細豐澳門餐廳 屯門

細豐澳門餐廳 評價 相片

🍽焗葡汁豬排飯葡汁唔正宗，非常快餐貨色飯十分濕，濕到似燴飯豬排好味，夠淋，有切開一小塊一小塊，方便食，夠貼心🍽咖哩牛肉飯白飯非常粗糙，咖哩偏甜牛肉好味，份量多又夠淋滑不過真係得咖哩汁同牛肉，薯仔都冇嚿🍜例湯：佛手瓜紅蘿蔔湯有家庭味，清甜🥃凍檸茶十分甜，比一般餐廳甜如果飲，一定要叫少甜🥃熱檸水檸檬揀得好好，無核，唔苦後話：原本來葡國餐廳諗住食葡國雞，原來係無嘅佢話全部都係set好晒，是日快餐無，就無得食有點可惜

住咁耐都未食過，而且樓下開既都係連鎖店，就去試下澳門細豐，晚餐 時段都多人的，我們叫了焗豬扒飯 焗班腩意粉 連野飲 湯$45 @，不錯～好吃 又經濟實惠，大家真的要去試下～～

一早起身同屋企人落街搵食, 今日想食茶餐, 所以入了細豐, 星期六早上唔算好多人, 唔使等位睇了陣早餐的餐牌, 見到有奶油豬, 好久都沒有吃過了奶油豬好似太heavy, 所以決定叫個雪菜米減輕下罪惡感>< 大大的一碗米粉…..想減肥還是下次吧~我喜歡食米粉加點辣油來吃, 辣油要問侍應要麵跟餐配2個餸, 我點了腸仔及荷包蛋我加了7蚊把厚多轉為奶油豬, 份量比原本的厚多大了一倍, 奶油豬很熱很脆, 練奶份量也足夠屋企人點了雙蛋火腿, 2個荷包蛋煎得不錯食完太飽, 唔敢再飲奶茶, 要了個"健康"一些的熱檸茶3個人一共食了hkd106, 一位35蚊左右, 算合理價錢

建生邨茶餐廳有很多選擇, 不過我星期六/日落街食早餐主要去細豐食常餐細豐開了好多年, 次次去都見個老闆娘,侍應同D街坊傾計, 好多街坊都成日去食早餐每次都叫指定的常餐, 一坐底就可以直接點餐, 很多時候會+7蚊把厚多轉奶油豬, 是貴了一點, 不過加煉奶又好食好多, 奶油豬唔算超級脆, 不過都幾好食~阿妹永遠只叫雪菜米, 仲要加埋辣椒油食~佢話D雪菜好食轉了奶油豬, 個包都幾大份, 食完一定夠晒飽我就例牌食螺絲粉, 牛肉份量OK, 因為外面的餐廳較少有, 通常只有通粉, 螺絲粉好多, 本身它又好飽肚, 次次食完到LUNCH TIME都唔肚餓雞蛋次次都係太陽蛋, 有流心出來, 整得好~今次我只要了跟餐的厚多, 方包夠脆, 有少少牛油香, 如果有埋煉奶就好了~ 不過好多人都會加錢轉奶油豬, 附近的茶餐廳好似都係得普通方包多士, 只有細豐有奶油豬食~3個早餐一共HKD107, 每人HKD35.5左右, 如果去附近的大快活食個飽肚早餐都要呢個價錢, 所以多數會去食細豐, 間中轉下食其他

朝早7點去食早餐 人手眼見得 3個諗著叫餐果陣叫左6次 d 待應 都扮睇唔到☹️ 依d可以當佢地忙 ，食食下一半 隔離盤植物 上面部冷氣機突然好似水喉咁漏水 。

整到d飲品汁哂 佢地一句對唔住呀 唔好意思都無 得一個待應默默走過黎 關冷氣 （因為冷氣機漏水） 之後仲要由我地 自己搬野食去另一枱。

全程無人幫過手 ！成件事完左 我地搬左枱 之後有其他新客入黎 坐左漏水果個位 d待應即刻惡惡地咁同過啱啱入黎既客講 ： 都話漏水啦 仲坐？😡 人地新客啱啱入？ 點知漏緊水呢又？

細豐澳門餐廳餐單提供粵菜, 廣東, 港式, 茶餐廳, 冰室等推介美食位於屯門區，餐廳座位數70人均消費約$50以下，結賬可以用現金。

您對於屯門餐廳「細豐澳門餐廳」有何 comment？

細豐澳門餐廳餐廳詳細資料：

• 細豐澳門餐廳地址:
  屯門良德街海麗花園19-20號
  Dee&amp;#39;s Macau Restaurant, 19-20 Venice Gardens, Leung Tak Street, Tuen Mun
• 細豐澳門餐廳電話:  
• 細豐澳門餐廳價錢: $50以下
• 分類: 粵菜, 廣東, 港式, 茶餐廳, 冰室
• 座位: 70
• 付款: 現金
• FB專頁: 細豐澳門餐廳 Facebook

更多細豐澳門餐廳相關資料:

• 細豐澳門餐廳分店
• Youtube
• Facebook
• Twitter
• Google