八屋 旺角

八屋 評價 相片

甜呢個字刻骨銘心，又可以叫人陶醉一生。

就好似呢間係旺角好景商業大廈，新開張既咖啡小店「Cafe Hachiko」主打抹茶、焙茶既軟雪糕同茶飲，就絕對令我痴痴如醉啦。

鋪頭唔算好大，但裝潢以整個白色元素令空間感更加闊落，感覺開揚，採光度高。

另外成個開放式設計，即叫即整，可以比你睇住製作過程，貿素點都有保證啦！👇📌宇治抹茶軟雪糕 $35👉食軟雪糕～雪糕雪糕～佢地餐廳招牌之一既宇治抹茶係由日本JAS有機認證，作為抹茶控當然表示歡迎啦。

賣相相當精緻，表面灑上大量抹茶粉，難怪入口果啖抹茶味咁濃郁啦。

質感上亦都做得好幼滑，Size比例合理，呢個價錢絕對夠誠意！📌宇治抹茶軟雪糕芭菲 $48👉最鍾意食芭菲就係貪佢層次感豐富，由面頭雪糕開始每一層都有佢既定既份量，包括米通、白玉小丸子、紅豆蓉、忌廉。

小丸子入口煙韌Ｑ彈，配搭紅豆蓉，大大力增加左雪糕既口感，唔錯。

📌特濃朱古力冰樂 $40👉最後一份甜到入心既就係特濃朱古力！用左「Dulcct」系列既可可粉，打出黎既沙冰比較粗身，但口感同味道都相對比我平時飲開既更加濃郁。

而面頭既忌廉打得夠幼滑，成個賣相都好少女心呀！

今日去咗旺角搵嘢食，行街行到好口渴，經過呢間外賣咖啡店，上網又見好多人介紹，咪試下囉！見冇咩人介紹芝士特濃咖啡，但聽落好吸引，膽粗粗試下。

➡️ 芝士特濃咖啡 ($35)咖啡味都幾濃下，帶少少苦澀味，如果鐘意超濃咖啡味嘅朋友仔，一定會鍾意。

至於芝士奶蓋嘅芝士味都好重，配埋特濃咖啡可以話係幾夾，容易d入口！下次去會想試下宇治抹茶軟雪糕🍦好似好正😋八屋地址📍: 旺角花園街216號好景商業中心地下20號舖.............................. 味道😋: ⭐️⭐️⭐️抵食💰: ⭐️⭐️⭐️

開左咁耐終於有機會黎支持朋友既店 • 我第一次黎，試左佢地既🍵 宇治氣泡抹茶檸檬 UJI MATCHA LIME SODA $35 • 🍋 從來無諗過抹茶同檸檬既配搭，lima soda青檸味開胃解渴之餘有matcha 既回甘，另外甜度剛剛好。

檸檬片輕輕燒到表面微焦，呢個少少既touch亦令飲品賣相更吸引。

小提示係買完之後盡快飲，以免檸檬片浸耐左蓋過抹茶香。

知道佢地既抹茶雪糕都好受歡迎，下次試埋先!店名靈感來自店主既柴犬Hachi，如果去既話可能有緣份遇到佢呢👀

😁最近閉關減少外出, 睇返早前食好西既相, 身為抹茶控既我地一定要推介呢間主打抹茶同焙茶食品Cafe😍去到八屋門口已見到好吸睛既抹茶雪糕相, 仲話用左由日本JAS有機認證既宇治抹茶粉製作, 甘一定要試下!🤤雪糕賣相好吸引, 質感軟滑足料, 面頭灑上滿滿既抹茶粉, 啖啖都係濃郁的抹茶香, 又帶點回甘既苦澀, 呢個價錢真心抵食!👍🏻👍🏻雖然而家要帶口罩😷, 食外帶雪糕有d麻煩, 唯有睇返相止住口痕先, save低遲d要再去食XD😆

宇治抹茶軟雪糕，入口係好綿好軟滑💚唔會好甜而且抹茶味好出，表面深綠色嘅抹茶粉令到本身甜味嘅雪糕偶爾食到抹茶甘香，味覺上無咁單調。

鐘意抹茶嘅人一定會好鍾意上面啲粉😂呢杯雪糕我覺得一個人係食唔晒，雖然價錢小貴，但就可以幾個人一齊share呀。

八屋餐單提供日本菜, 雪糕, 乳酪, 咖啡店等推介美食位於旺角區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 92212845 查詢。

您對於旺角餐廳「八屋」有何 comment？

八屋餐廳詳細資料：

• 八屋地址:
  旺角花園街2-16號好景商業中心地下20號舖
  Cafe Hachiko, Shop20, G/ F, Ho King Commercial Centre,2-16 Fa Yuen Street, Mong Kok
• 八屋電話: 92212845
• 八屋價錢: $50以下
• 分類: 日本菜, 雪糕, 乳酪, 咖啡店
• 座位: 未知
• 付款: AlipayHK,支付寶,現金
• FB專頁: 八屋 Facebook

更多八屋相關資料:

• 八屋分店
• Youtube
• Facebook
• Twitter
• Google