美心金閣 屯門

美心金閣 評價 相片

美心金閣（午餐）今日係我的生日（加上遠方既老闆話請客），我和同事就去美心金閣飲茶，開心開心。

我地２個第一次黎咋，２個大食妹食左好多野呀，哈哈～全部都好好食！超好食既蝦餃竟然係２２蚊一籠（４粒）平時我實唔會黎食架＞＜蝦腸好好味，因為＄１６．８（好貴呀）燒賣好大粒呀叉燒包簡直好味到飛起，包皮軟林林，ｄ叉燒又入味＾ｗ＾其他點心都好好食食埋個湯水已經食左２００零蚊ｌｕ最後要捧住個肚肚回公司添

上次同公司D人一齊去食午餐已經覺得E間的叉燒好好味呀~所以,難得阿媽放假~當然是推介佢去有好野食的地方飲茶啦！今朝早7:30到達,佢地都係剛剛開門炸~家姐、阿媽同我三個人先來到,之後~我其他家人都陸陸續續來到~我地叫左好多野食~好多野都好好味！特別推介︰叉燒包~超正！蝦餃~D蝦大大粒~正！燒賣~都好正...仲有,千層奶王包~超軟同埋好香,,,好好味！佢地仲係用車仔推點心的,不是而家的即叫即蒸~我鍾意呀！

食完豐富早餐buffet,skip左午餐,買完餸返卓爾居飲下午茶,本來想去椰林閣但超多人,美心反而唔駛等,擇日不如撞日,飲茶啦!今早食左蝦餃燒賣,今餐當然唔再吃!蒸蘿蔔糕:質感好滑,但唔係好多蘿蔔絲,有少量臘腸粒同瑤柱絲,靠豉油、胡椒粉至有味道。

叉燒腸粉: size縮左水?!咁的骰既??而且味道都唔似之前咁好,麻麻地。

雞絲粉卷: 呢個反而比叉燒腸更好味,雞肉+蝦,好味!仲平好多添。

燕窩雙皮奶: 用一個大肚腩燉盅上,面頭有一茶匙左右燕窩,大人話奶味好香濃,應該係用蒙牛黎整,好味但好飽!紅豆糕: 紅豆超多,密密麻麻,大人話好好味。

芒果布丁: 呢個本來無諗住叫,大人叫紅豆糕時見到車仔下面有d幾靚既東西,問下姐姐係乜??佢話係榴槤布丁=( 我話仲以為係芒果添...點知阿姐姐話有芒果呀,入去拎比你哩?? 咁好service,點可以say no??嘩~~~乜咁靚仔??好有造型喎!!姐姐話成套餐具連小匙羹係特別訂番黎用,真係諗唔到美心而家連甜品造型都講究埋,唔錯!只不過內涵唔及外表好,布丁質感唔軟,幾實淨,口感麻麻;芒果都幾多,但有d熟到變黑都用,就要扣分。

今日一行20人去火鍋, 個場都唔多人, d食物一般啦,叫幾多都有o黎齊,services 唔錯,幾有禮貌。

仲有dessert任食,有棉花糖,好好食ga, 好鬆軟。

另外有jelly糖,不過硬o左少許........糖水都ok,有紅豆沙,紫米露,杏仁糊,芝麻糊,only食o左紅豆沙,係足料同起沙的!我掃o左5 碗.......每人只係$80連加一,真係好抵的!

生日飯局, 有人揀左地方點埋菜, 去到淨係負責食, 當然仲要夾錢啦.一行八人, 叫左個什麼鱘龍宴, 六位用, 再加兩個菜咁.美心出品, 通常都叫穩陣, 亦無乜特別. 有味粵式片皮鴨, 竟然配上pancake皮, 原來, 粵式食法就係咁...... 仲有羊腩煲原本幾好食, 但叫碟生菜加入去, 竟然比碟油菜我地, 又係啤一聲呀.不過燒汁明蝦同什菜煲又幾好食, 加番d 分. 整體而言, 又係一次不過不失唔食無損失之作.

美心金閣餐單提供粵菜, 廣東, 中菜館等推介美食位於屯門區，餐廳座位數未知人均消費約$101-200，結賬可以用現金。

您對於屯門餐廳「美心金閣」有何 comment？

美心金閣餐廳詳細資料：

• 美心金閣地址:
  屯門石排路一號卓爾廣場201號舖
  美心金閣, Shop201, Chester Plaza, No.1 Shek Pak Road, Tuen Mun
• 美心金閣電話:  
• 美心金閣價錢: $101-200
• 分類: 粵菜, 廣東, 中菜館
• 座位: 未知
• 付款: 現金
• FB專頁: 美心金閣 Facebook

更多美心金閣相關資料:

• 美心金閣分店
• Youtube
• Facebook
• Twitter
• Google