龍華皇宮酒樓 屯門

龍華皇宮酒樓 評價 相片

返工坐車都會經過大興邨龍華皇宮酒樓,見唔少人幫襯應該ok掛,呢日放假有時間咪嚟試吓low 地下係搭枱ga樓上雅座唔搭枱不過茶錢每位貴$1,我和朋友便係揀唔搭枱啦 2個人叫了6樣點心,連埋茶錢都只係$88又幾低食ga 點心平庸不過裝飾有驚喜,古色古香我估又翻新過,最啱龍友嚟影相 鮮蝦餃 ~ 皮薄餡靚唔錯 安蝦咸水角 ~ 超唔掂好肥膩,咬落成口油皮又唔得煙un鮑汁叉燒腸 ~ 腸粉唔旱叉燒都ok,可惜d豉油勁咸 鮮竹牛肉球 ~ 又香又滑好味 鵪鶉蛋燒賣 ~ 味道唔錯不過d豬肉實咗少少 時菜鯪魚球 ~ 死實實味道又唔得

每次坐車經過都會有一種好想去試既衝動，今朝終於都試左喇，一樓茗茶$4，二樓茗茶$5．點心價錢唔太貴，加埋一，兩人既brunch都趾唔多價錢．１．鵪鶉蛋燒賣：好肉地，唔錯，２．咸水角：普普通通喇！３．鳳爪：偏油左少少．４．叉燒腸粉：腸粉好香好滑．５．碗仔翅：當然唔會expect佢多料，但真係好水汪汪囉．６．奶皇包：麻麻地．

年三十下午繼續出動買餸準備年夜飯,路經金碧輝煌酒樓看到二樓仍有吉桌, 就跟大人來這裡飲下午茶;飢腸轆轆之下二個人點了九款點心/小菜,吃呀~~香茜牛肉腸/ 鮑汁叉燒腸第一時間送到, 腸粉顏色米白但未夠鮮明,不太像即拉的耶!厚度偏厚但仍柔軟,應該可以再滑溜一些的,叉燒切得很細小而份量也不多, 幸好這家酒樓的叉燒一向有點水準,因而味道還可;所用香茜顏色已不是翠綠,開始有點暗啞, 而且份量不多香氣也不夠濃,對味道沒幫助,至於鮑汁嘛,真的感覺不到啦,是否存在也不知道。

牛肉腸的碎牛肉只有八成熟, 中間部份仍是帶紅,看來有點嚇人,怕吃生的大人就將其未熟部份放棄,也有一堆份量。

可以令腸粉更美味的豉油味道偏鹹, 對我來說就不對味了,莫非用了珠江橋牌生抽王??蝦餃和香茜餃外皮一看已感到很厚很黏, 吃進口裡更加證實推測沒錯。

蝦餃皮軟淋易破,不是蒸過火就是翻蒸了;香茜餃皮做得很厚,有點潮州粉果的影子, 黏答答感覺同是不太好,也是不好吃;兩款餡料同以鮮蝦為主,餃蝦真的有很多蝦, 加入少量筍絲及肥肉粒,但沒太重肥肉香,只有爽口蝦肉感覺; 香茜餃除香茜外還有白菜和西芹,幾款蔬菜也是爽口的, 加上爽口蝦肉, 可彌補餃皮軟淋的不足,只是香茜餃沒香茜味,虛有其名哦。

燙青菜用上唐生菜,過年嘛!生菜灼得青翠油潤,外表看來一級棒, 生菜灼得時間剛好, 脆身得很, 好吃!用上疑似珠江橋牌生抽王來代替蠔油,入口沒那麼膩,只是我還是愛吃蠔油呀!醫生說過生菜纖維不夠,大人就為我點了這道銀魚仔炒芥蘭了。

阿姐一打開蓋子已嗅到其香氣, 鑊氣很夠的一道小菜! 芥蘭用上幼嫩芥蘭苗,翠綠鮮嫩爽口,雖沒重菜甜味,但仍是出色的,炸香了的銀魚仔脆卜卜, 其香脆及微鹹味為芥蘭增添不少香氣,而且油份不多,真的讚!山竹牛肉球、燒賣王和鵪鶉蛋燒賣千呼萬喚始出來, 不過等得是有價值的!三款點心一看已知是新鮮蒸起, 牛肉波那鮮明顏色和濕潤外表非常對辦,不是翻蒸貨色能夠出現的外觀;燒賣王很有剛蒸好才有的肉汁, 蝦肉加豬肉的餡料鮮味很可口,還有微微冬菇香, 好吃的燒賣!!鵪鶉蛋燒賣層皮濕潤半透明, 鵪鶉蛋飽滿新鮮有點蛋香,燒賣餡同是蝦肉加豬肉刴用,吃來彈牙有汁的,最後來的三款點心才是精彩!埋單$151, 飽到反艇!

SEP 26, 2009(SAT) LUNCH今日有親友從遠方過嚟探望我們，所以早咗嚟嘆茶！午市套餐兩份：炸菜火鴨絲湯瀨 ~ 跟以往一樣好大窩，水準穩定！用料十足！大家都蠻喜歡吃，所以差唔多係必叫的喔！瑤柱蛋白炒飯 ~ 今日個炒飯唔知點解細碟咗好多，但依然味足la，因為有味精嘛，哈哈！唐生菜 2碟 ~ 好鍾意佢呢度D菜真係好有菜味呀！生菜好新鮮爽脆好甜！(精點)精瑩鮮蝦餃 ~ 今日D人口味有少少改變，剩咗成一半都無人食，可能太早食唔落呱！但其實蝦肉質爽同彈牙架！(精點)四寶滑雞扎 ~ 不過不失啦！(精點)咖喱汁魷魚 ~ 見佢地次次叫！其實我唔食嘅，都試吓啦！我就覺得幾硬吓，味道亦唔覺得太突出！(精點) 沙律炸蝦角 ~ 係嫲嫲最愛吃，有成4件咁多，炸得好金黃，蝦肉都幾彈牙，的確唔錯！腸粉孖寶：香茜牛肉腸 ~ 無試，所以好抱歉唔能夠評論！(精點)八珍糯米雞 ~ 唔係太多酒樓有糯米雞la，差唔多變哂珍珠雞lu，好大隻嘅糯米雞，打開塊大大嘅荷葉，熱辣辣真係好香好懷念呀！用料以細路仔時一樣，最重要係件雞仲好滑，真係好正宗嘅舊式糯米雞呀！仲有跟餐叫真係好抵呀！ 點心：(中點)香煎鹹薄撐 ~ 外邊脆卜卜，煎得夠香，唔係好油，好味到不得了，必叫！(中點)蒜蓉蒸排骨 ~ 本身都幾愛吃排骨的我，唔知點解特別鍾意食酒樓嘅排骨，可能有味精特別好食啦，真係好味道！hehehee！(大點)鮮蝦蒸粉果 ~ 我最愛吃嘅鮮蝦粉果，所以有我嚟飲茶佢地就一定會叫，不過今次少咗D芹菜，多返D就夠香喇！(大點)蟹籽燒賣皇 ~ 燒賣樣子討好，肥瘦均勻，仲有好多蟹籽，好好味！今日嫲嫲請飲茶：計一計俾大家睇，究竟有幾抵！午市套餐： ( 1個粉、麵、飯 & 1碟烚菜 & 2 籠點心 ) $63 X 2腸粉孖寶： ( 1碟腸粉 + 1籠點心 ) $15小點$8、中點$11、大點$13、精點$16每位茶$5 ~ 10位 ($50)另加一服務費：10個人成為$263 真係好抵食，仲有一小時免費泊車！益咗我！

無嗱嗱參加咗個商場抽獎, 中咗一圍十二人套餐, 去之前好膽心, 食評太多cry cry cry la, 最終結果.........係..........全晚食物係完全無問題之如個個都好飽, 有機會都會試下去呢度飲茶食點心先!!白灼海生蝦 ~ 蝦係非常新鮮, 好好味..份量亦唔少!燒味拼盆 ~ 全部燒味都正..good!芝士煙肉焗豆腐 ~ 豆腐滑, 芝士煙肉係面,好香!!花姿蚌片 ~ 好多西蘭花伴牒, 花姿蚌片好好味, 又唔會好油!瑤柱四寶羹 ~ 羹味道好好, 也足料! "足"生鮑片菜膽 ~ 全晚最一般, 啱啱合格, 可能最尾先上, 個個都飽飽地!!清蒸雙喜石斑 ~ 雖然係分兩條, size 都ok, 魚亦好滑!!瑤柱貴妃雞 ~ 全隻上.....肉嫩好味!錦繡炒飯 ~ 驚喜....炒得粒粒分明, 唔油, 料足好味!!幸福伊麵 ~ 呢個仲驚喜....完全唔油之如伊麵好燒韌.....得!! 甜品 ~ 紅豆沙, 平時好怕係酒樓食紅豆沙, 得個超甜"字", 食唔到紅豆味, 呢度既紅豆沙好得, 甜味啱啱好, 仲係好沙添!包大生力三枝同汽水6罐今晚如果要收費都係$1388, 我地一文錢都不用, 食飽飽拍拍屁股就走了...!! thank you

龍華皇宮酒樓餐單提供港式, 點心, 酒樓等推介美食位於屯門區，餐廳座位數990人均消費約$50以下，結賬可以用Visa,Master,現金。

您對於屯門餐廳「龍華皇宮酒樓」有何 comment？

龍華皇宮酒樓餐廳詳細資料：

• 龍華皇宮酒樓地址:
  屯門大興邨大興酒樓大廈
  龍華皇宮酒樓,  
• 龍華皇宮酒樓電話:  
• 龍華皇宮酒樓價錢: $50以下
• 分類: 港式, 點心, 酒樓
• 座位: 990
• 付款: Visa,Master,現金
• FB專頁: 龍華皇宮酒樓 Facebook

更多龍華皇宮酒樓相關資料:

• 龍華皇宮酒樓分店
• Youtube
• Facebook
• Twitter
• Google