美景茶餐廳 屯門

美景茶餐廳 評價 相片

今晚再一次嚟食佢嘅小菜晚飯 其實之前都幫襯過四五次( 因為新搬嚟呢區)， 我同老公次次都嗌兩餸一菜包2飯2例湯 (埋單平均$210230)，味道同抵食到都可以， 本來諗住可以成為日後飯堂。

但係由三日前畀個 (中間分界嘅埃及妖后 )女侍應 狗眼看人低之後已經打咗一半折扣， 今晚再去食咁橋又係佢落單，又嚟料！😑我哋已經諗好咗食豉汁蒸倉魚， 蒜蓉炒油麥菜 ，虎皮尖椒炒肥牛。

我首先同佢講完頭兩味餸佢已經好串好大聲咁話…… 講明先呀咁樣得一個飯㗎咋！ 我即刻忍唔住: 我都未講完 你 又係咁, 嬲到唔知叫咩 ,老公你叫埋佢喇,我費事講呀！ (我上次冇駁返佢由佢， 但今次真係忍唔到 )跟住我老公繼續叫埋個虎皮尖椒炒肥牛。

因為淨炒菜係唔跟餐飯湯 ,所以佢就好臭寸 ，睇唔起人但係我根本未叫完。

都算已經唔理佢啦點知好戲在後頭之後埋嚟同我哋講冇晒䱽魚！ 唔緊要咪改第樣囉！ 就改咗菜膽雞！…… 首先菜膽雞嚟先， 再上炒菜($55)， 點知 ，見到碟菜點解有幾條白菜仔喺面(因為我哋本身唔食白菜仔），老公話 當食少幾條算啦， 跟住我望真啲唔係喎下面都係喎 ，就用筷子了開佢 ……原來有一半係白菜仔， 當時我即刻燥底……不想多說 只係覺得 吃完臭臉跟住廚房又自把自為 ，係咪你畀咩我就一定要食呢！咁好正常梗係要換啦！女收銀( 似家族生意新抱/女）好有禮貌幫我哋換咗炒菜心！ 咁本來都完㗎啦咪算囉繼續同我老公傾偈心情開始冇嘢喇有講有笑！ 突然聽到有個紅衫阿叔同入面一台熟客好大聲喺度鬧……< 使唔使咁呀， 唔食得咩， 佢哋叫蒜蓉炒油麥菜咁唔夠呀嘛， 咪加埋其他菜落去囉， 你睇下食到咁食完食淨先話唔要， 真衰格真係冇家教 ，呢啲唔知咩人嚟㗎！！！聽完火都嚟曬首先 ，1) 碟菜一放低，貨不對版已即刻要求換 亦同佢講咗冇食過。

2) 餐廳自己唔啱貨不對版 ，強行推出又冇得到食客嘅同意 ， 轉咗款嚟煮， 食客要求換都好正常丫麻！3) 身為老闆明知員工做錯 仲要掉轉槍頭向其他客人數臭食客，請問我如何冇家教 ？如何衰格？！ 真係越聽越火滾嬲到成餐飯都唔知食咗啲乜！ 最後決定畀完錢等佢找埋錢先講，費事佢以為我想攞著數 ， 我同個女收銀講: <你叫紅色衫個阿叔放心食碟菜！ 我哋完全冇食過! 另外我都要道歉頭先火滾緊都唔太禮貌黑面對你，你同我哋玩碟菜都好有禮貌 ！…… 但成件事根本係你個員工唔啱仲要調轉頭好大聲甘鬧我哋， 我哋如何冇家教？ 如何衰格呀？！> 我越講越委屈 ！ 個女收銀都非常之唔好意思咁我就冇 再講就走啦 ！😧其實小店專做街坊生意嘅餐廳， 就算幾唔憂做 ，係咪要咁樣呢？！ 就算你係老細至少都要有品 ， 餐廳個別員工質素差(另一肥姐姐侍應都好有禮) 環境陳舊地下油膩，冷氣又唔夠熱到死， 其實我哋食開嘅街坊都會知道 ！ 但係身為無飯主婦嘅我哋， 只要味道同價錢合理都不會要求大高！……但係咪就大曬呢？鍾意出啲咩畀人你就要食呢？ 唔食就數臭你呢？ 真係出去食飯從來未試過咁樣畀人鬧 ！受氣到呢個地步………… 真係十級貼錢買難受 仲好委屈 😠😠😠

去開附近順便幫襯下呢間老牌茶餐廳，入到去發覺冷氣唔夠，地面有d類似油漬跡好似未拖地嘅感覺，A 同B餐各自HKD 34 凍飲仲加3蚊。

叫左A餐（仿鮑魚絲通粉+蛋治，熱奶茶) 一食通粉同湯，淡而無味好似冇落鹽噉，通粉過淋搞咩啊，咁簡單都整到咁難食，蛋治煎隆咗隻但已經算正常。

奶茶算正常，一路食一路流汗加上唔好食。

呢個價錢周邊都好多選擇。

唯有心裏講冇下次。

今日唔想食外賣，所以近近地坐車過黎呢度食。

其實我地食小菜都幾悶，因為我食黎食去都係呢幾款。

例湯今日個湯有隻雞腳，味道唔會太淡，所以我鐘意平日黎，多過週末黎，因為週末黎，湯就難免會淡啲。

椒鹽雞翼又係我例牌會點，不過幾乎每次黎食，味道都唔一樣。

今次炸得較乾身，少少燶，冇乜所謂，反正我鐘意食。

鹹蛋蒸肉餅呢樣又係我幾鐘意嘅，肉餅即時蒸啦，以喺街食黎講，味道都算唔錯，而且有鹹蛋蒸，我好鐘意。

蒜蓉炒白菜仔平時我多數點菜心，白菜仔唔係生炒，好濕笠笠咁，一般。

以往我地都係週六、日先會黎呢度食飯，最近改變左集慣，黎得密左。

發現佢地嘅廚，平日煮野比較有心機，好食過週末…可能週末人流多，忙啲啦。

晚飯點小菜，都配白飯、例湯。

例湯有時都有少少誠意，唔會好鹹，又唔會好似週末咁淡茂茂。

星期一至五每日會固定有一款特價小菜，日日唔一樣，時時更換，比餐牌入面嘅小菜會平十蚊左右。

粟米豬扒 $55 (星期二特價)講真我就未食過呢味餸…原來都幾好食，以為唔係太夾嘅野，食落ok。

粟米就係平時地門牌啦，豬扒唔會好老好韌。

椒鹽雞中翼 $65我係雞翼控，所以有8成黎呢度都會點雞翼。

雞翼嘅水準都幾唔穩定，好在今次唔錯，煎得剛好，又唔會油淋淋。

蒜蓉炒白菜仔 $34白菜仔唔係生炒，所以食落會淋淋地。

椒鹽豬扒 $65呢份係事隔一星期食嘅，費事分兩篇食評，所以放埋一齊。

椒鹽豬扒明顯煮過龍，豬扒好硬，肉有點乾柴。

鹹蛋蒸肉餅 $65我知，呀媽整嘅蒸肉餅最好食，咁我冇福享受啦，只好喺街食。

即叫即蒸，如果我地點肉餅的話，店員會先落單，待肉餅蒸到差唔多，先安排上其他小菜，都算小貼心。

肉餅唔會太多肥膏，鹹蛋都有少少黃油，當然唔夠自家製嘅好食，不過不失。

蒜蓉炒菜心 $34比起白菜仔，我會比較建議點菜心。

菜心比較粗身，但都唔會好硬，炒得幾淋兩個人要食小菜一啲都唔平，我地平時就點兩個餸，搭一個菜，連埋飲品，埋單都百六七蚊…所以有住家飯食，都要好好珍惜。

水餃米線: D 米線勁淋, 煮得太耐了! D 水餃係一包包果D 韓國餃子, 但根本煮得唔夠熟, D 皮仲未解凍咁!鴛鴦焗飯: 問WAITER佢話係一邊TUNA 一邊肉醬意粉, 點知來到肉醬果邊變左火腿茄汁, 勁怪! 不過好多火腿同TUNA, 都算足料GE................

美景茶餐廳餐單提供港式, 茶餐廳, 冰室等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 24400620 查詢。

您對於屯門餐廳「美景茶餐廳」有何 comment？

美景茶餐廳餐廳詳細資料：

• 美景茶餐廳地址:
  屯門置樂花園商場130號地下
  美景茶餐廳, G/ F,130 Chi Lok Fa Yuen Shopping Centre, Tuen Mun
• 美景茶餐廳電話: 24400620
• 美景茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 美景茶餐廳 Facebook

更多美景茶餐廳相關資料:

• 美景茶餐廳分店
• Youtube
• Facebook
• Twitter
• Google