龍翔酒家 屯門

龍翔酒家 評價 相片

前排去左龍翔酒樓度食晚飯，八點前入座有特價片皮鴨食，七點十去到酒樓，啱啱好趕得切最後一隻片皮鴨食。

人唔算多等左幾分鐘就有位初初以為特價片皮鴨冇乜特別會好油膩，但結果出乎意料。

片皮鴨即場係你面前切俾你，都幾架勢！片皮鴨啲皮都幾脆，不過下面就太多肉。

美中不足嘅係唔夠熱，冇得refill 青瓜 or 皮，不過三十幾蚊算係咁啦。

 兩個人叫咗一個片皮鴨同一個煲仔菜，已經好夠飽，仲食唔晒！推介比想食平片皮鴨嘅人食！

侍應上菜方式奇怪，可能我地真係叫左成枱餸，不過佢都唔會奇怪地餸疊餸吧，第一次食飯會有咁奇特既方式，我地叫左片皮鴨，正常一個蒸籠裝住包片皮鴨食既皮，一碟鴨皮，因為枱面冇位，佢竟然將碟皮擺上蒸籠上面，我問點食呀，不過佢好似係理所當然咁，唔知點解佢唔識幫我其他餸轉細碟，經我地提醒下，佢幫我地轉左細碟，不過一路陸續有其他餸黎既時候，侍應又再一次將碟皮擺上蒸籠上面，我真係好奇怪點解佢地會咁擺。

不過除左呢樣奇怪既舉動，食物質素都算錯!屋邨酒樓算好了!風味椒鹽骨，好食，好香!

今日係我生日, 由於係平日關係, 大家都要返工返學, 所以食晚餐慶祝. 當然揀我嘅最愛打邊爐啦. 當初決定嚟龍翔時, 都擔心過$98.00咁抵, 會唔會到時咩都話無架. 老公話反正未試過, 如果真係嘅咪無下次囉! 好! 幾大就幾大啦.七點去到, 得我哋一張枱打邊爐. 仲好靜靜地. 粟米紅蘿蔔豬骨鍋係啲豬骨碎咗啲, 但可以接受 手打魚丸成粒鯪魚球咁大, 食兩粒都飽了幾成, 味道可以 手打牛丸個樣同味道似足山竹牛肉, OK啦 蝦同鯇魚片夠新鮮, 但鯇魚片有些少幼骨. 肥牛都唔錯 黑椒牛丸老公嫌唔夠辣, 但我就覺得唔錯. 千葉豆腐(冰豆腐)吸收晒啲豬骨湯, 好正! 菜肉餃幾好 芝士腸真係完全唔得, 都唔知佢喺邊度入貨. 從未食過咁難食嘅芝士腸. 大家都係咬一口便立即放下.任飲各式汽水及竹蔗水, 啤酒就另計.全包價大人$98.00, 一米至一點三米小童$68.00今時今日, 周圍任食火鍋都要OVER$100.00, 以$98.00來說, 呢間都算不錯了. 起碼入單後生料都好快到, 完全無漏單, 只係生魚片無貨, 不過都會通知我哋. 比較貴價嘅蝦串入咗單三次, 三次都有比我哋.

難得今天由大埔走去屯門搵朋友，星期日中午飲茶理應不容易搵位，但朋友話呢間一定有位，所以唔想等位的原因，所以我去飲茶！走進酒樓，其實都唔係冇乜人幫趁，都差不多full，但可能有搭檯原因，所以較易搵位。

坐底都剔點心時，其實都差不多兩點，見到阿姐每檯放上正十茶點心紙，所以等多一陣不如食下午茶吧雞絲炒河，唔係特價下午茶，但都唔過三十元，炒得夠火喉，而且唔係好油，讚！腸粉，皮厚，只可以說：飽肚！鴛鴦燒賣：真係適合我們兩個人，兩件燒賣，兩件魚肉，味道不錯！棉花雞：魚肚放在底部，吸收晒上面的冬菇及雞肉味，精華所在！牛筋：自己比較喜歡食林身一點的牛筋，所以這種不太喜歡！還有吃了炸雲吞，夠脆口，同行ＢＢ食得津津有味！

此酒家平時出品ok,惟今次的牛腩辦麵真係咸到痺,我由1:50pm入單,等咗30分鐘再同部長講等咗好耐, then 2:48pm碟麵至黎。

個部長話牛腩要炆腍,我心想牛腩早就炆定,唔通我order至炆呀!算了，照等~點知碟麵好咸，牛腩仲燶燶地，麵又腍,好難食!!!!

龍翔酒家餐單提供酒樓等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「龍翔酒家」有何 comment？

龍翔酒家餐廳詳細資料：

• 龍翔酒家地址:
  屯門蝴蝶邨商場3樓301-304號舖
  Long View Chinese Cuisine, Shop L301-304, Level3, Butterfly Shopping Centre, Tuen Mun
• 龍翔酒家電話:  
• 龍翔酒家價錢: $51-100
• 分類: 酒樓
• 座位: 未知
• 付款: 現金
• FB專頁: 龍翔酒家 Facebook

更多龍翔酒家相關資料:

• 龍翔酒家分店
• Youtube
• Facebook
• Twitter
• Google