卡拉OK等推介美食位於旺角區，餐廳座位數未知人均消費約$101-200，結賬可以用Visa,Master,現金。

您對於旺角餐廳「加州紅Red Box」有何 comment？

加州紅Red Box餐廳詳細資料：

• 加州紅Red Box地址:
  旺角太子道西193號新世紀廣場7樓
  California Red Red Box Karaoke, 7/ F, Grand Century Place,193 Prince Edward Road West, Mong Kok, Hong Kong, Mong Kok
• 加州紅Red Box電話:  
• 加州紅Red Box價錢: $101-200
• 分類: 卡拉OK
• 座位: 未知
• 付款: Visa,Master,現金
• FB專頁: 加州紅Red Box Facebook

更多加州紅Red Box相關資料:

• 加州紅Red Box分店
• Youtube
• Facebook
• Twitter
• Google