稻香 (海趣坊) 屯門

稻香 (海趣坊) 評價 相片

在有十張八張空枱嘅情況下要人搭枱，搭枱吾緊要，仲要中間冇擋板，離晒譜，最後都係鬆人，日期：2021年6月9日、時間：13:45分疫情期間，想去飲個茶都搞成咁，成肚氣

見疫情漸緩和同難得一家人都放假，所以時隔外出已久，今日朝早到海翠坊稻香飲母親節茶。

其實而家外出食飯因為疫情都變得好麻煩，就算係客人定商家都需要有十足嘅衞生，我哋又食得安心，佢哋又可以有生意做又減少肺炎帶嚟嘅風險。

但今日入座後，發現以往係用傳統嘅茶壺變咗自動加水加熱機。

上面分別有一個透明水壺，兩個透明茶壺，水壺係用嚟加水同加熱再自行加水到茶壺沖茶。

然而，得茶壺係新嘅，但加水加熱機同水壺就依然係上一手用過嘅，而且幾多人用過無人知，淨係知呢兩樣嘢係無消毒連基本清潔都無。

其實咁樣真係好污糟同欠缺衞生。

係疫情之下，如果客人要求下，係咪可以用返傳統嘅茶壺呢? 問返啲侍應，無人幫到我，我只可以無奈接受，不過之後都唔會再到稻香了。

朋友話見到8:30後半價羊腩煲同雞煲好抵食，半價好吸引，相約去食。

原本$88,半價後減半，滿心歡喜去，點知古法羊腩煲冇晒，得返酸菜羊腩，味道格格不入，羊腩超臊，酸菜又咸！雞煲仲差，雞得幾舊，仲要乾柴到呢…好似餸尾掉落去煲咁，成煲野冇啖好食！唔怪得店員話四個人食兩煲唔夠食。

最搞笑既係兩煲野，得一個電磁爐，又冇加一個 gas 爐比我地，局住食完一煲先可以再食第二煲，冇得左右逢源一齊食。

火鍋料半價，但唔新鮮。

臨尾差不多9:30,可能已冇客再入座，店員拎盤牛肉拼盤黎促銷$150問我地有冇興趣，我地見冇野好食，於是就要左，都叫做抵既！總括…平野冇好，真係冇錯😅

下午茶黎到海趣坊飲茶，限聚令4人，好多人走出黎飲茶，等位都等左半個鐘。

而家用 app落單，可以睇到碟點心係咩樣，無諗過稻香都可以咁方便，不過老人家就麻煩 d未必識得用。

好耐無飲茶，而家 d點心好似少左款咁，腸粉，灌湯餃，蝦餃，standard野。

特別 d 既有綠茶香芋餅，唔太甜幾好食。

龍蝦湯鮮竹卷，無咩龍蝦湯味，不過個組合幾特別。

以前一定有既雪山叉燒包或者菠蘿叉燒包就無見到 lu~沖菜方式都同以前唔同左，檯側邊有坐水車既物體，禁個制就可以自動加水同加熱，好方便，唔洗好似以前咁叫人加水，十世都無人黎。

今日同屋企老人家2位等位，成個門面同侍應都無講過2位必須搭抬。

當叫到我入去坐，突然之間有人行埋嚟搭枱，羅姓資客仲用粗暴語氣話“係人都知2位要搭枱架啦，唔搭枱唔好食”，之後仲趕番趕我哋出去。

咁大個集團咁樣嘅安排真係超差，唔單只無明確顯示或提示2位必須搭抬，搞到我晒時間等；疫情期間仲要強逼顧客搭抬，無視食客安全；侍應仲要粗暴鬧客趕客，咁鐘意趕客我幫你一把趕埋一份啦唯有。

其實都係想簡單餐飯，支持下經濟，點知最後一肚氣唔食都飽。

最搞笑係稻香嘅顧客服務熱線打極都唔通，呢啲咁嘅集團真係要抵制一下。

稻香 (海趣坊)餐單提供粵菜, 廣東, 火鍋, 點心, 酒樓, 少鹽少糖食店等推介美食位於屯門區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE，Booking訂位可以電話致電 83008135 查詢。

您對於屯門餐廳「稻香 (海趣坊)」有何 comment？

稻香 (海趣坊)餐廳詳細資料：

• 稻香 (海趣坊)地址:
  屯門湖翠路168-236號海趣坊40-44號舖
  Tao Heung (Ocean Walk), Shop40-44, Ocean Walk,168-236 Wu Chui Road, Tuen Mun
• 稻香 (海趣坊)電話: 83008135
• 稻香 (海趣坊)價錢: $101-200
• 分類: 粵菜, 廣東, 火鍋, 點心, 酒樓, 少鹽少糖食店
• 座位: 未知
• 付款: Visa,Master,AlipayHK,支付寶,現金,八達通,AE
• FB專頁: 稻香 (海趣坊) Facebook

更多稻香 (海趣坊)相關資料:

• 稻香 (海趣坊)分店
• Youtube
• Facebook
• Twitter
• Google