潮館 屯門

潮館 評價 相片

上年和朋友試一蚊雞,地點都是這間潮館,貪其三免非常之抵~今年剛好在promo完結前,帶老友來吃一蚊雞,不過今年情況改左,需點多一個38蚊指定小菜.變相成為"39蚊「一蚊雞」套餐".指定小菜於不同時段是不同款式的,不過多數都是菜類為主.這期是南乳粗齋煲,好特別咁用了石窩上菜,來到的時候汁在窩中卜卜爆爆地滾著,很有氣勢喎裡面有小棠菜,白菜仔,腐竹,粉絲,秀珍菇,雲耳,豆卜.每樣有少少,最後堆到滿滿的一窩菜蔬爽脆,雲耳腐竹就夠哂淋.南乳味味道相當稀薄...唔~仔細一想,菜類本身不宜煮得太油和太濃,所以這窩菜我是收貨的.梅子雞方面,上年吃到的是1%梅子味+99%白切雞味.其實面前這雞的味道和上年沒有分別哦.老友問"係梅子雞?咁似白切雞既?".其實上年我都有同一樣之懷疑 XD.那說到的梅子味只藏於盤底的雞汁之中=.=",well...仲要是很輕微那種.不過一蚊的話我都沒太多要求了,咪當多一味餸.穗香雞並不是太大隻(坐正廚房旁,見到成盤備用雞既樣 XD),我喜歡吃的雞胸仲只得3舊添(?!),雞肉不是勁滑又未至於好鞋.記住這是一蚊雞~兩個餸當然不夠吃因為每次來潮館必吃鹵水拚盤.咁岩有小菜套餐,選了豉椒炒聖子拚鹵水拚盤$148.淨叫拚盤是$80,即是炒聖子只需$68,變得勁抵食!這鹵水拚盤是潮館招牌菜,有鵝片,鵝件,鵝翼,蛋,豆腐,白蘿蔔,魷魚片,司華力腸.特別愛吃鹵豆腐,蘿蔔和鵝片.這個鹵水味又香又濃,當然不是濃到咸又或者濃到入不到口那種喇.而且鹵汁完全進入食材.好掂當.炒聖子都令我們驚喜!先說份量,有成14隻聖子,好多~聖子肉爽爽的,還吃到點點鮮味添.配上濃香的豉汁,兩者配合得剛剛好.而青椒都夠哂爽甜!叫了一個白飯$10送餸.最後甜品是馬蹄片綠豆爽$12,我以為是凍糕點,估不到是糖水更是剛煲出來(我地睇住個阿姐煲)..熱辣辣到丫...呼呼~糖水是台式酒釀丸子那個透白糖水底(唔知道叫乜),味道甜甜的,加埋勁爆爽口馬蹄片和軟淋淋的青BB色綠豆(我鐘意~!),雙重口感,潤得來又好好味.晚市服務比早茶時段真係好好多!!!!不知以為是兩間食市來呀> v <"""今天我們"頭圍用膳",未到六點就入去了.呵...位都不用等...但過左7點幾就好多人.好在~

宵夜係好平呀，但真係唔掂，碗筷又不乾淨，唉…魷魚…炸到不堪入目，食街邊仲好過尼度。

胡椒豬肚湯…以為可以暖肚，飲完唔會熱，唉…只怪我身體突然勁了，碗湯補了我都不知，咁想會好些。

兩拼（鵝片同大腸）…都大碗，穩定作，尼d唔會差得去邊，食得過。

埋單80元多少少…

環境又迫...食物又唔好.同待應無交流...腸粉無料又無乜味...的餃咪似超市個的,,,牛腩都好怪..又難聞..又un....平３８元就得..都好啦....

原本打算去好曰子飲茶 , 但見好多人等位 , 所以就去左潮館 , 因為即時有枱啊! 雖然要搭枱坐 , 但一d都唔迫!我同相公叫左八碟點心 , 有:蝦餃 一般 , 蝦唔夠鮮味蘿蔔糕 一般 , 唔夠香粟米墨魚餅 ok , 都幾彈牙雞札 好味蒜蓉蒸鮮尤 正! 有粉絲墊底 , 好入味义燒包 正!排骨 正 , 離骨兼入味潮洲粉果 ok服務員好禮貌兼細心 原本我哋有袋嘢擺喺另一張椅上的 , 因後來有人搭枱要用 , 相公便放於自己大腿上 , 服務員留意到 , 隨即自動奉上圓形椅俾我哋擺嘢呢! 讚

識途老馬帶路,說此店屬稻香集團,免茶,免芥,免加一,而且食物不錯,就在週末下午一點多時來試,當時都幾多人等檯,我們一行九位,有大有小,但很快就在六人檯上加張檯板給我們,須然逼迫,但總算快捷.我們叫了:2淨腸粉 即叫即拉,非常嫰滑,要加碼再叫!叉燒酥 細細件,幾香脆,薄撐和叉燒包都有上佳水準,2芝麻糊 冇食不知.山竹牛肉和糯米卷 可以接受.朱古力饅頭 氹小孩之產品,饅頭完全無朱古力味.金錢肚 牛肚ok.伴碟的蘿蔔不夠淋,鳳爪 鳳爪夠味,伴碟的芋頭不鬆化.埋單百六有找,便宜到令人難以置信.食物質素亦在可接受水平.三時半我們離開,門外仍有近十名顧客(相信是三組人)在輪候,都幾誇張.整體食物可以接受,但由於茶壺太細,很快便將茶酙完,要侍應經常加水,但又由於檯檯都是同一現象,使熱水供不應求,即使專人負責,但仍要呆等,如此服務質素,有待改善也!

潮館餐單提供潮州菜, 中菜館等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「潮館」有何 comment？

潮館餐廳詳細資料：

• 潮館地址:
  屯門屯隆街2號屯門時代廣場2樓46號舖
  Chao Inn, Shop46,2/ F, The Trend Plaza,2 Tuen Lung Street, Tuen Mun
• 潮館電話:  
• 潮館價錢: $51-100
• 分類: 潮州菜, 中菜館
• 座位: 未知
• 付款: 現金
• FB專頁: 潮館 Facebook

更多潮館相關資料:

• 潮館分店
• Youtube
• Facebook
• Twitter
• Google