中南海漁港海鮮酒家 旺角

中南海漁港海鮮酒家 評價 相片

中南海位於夜晚人流唔多的旺角道，價格就見人見至，服務質素、餐具新淨度&清潔度有待改善。

脆皮黃金磚，內層豆腐很滑，但一睇D色就知唔夠火候，外層唔夠挺身，少脆，一夾就散。

如果放多一陣，真係驚連脆都feel唔到。

避風塘炒辣蟹︰太辣，蓋過晒D蟹味，D蟹好細隻。

原籠羔蟹蒸糯米飯︰蟹都係細，但比避風塘炒辣蟹大少少，有蟹羔，終於食到蟹味，糯米飯夠多，有荷葉香，但蠟肉較多，肥左D。

本來對這脆皮極品燒雞皇(半隻) 唔會有太大期望，因為只係8蚊雞。

點之最好食反而係佢！真叫人喜出望外！皮脆而薄，肉又滑！最緊要係覺得值和抵食！一如佢menu寫「抗通漲，益食家」

晚飯到了街坊酒樓「中南海漁港」，沒有吃太多小菜，「脆皮黃金磚」$78用了類似椒鹽的做法，豆腐炸得外脆內嫩，面頭炸過的蒜片惹味，甚有大排擋的風味。

「燒汁桶蠔」$148煮熟了的桶蠔仍有拇指般的長度，甚巨型，桶蠔先炸後用燒汁去燴，一咬爆汁香口，而且我喜歡它用鍚紙盤盛在著每件桶蠔，吃起上來更方便呢。

之前有泥呢間打邊爐 雖然系逐碟配料計錢 不過d質素ok 但今日泥食晚飯真系好失望！！！夜晚同爸爸媽媽食飯 我地系門口見到有特價海鮮 龍蝦都系$38隻 仲有其他晚市優惠 所以入左去食 我地一坐低就叫左龍蝦同埋2個煲 total3個送 3個人食差吾多夠〜南乳煲好快就泥左 開頭望個樣都覺得ok 但系食落好淡 真系無咩味 d腐竹好老 d茄子又吾夠稔 食到一半先見到舊南乳痴實哂d粉絲 原本仲未炒勻 吾怪得吾夠味。

仲要$58我地差吾多食哂個南乳煲個龍蝦先泥 其實吾系好大隻 加上佢已經斬哂件 d肉又飛哂出泥 真系麻麻〜同埋一上台碟野已經系凍架 吾知系米擺左系廚房好耐吾記得拎出泥 搞到更加吾好食！我地食哂全部野第2個煲都未泥 其實催左好多次 但佢話呢個鵝掌煲系要整好耐 叫我地等下 點知等整都無 到最後直接叫經理入廚房check 如果無整就吾要 個經理入左去2分鐘出番泥 原來真系無整到囉 仲要好悔氣甘講幫我地取消埋單果陣真系呆哂 餐飯要$200 但系實際上d果2個送系$38+$58+$7x3=$117 點知原來茶介要$10個 仲有開頭d花生酸菜都要$20碟 呢d真系好呃錢 甘既質素都要$200我真系吾覺得值囉 大家吾好去呢間食晚飯

這天和媽媽,姐姐出旺角太子那邊shopping~所以就試下附近的酒樓~特價下午茶二時才開始, 我們二時十五分取飛~等了大約二十分鐘便安排入座~人不算多環境也不太嘈吵, 甫坐下, 發現很久沒有見過印有花紋的茶具了~這兒點心選擇都不少, 有些真是抵食之選~鮑汁雞腳 ($14.8) 雖然有點過腍, 但很入味, 鮑汁味道很濃郁~糖不甩及紅油抄手都是$3.8 一碟, 味道都不錯, 有再叫多一碟糖不甩的衝動!翠玉瓜雞絲腸 ($13.8) 這個皮不算太厚, 但餡料比較少, 味道平平...其他點心味道都算中上, 蝦較皮薄及剔透, 只是叉燒包的樣子比較不同, 還以為來錯菜肉包...另外還點了兩個灌湯餃 ($8.8)沒有拍照, 味道雖然一般, 但也是另一抵食之選~ 整體來說都屬一般, 一試也無妨~

食物都可以, 但最唔得係服務態度奇差,已經少樓面，仲要個個唔想做，避來避去，叫d樓面幫手追嘢食，點知佢仲惡過我，收我地唔好再叫佢又叫我地收聲,真激氣。

等食物已經要等超過30分鐘,呢餐真惡食.

中南海漁港海鮮酒家餐單提供粵菜, 廣東, 海鮮, 湯品, 點心, 中菜館, 酒樓等推介美食位於旺角區，餐廳座位數未知人均消費約$101-200，結賬可以用Visa,Master,現金,銀聯。

您對於旺角餐廳「中南海漁港海鮮酒家」有何 comment？

中南海漁港海鮮酒家餐廳詳細資料：

• 中南海漁港海鮮酒家地址:
  旺角旺角道4號A地下
  Chung Nan Hoi Harbor, G/ F,4 A Mongkok Road, Mong Kok
• 中南海漁港海鮮酒家電話:  
• 中南海漁港海鮮酒家價錢: $101-200
• 分類: 粵菜, 廣東, 海鮮, 湯品, 點心, 中菜館, 酒樓
• 座位: 未知
• 付款: Visa,Master,現金,銀聯
• FB專頁: 中南海漁港海鮮酒家 Facebook

更多中南海漁港海鮮酒家相關資料:

• 中南海漁港海鮮酒家分店
• Youtube
• Facebook
• Twitter
• Google