燒皇燒烤雞煲專門店 新蒲崗

燒皇燒烤雞煲專門店 評價 相片

食物新鮮而且好味😋全部食物無預先醃製可以吃到食物原本鮮味！洋葱、蒜頭、豉油，多種選擇製成的燒汁，可燒烤時塗上海鹽、孜然粉都可以加！供自行調味～燒烤來講都真係比較多選擇同埋熱辣辣，都好好味！！！飲品方面，汽水都可以選擇酒精類飲品都有～ 同朋友有時候收工想放鬆一下都可以過去感受一下呢間小店嘅溫馨嘢食來講都唔馬虎而且選擇都夠多對你位置對我來講都算方便如果屋企樓下有嘅話就好啦成日都可以過去食下煙味有少少但都可以接受

今次係我第二次落黎食飯 每次黎都感覺好好因為老闆娘funny又有禮貌令人感覺好開心🥳加上食物質素好好 好過周圍附近d雞煲(食過附近幾間)上一次我係食藥膳雞煲 好濃既味道好正今次叫就左椰子雞d雞好滑 d湯好甜 成煲比我飲曬😂另外叫左聖子 又係燒得好好食 我兩次都有食 一d都唔乾仲好有肉今次見到隔離枱叫左燒蠔 勁大隻 搞到我都好想食黎到真係好大隻又好大舊肉 好滿意啊😋另外仲要左牛肉 水尤 魚皮餃 一串牛脷 同皇帝菜要特別讚下佢個牛 唔貴 係幾好食 我食過其他附近其他舖貴過呢度但真係垃圾黎手脷都必試 好味啊😋😋😋😋😋😋成餐飯都好滿意

朋友之前就話想試，我又中意食雞又對藥膳無抵抗能力所以就應承左喇😬本身book左7點，但因為塞車辭到，有職員打黎問，都好好禮貌，叫我地慢慢。

鋪頭唔係好大，乾淨企理。

一坐底會推薦燒海鮮。

我地都叫左鮑魚，之後叫左半隻雞既藥膳雞煲，因為得兩個人，而且想食下其他燒烤。

叫左牛舌，雞腎同埋茄子，職員提議叫少辣，會好食啲，同埋可以夾走面頭辣椒，唔會太辣，當然好啦。

同埋會上一碟辣椒鼓油俾你食雞煲點。

雞煲勁香，會幫你落雞，幫你睇住佢幾時熟，會提你幾時食得！會食哂燒烤先食雞煲，定兩個同時食，我地就諗住食埋燒烤先，甘職員就幫我地熄左個火佢。

牛舌好厚好林，好食呀，雞腎同茄子就正常，鮑魚都爽口。

食藥膳緊係飲啖湯先啦，超正，好足料，超甜，有紅棗，龍眼肉，杞子等等，同朋友狂飲。

雞好似煮耐左少少，浸耐左。

之後我地叫左皇帝菜，菜都新鮮。

因為食完都唔飽，就再諗住再叫，職員提我地個菜仲未食喎，應該係怕我地食唔哂，但我地其實好大食。

再叫左油麥菜同水餃，油麥菜唔係好靚，水餃就普普通通。

雞煲加湯唔係加水架，但唔知係咪我地食哂啲龍眼肉，愈煲愈咸個湯，但都忍唔住飲兩啖，因為好鮮。

埋單先500蚊，我地仲叫左杯500ml既啤酒同一罐可樂，俾預期平。

下次我地會食一隻雞，加上職員好有禮貌，每次落野佢都會叫多謝哂。

有下次😂

星期六晚 突然好想食雞煲 諗左好耐 去邊食好 見新蒲崗 近近地 就黎試下一去到岩岩好有人走 店入面 唔算好大 5/6張枱 家庭式經營。

老闆娘同其他食客打成一片 有說有笑。

原本目標係食雞煲 但見到隔離台食椰子雞煲 好香 所以臨時轉肽☺️等左差唔多半個 鐘 終於有得食 呢度個雞煲真係好家庭式 有紅棗 同雪耳 似足我呀媽煲湯。

第一啖緊係飲湯先 好清 好甜 好重椰子味 飲完喉嚨好舒服 個胃都暖晒 。

雞份量 好足 真係有一隻。

但真係油左少少 。

雞肉好嫩 岩岩好 皮同肉岩岩好分開左。

椰子好林 好味。

差唔多食晒雞 就緊係要食下菜 用雞油去淥皇帝菜真係超好食 d 色幾靚。

埋單280 飽到咁 抵食。

下次會黎試埋串燒！

夜晚喺呢頭搵嘢食，見到呢度有間雞煲就想試一試。

入到去間嘢雞煲味幾香，就叫咗半隻雞試下。

叫左小辣麻辣，然之後再嗌咗串燒包括蟶子蝦同一啲海鮮。

個人覺得雞煲啲肉比較少唔好夠食，聖子就燒得好食，其他呢就一般般，菠蘿非常之多汁新鮮，燒牛舌呢就唔係好夠火喉，芝士金菇幾特別，好食。

茄子就一般般唔係好夠熟

燒皇燒烤雞煲專門店餐單提供港式, 火鍋, 串燒, 雞煲等推介美食位於新蒲崗區，餐廳座位數20人均消費約$101-200，結賬可以用現金，Booking訂位可以電話致電 28892221 查詢。

您對於新蒲崗餐廳「燒皇燒烤雞煲專門店」有何 comment？

燒皇燒烤雞煲專門店餐廳詳細資料：

• 燒皇燒烤雞煲專門店地址:
  新蒲崗衍慶街34號地舖
  燒皇燒烤雞煲專門店, G/ F,34 Ying Hing Street, San Po Kong
• 燒皇燒烤雞煲專門店電話: 28892221
• 燒皇燒烤雞煲專門店價錢: $101-200
• 分類: 港式, 火鍋, 串燒, 雞煲
• 座位: 20
• 付款: 現金
• FB專頁: 燒皇燒烤雞煲專門店 Facebook

更多燒皇燒烤雞煲專門店相關資料:

• 燒皇燒烤雞煲專門店分店
• Youtube
• Facebook
• Twitter
• Google