澳門大利來記豬扒包 新馬路

澳門大利來記豬扒包 評價 相片

講起大利來記就嬲，早兩日去食完返黎，真係難食到嘔! 我食既豬扒包塊豬扒又細塊，又乾，食落一D都唔好食，好似去超市買塊包夾住塊乾爭爭既豬扒咁，而且又貴，一個豬扒包加一罐玉泉+C 就$70蚊。

我果刻真係覺得麥當勞既漢堡包都好食過佢十萬九千七丫! 點解佢仲可以賣到咁貴仲要咁難食!另外我仲叫左碟緬甸椰汁雞飯，講起碟飯仲嬲，入面只有3隻細雞翼浸左起好似水咁淡既所謂椰汁入面，完全冇味，仲有3片青瓜同埋幾十粒花生，絕對可以用難食黎形容。

真係沒有最難食，只有更難食丫! 這碟飯盛惠$68蚊，唔包野飲。

我平時好少劣評一間餐廳，但呢間餐廳真係食到火都黎埋，食果時真係燥到一個點。

就算真係劏客，都唔好劏得咁離譜! 每次一諗起呢間野就嬲丫，真係到而家都怒氣難平!

來到澳門當然係必食豬扒包啦好多年前來澳門都係食大利來記一直都覺得佢地嘅豬排包係咁多間之中最好食嘅🍽豬扒包大大個 會幫你切開一半方便進食或者share個包外脆內軟豬扒大件 醃得入味肉質嫩滑 整體唔錯 都keep到以前的水準的確仍然係比其他店鋪好食不過幾年無去原來買個豬扒包而家要$55😱個人覺得其實好貴抱住遊客心態都覺得既然來到就買一個試下總括來説豬扒包味道唔錯唔睇價錢的話 係值得食嘅睇埋價錢 值唔值就真係見仁見智喇

🦄招牌豬扒包 Mop50Rating🌕🌕🌕🌗🌑去到澳門又點可以唔食豬扒包呢😂大利來記比較出名🙈比較多遊客去幫襯🙈本身都冇諗住特登要去食佢🤭🤭但咁岩經過見到好多人排緊隊於是就買左個招牌既款式試試😬豬扒包係新鮮即叫即製🔥所以超級熱辣辣然後麵包十分之脆😻入面既豬扒有兩塊都幾大塊下👻又唔會話好乾身 有啲肉汁同埋都唔會話烘到燶曬 係岩岩好既👌🏻份量方面係剛剛好 食完都有啲飽肚感不過價錢方面始終有啲貴😅😅但都明既 做遊客生意係咁架喇😗大家有啲咩隱世既豬扒包推薦都歡迎留言Haha

去澳門，食豬扒包是列排的，每次都會食，大利來係家傳戶曉個個都識嘅豬扒包店，出名係因為佢平靚正，本身今日係去食葡撻，但又摸門釘，見過兩個鋪位就係大利來，便食外買店，價錢卻令我眼突突，原來已經要＄50一個，真心覺得貴，配個套餐要＄80，以小食嚟講係唔化算。

佢特別在有波蘿包系列，不是不好吃，係浪費了。

一吃即散，會食唔到菠蘿包嘅精髓。

雖然要貴D，但係人氣之選。

當然我已經食过，所以都係叫最原本嚟食，份量不及舊時大份和厚，但味道keep到，包也脆，但以呢個價嚟講，只可以話食過就算，不會是常吃之選

來到澳門當然要吃豬扒包，不過令人很遺憾的是我去過這麽多次的澳門，我暫時都沒有吃過讓我感覺很好吃或令我很驚喜的豬扒包。

係澳門的街道我已經見過我多人擧著（大利豬扒包）的牌，而大利豬扒包這個名字我又好像有聼過朋友說很多人吃，於是係好奇心的驅使下就買左一個試下la。

大利的包有幾款可以揀，包括（菠蘿包，牛角包和硬包），而我就揀左最普通都係就舊式的硬包。

包不是太硬的，豬怕都鬆軟，不過味道平平豬扒無咩豬味。

而且比較乾！不會再想吃第二次。

澳門大利來記豬扒包餐單提供港式, 豬扒包, 小食店等推介美食位於新馬路區，餐廳座位數未知人均消費約$50以下，結賬可以用現金。

您對於新馬路餐廳「澳門大利來記豬扒包」有何 comment？

澳門大利來記豬扒包餐廳詳細資料：

• 澳門大利來記豬扒包地址:
  新馬路大三巴街鳳凰大廈1樓23號舖
  Tai Lei Loi Kei, Shop23,1/ F, Edificio Fong Wong, R.de Sao Paulo, Avenidade Almeida Ribeiro
• 澳門大利來記豬扒包電話:  
• 澳門大利來記豬扒包價錢: $50以下
• 分類: 港式, 豬扒包, 小食店
• 座位: 未知
• 付款: 現金
• FB專頁: 澳門大利來記豬扒包 Facebook

更多澳門大利來記豬扒包相關資料:

• 澳門大利來記豬扒包分店
• Youtube
• Facebook
• Twitter
• Google