Standford Bar & Lounge 旺角

Standford Bar & Lounge 評價 相片

見肺炎情況回穩啲，立即出去搵啲平靚正的自助餐食先呢間酒店係旺角，地點方便就腳，兩個人book咗平日7:30入座食，每人唔洗三百蚊環境：地方闊，絕對唔會迫，座位都坐得舒服，有卡位可以坐食物區：選擇唔算太多，但都可以接受，有凍海鮮區，魚生區，沙律區，甜品區，熱菜區，飲品區同廚師區，該有的佢都有食物：食物味道普遍都可以，畢竟只係二百幾蚊一位，都唔可以要求有5星酒店的水準的。

凍海鮮都幾鮮甜，魚生新鮮但選擇較少，其他都正正常常如果budget平平地，佢會係一個唔錯的選擇

今日約左幾個朋友去食自助餐慶祝生日，在網上搜羅一番，決定黎呢間試試佢既自助餐。

坐低後，就出去行左一圈，睇睇有咩食先！食物種類唔算好多，中規中矩啦，今日胃口麻麻，所以都唔係食左好多野，只可貴精不貴多。

首先食左隻大頭蝦，哎呀！唔新鮮既，有點霉！雲吞雞好好味，湯好鮮味，雲吞好入味，啲皮唔太厚！胡椒豬肚湯味濃，有點辣，胡椒味重，但都好好飲！燒牛肉好有牛味，不過側邊老左少少，大致都幾好。

生蠔好新鮮，好肥美，朋友都不斷encore。

魚生好新鮮，都好肥美，整體唔錯！長腳蟹腳唔新鮮，仲整得好鹹添！壽司ＯＫ，冇咩特別！鹹魚雞粒炒飯，炒飯炒得乾身，好香！金銀蛋莧菜，好味，好腍。

排骨整得有點酸，但都還可以接受。

食得唔算好多野已經飽左八成，跟著拎左一些甜品，有咖啡布甸，梳乎厘等等，咖啡布甸太甜，咖啡味唔濃，梳乎厘好有蛋香，焗得好鬆，正！食完甜品已經好飽了，總括黎講呢間自助餐一般，本來對呢間有點期望，但可惜希望越大，失望越大，尤其啲甜品，都比較失望，希望可以有待改善！

原來來這間cafe諗住可以舒服食個晚餐，但一黎到，幾個後生侍應（仲玩緊手機），全場無人都迫我地2人坐門口，態度又差仲黑口黑臉（尤其女仔），係甘比面色我地睇，最後比左門口旁第2張枱我地坐...食到心情好差...唔夠半個鐘左右就好想走人了另外食物方面...好耐無食過甘無熱誠既cafe頹過茶餐廳，叫左2杯花茶一杯藥水味（藍莓果茶）一杯得熱水味（神仙）..真係從來未飲過呢個質素既花茶⋯「頹」主菜係煙三文魚野菌忌廉燴意粉，又係一個字「頹」完全無cafe應有既水準！只覺得比$112係食2片超簿煙三文魚+白烚意粉。

建議大家唔好黎，一定會後悔

在happy hour 時段走進去這bar，知道是買一送一，實在是一個意外驚喜。

平日飲wine 多，而且來到這間酒店，我對這裡的house wine 不敢有甚麼期望，所以不如要杯Lychee Martini 吧！酒牌上沒有這Martini，我問侍應生（兼顧調酒）有沒有荔枝Martini，她想了想，然後回答我說有，我感到萬分驚喜。

可惜這杯lychee martini 只有一丁點兒荔枝味，再飲第二，第三口時已再沒有甚麼荔枝味了。

它只不過是一杯普通的Martini，而且杯裡面放著的是橄欖而不是荔枝。

  　　　我想飲的是一杯有荔枝味的martini （就算那是一杯用lychee liqueur調出來的），而不是一杯只有分毫荔枝味的martini。

很不滿足的一杯酒。

Standford Bar & Lounge餐單提供西式, 酒吧等推介美食位於旺角區，餐廳座位數未知人均消費約$51-100，結賬可以用現金。

您對於旺角餐廳「Standford Bar & Lounge」有何 comment？

Standford Bar & Lounge餐廳詳細資料：

• Standford Bar & Lounge地址:
  旺角豉油街118號仕德福酒店
  Standford Bar & Lounge, Stanford Hotel,118 Soy Street, Mong Kok
• Standford Bar & Lounge電話:  
• Standford Bar & Lounge價錢: $51-100
• 分類: 西式, 酒吧
• 座位: 未知
• 付款: 現金
• FB專頁: Standford Bar & Lounge Facebook

更多Standford Bar & Lounge相關資料:

• Standford Bar & Lounge分店
• Youtube
• Facebook
• Twitter
• Google