海福軒酒家 屯門

海福軒酒家 評價 相片

頭先去呢度食Lunch，其實食客唔多，仲有好多吉枱，我地要求轉枱，一個弱弱地細細粒既中年男waiter話冇問題，點知呢頭講完，即大大聲在我地背後話自己要做多好多功夫。

我火都黎埋，即自己取回自己個茶杯去新既枱度（註︰當時我地只係開左位，未叫過野食）。

佢將我地枱上的杯同碗搬去新枱，放低時仲要大大力咁，好唔高興既樣﹗嘩﹗呢d咁既服務態度，搞到我地一朝就要睇人面色，就算d野幾好食都唔會再去啦﹗

上星期約左一大班朋友黎飲茶因為係sunday關係人都幾多但我地好好彩等左無耐就有位叫左好多點心蝦餃皮唔算厚,蝦肉夠鮮又大粒,唔錯燒賣好大粒,但肥肉太多唔掂小籠包大大粒肉丸,皮又厚,一d湯汁都無,朋友都話似肉包多d齋腸清清地,豉油自動另上幾好百花玉子豆腐好清,面頭既蝦肉幾鮮味,唔錯春卷反而幾好,餡加左蝦仁,食落唔算好油,ok煎蘿蔔糕唔太油,啖啖蘿蔔絲,ok仲食左其他點心但唔記得左lu味道只屬一般服務都係麻麻

近來食到好多美食, 可惜今晚連環中招!第一中招案發現場係......因為就快搬屋, 現有o既傢俬透過朋友大部份捐俾有需要家庭. 朋友今晚嚟 拆屋抬嘢, 攪夜o左, 我即興call 同樣未食飯嘅 家姐同媽咪去就近海福軒.平時我o地多少會去市中心, 今晚懶搭車, 咁就出同事喇.叫o左個什麼海鮮套餐1) 什麼海鮮羹: 有陣"UP" 味嘅 湯羹, 我咁大個女都係第一次有幸品嚐到.(2) 白灼蝦: 完全無蝦味嘅 白灼蝦我咁大個女都係第一次有幸品嚐到.(3) 竹笙草菇扒小棠菜: 同(1), "湯羹"改為> "竹笙草菇扒小棠菜"(4) 豆豉蒸倉魚: 一般, 但比上不差, 比下有餘.(5) 什麼燒鴨:肥肉70% /瘦肉30%(6) 紅/綠豆沙用水浸淋嘅 豆, 完全唔起沙, 無陳皮同臭草味. 朋友, 都係玩o下排長龍, 去市中心嘅 客家好棧或者稻香喇!

（5112006）今朝同男友撐枱腳，我地好耐無飲茶，見無咩人就入去喇！第一，無知客帶位，咁我地就入咗去自己搵位，點不知有個女知客就話：＜要撘枱喎，你地幾多個＞心諗隔離果ｄ枱都係得兩個人，收咗另外無用既杯碗碟，佢無收到我地果張枱．我地食到一半有兩個人入咗黎，就坐係我地果張枱，有個知客同佢地打招呼．咁即係熟客仔就可以要晒成張枱，唔熟就要同人撘枱，都short short地架．入得黎食就係客喇，都唔知係老細有問題定係ｄ伙計有問題．第二，有個女知客唔多鍾意答人問題，眼神有ｄ怪怪，唉！蝦蛟，燒賣：好大隻蝦啊，美味！义燒腸粉：好爛攤子，一般．鳳爪排骨飯：好多肥膏．馬蹄糕：有好多馬蹄，不過唔係好夠爽．咸水角：不過不失．流沙包：個皮有ｄ硬，凍晒．馬拉糕：太飽食唔落，打包返屋企．

1792005 1528自己住在港島區，簡唔中都要入一入新界區，正與住新界但經常出城的人形成強烈的對比。

屯門平均兩個月就會入一次，但這裡附近已一至兩年沒有經過，上一次黎既時候近泳池還沒有住宅及食店。

打波前諗住入一入安定或友愛村食過tea，但見到新起的私人屋苑有間酒樓，應該有下午茶時段，便膽粗粗入去。

睇過佢地的菜單後，點了菜餃及雜繪炒河。

菜餃都幾熱，可惜一夾落去係chi住，唔掂，不過個河粉就幾多料，有蝦、豬肉及豬，都幾大碟。

連茶介加一都係48蚊，要求唔高，算係咁啦！

海福軒酒家餐單提供粵菜, 廣東, 點心, 酒樓等推介美食位於屯門區，餐廳座位數未知人均消費約$51-100，結賬可以用Visa,Master,現金。

您對於屯門餐廳「海福軒酒家」有何 comment？

海福軒酒家餐廳詳細資料：

• 海福軒酒家地址:
  屯門海珠路2號地下1-3號舖
  Hoi Fook Hin Restaurant, Shop1-3, G/ F, Oceania Heights Tower1, No2 Hoi Chu Road, Tuen Mun
• 海福軒酒家電話:  
• 海福軒酒家價錢: $51-100
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金
• FB專頁: 海福軒酒家 Facebook

更多海福軒酒家相關資料:

• 海福軒酒家分店
• Youtube
• Facebook
• Twitter
• Google