Red Rice 米飯主題餐廳 (六合街) 新蒲崗

Red Rice 米飯主題餐廳 (六合街) 評價 相片

係熊貓訂左幾個外賣加1份小食土匪雞翼，一打開個盒見到果6隻土匪雞翼，真心唔開胃，點解可以黑到咁都仲出俾客？🤦🏻‍♀️係咪因為係外賣所以出餐可以咁求其？真心冇下次👎🏻

一開頭返工唔知食咩好，係OpenRice 揾到呢間，見佢都幾近公司同埋食評都唔差就試吓，而家已經變到係我lunch time嘅必選之一第一次係外賣食佢嘅蕃茄豬扒焗飯，好大份，我都已經幾大食，食完都飽到上心口。

佢蕃茄同芝士嘅比例好好，焗到好香好惹味，豬扒勁大嚿。

之後再試埋佢哋嘅招牌蛋包飯，個蛋好滑，汁嘅份量啱啱好，有時好怕啲餐廳俾得太多變咗做湯飯。

我同事最鍾意係佢哋嘅鰻魚蛋包飯，佢哋好邪惡加咗沙律醬喺入面，令到個飯好香口，我個同事真係餐餐都叫呢個飯嚟食有一次我試咗咖喱飯但印象麻麻，下次會試吓湯飯或者鐵板燒～

經過新蒲崗唔熟路，唔知食乜好，最後入左呢度黎個quick lunch😗 餐廳主要裝修都係紅色😍 幾大間，座位好多，所以當日lunch hour唔洗等位～🌟 蔥燒牛肉鐵板飯 ($50)飯既份量非常多🤣🤣 女仔未必食得曬～ 賣相睇落似pepper lunch，雖然比較淺色，以為會淡，但好彩都夠濃味😋 呢個價位黎講牛肉份量可接受，不過不失啦～🌟一口牛粒伴溫泉蛋石鍋飯($62)牛粒比較似中式黑椒牛柳，整體比較多筋，有d難咬🤧 不過勝在配菜幾足料，有蘿蔔絲、溫泉蛋、粟米粒等🌽 撈埋一齊幾惹味😍lunch跟餐都有大大杯飲品，所以大份夾抵食🤣

呢間都算係新蒲崗工業區內嘅工廠飯堂價錢以平為主，的確係一間平民食堂食物選擇多，質素可圈可點聽聞蛋包飯同滑蛋係出色今次自己去食早餐，價錢有2字頭，坊間嚟講都算已經少見價錢平，但早午餐未至於食頹嘢其中一份早餐係港式蜂蜜烤雞扒 $39有蜂蜜烤雞扒、法蘭克福腸半條、炒滑蛋、茄汁豆、迷你沙律菜、牛角包、蜜糖另加迷你火腿粟米湯通粉 $6，味道都係普通嘢份量唔少，雞扒唔係一塊縮水雞扒有肉感又有烤味，有肉無骨，僅略嫌腸仔有啲乾另一份早餐係自選西式早餐 $28每個選項有3至4種選擇，揀咗即烤牛角包、香滑炒蛋、火腿、牛油粟米另加迷你鮮茄湯通粉 $6，通粉大概係一個飯碗嘅份量，有茄味，普通料牛角包表皮酥脆，入面軟熟，而牛油粟米都有牛油香炒蛋金黃色，半熟狀態，滑溜有蛋香

平時都多人排隊,星期六諗唔到食咩, 一於試下! Meau中西款式餐都有相撲豬扒蔥油飯 拼 三眼仔煎蛋 @$49呢個算係餐廳既特色餐,呢個價錢但足料飯都多感覺ok👍🏻! 惟姜油比較鹹一點, 三飯蛋撈飯好食! ( ´∀｀); 豬扒唔會太硬~整咗泥講都算抵食~

Red Rice 米飯主題餐廳 (六合街)餐單提供港式, 粉麵, 米線, All, Day, Breakfast, 茶餐廳, 冰室等推介美食位於新蒲崗區，餐廳座位數未知人均消費約$50以下，結賬可以用AlipayHK,支付寶,現金,八達通,OpenRice,Pay，Booking訂位可以電話致電 36223880 查詢。

您對於新蒲崗餐廳「Red Rice 米飯主題餐廳 (六合街)」有何 comment？

Red Rice 米飯主題餐廳 (六合街)餐廳詳細資料：

• Red Rice 米飯主題餐廳 (六合街)地址:
  新蒲崗六合街11-13號安隆工業大廈地下B室
  Red Rice (Luk Hop Street), Shop B, G/ F, On Lung Factory Building,11-13 Luk Hop Street, San Po Kong
• Red Rice 米飯主題餐廳 (六合街)電話: 36223880
• Red Rice 米飯主題餐廳 (六合街)價錢: $50以下
• 分類: 港式, 粉麵, 米線, All, Day, Breakfast, 茶餐廳, 冰室
• 座位: 未知
• 付款: AlipayHK,支付寶,現金,八達通,OpenRice,Pay
• FB專頁: Red Rice 米飯主題餐廳 (六合街) Facebook

更多Red Rice 米飯主題餐廳 (六合街)相關資料:

• Red Rice 米飯主題餐廳 (六合街)分店
• Youtube
• Facebook
• Twitter
• Google