三米舍 旺角

三米舍 評價 相片

星期一晚，同好朋友食飯~ 上到去雅蘭中心，人少少，地方都坐得幾舒服~ 食物o既種類就唔係好多，我o地幾經辛苦，先揀到鍋貼($20)、中華拼盤($60)、香炒鱔糊配中式燒餅($70)、晶瑩酸辣湯麵($70)... 咦，都唔少喎... ;p先上香炒鱔糊配中式燒餅，味道唔錯，不過都幾油~ 之後上中華拼盤，有炸雲吞、炸素春卷同薄切豬耳三樣，普通啦~ 到上晶瑩酸辣湯麵，我o地就知大鑊，因為好大碗，無可能食得哂... 鍋貼反而最後先上，一方面我o地已經好飽；另外鍋貼做得太油(全部湯汁都係油！)，唔好食...最後兩個都食到勁飽... 味道差d ，唔係太value喎~

尋晚同個朋友去呢度吃飯,點了:1) 金針銀耳倫教雞蒸飯我又唔覺味道有咩特別,朋友話最上面0個層飯有d生.份量share食都夠.2) 蜜餞豬仔骨有4條,我覺得好好味,甜甜地,不過下面層油頗勁.3) 蠔仔餅朋友話好粉,我覺得都ok,因為第一次食,唔知算唔算多蠔.4) 燕窩豆腐花因為另外有一個"薑汁撞豆腐花",於是以為呢個冇寫明就冇薑汁,點知一食,有薑汁味,我地要求換過個,但要等710分鐘,朋友話第二桶比第一桶稀.味道都唔錯.分量為一人份,不過我地只想試下,所以只叫一個share.我覺得價錢貴左d,而且咁大間鋪得三位侍應, 假期又多人,見佢地走來走去都戥佢地辛苦.

環境極嘈，音樂+人聲已經嘈到你唔想同朋友傾計，只想快快食完就走。

感覺上同o係有馬跑o既星期六去有播賽馬o既茶餐廳一樣。

我同我朋友兩個人去食，散叫三樣野 臘腸油鴨飯、海鮮大薈雜菜煲、脆皮甜在心。

臘腸油鴨配黃油飯(某雜誌推介) $38 當個侍應打開個煲仔飯蓋，我同我朋友都即刻相當失望，係因為個飯水準實在太差；所謂o既臘腸同油鴨，其實只不過係每樣5粒/片(好簿，大約只有1mm厚)o既肉，煲裹面除左飯&十粒肉之外，其他都欠奉(連菜都冇條)，o個十粒肉係平舖o係飯面，但係... 佢地連1/2個飯面都未能遮蓋住... @_@""臘腸味道相當一般，而油鴨則極之咸(咸到痺"月利"o個隻)，根本完全無油鴨o既香味，似食鹽多過食緊油鴨。

我個人認真極之難食。

海鮮大薈雜菜煲$68 呢個係三樣之中最好味道o既(茶餐廳質數)，煲裹面有帶子、蝦每樣4隻；另加各種菜每樣2條。

佢係放湯煮的，個湯o既味道係 雞精+ 味精，基本上同大家o係茶餐廳叫o既係一模一樣。

我個人認為味道一般。

脆皮甜在心$22 呢樣好解單講；就係6粒卡夫綿花糖粘上炸槳law去炸；外面係一層炸槳，裹面則係一灘綿花液(綿花糖完全被熔掉)，如果你想試下係乜野味，好解單 你只要將綿花糖燒熔放入口，那就是呢味"脆皮甜在心"的味道。

我當晚食時見到除左我之外，仲有3~4 檯客都叫左，全部都只有一個反應 苦著臉。

我個人建議，除非你已經食厭左全旺角所有食店，否則，那絕對不是一個會令你及你的朋友的選擇。

昨天有朋友生日, 去0左呢度食飯total 叫0左五碟0野食:茄子, 酒雞翼(前菜), 喇沙(麵)賽"甫"蛋同埋炒個菜, 係個賽"甫"蛋麻麻地, 其他都ok茄子同個菜都幾正份量比較細碟, total 食0左$220

三米舍餐單提供新加坡菜等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「三米舍」有何 comment？

三米舍餐廳詳細資料：

• 三米舍地址:
  旺角彌敦道639號雅蘭中心商場6樓C
  三米舍, 6 C, Grand Tower Shopping Centre, No.639 Nathan Road, Mong Kok
• 三米舍電話:  
• 三米舍價錢: $51-100
• 分類: 新加坡菜
• 座位: 未知
• 付款: 現金
• FB專頁: 三米舍 Facebook

更多三米舍相關資料:

• 三米舍分店
• Youtube
• Facebook
• Twitter
• Google