正記茶餐廳 屯門

正記茶餐廳 評價 相片

與好友行山，終點有呢間茶餐廳，因沿途都沒有位置坐低補給，大家都有點肚餓，地方幾大，村屋格局，有室內及室外座位，抗疫期間店員要確認我哋有口罩，要探熱先入場，下午茶餐選擇都好多，大家點餐後，食物是即叫即整（因每樣都熱辣辣夠鑊氣）雞扒米線:雞扒煎過幾香，醃得入味不會過鹹，肉質唔乾，竟然有驚喜，米線淥得剛剛好，是彈牙有咬口嗰種（比很多米線店更好）不會太淋身！而湯底雖然係味精湯，調得唔會過鹹，應該係雞湯粉，鹹香好味，簡單一碗雞扒米線居然比到驚喜我Zero Cola:正常，加上冰底剛好消除行山暑氣！（不過汽水同冰底一齊出會更好（因為上了汽水都等了5分鐘先有冰底，熱辣辣地等了5分鐘先解到渴😅）朋友食：炒貴刁：乾炒牛河：菠蘿炒飯：忌廉汽水：提子汽水：食物好味，店員係豪爽型，好似點汽水時講咗包冰底，但汽水到咗冰底都未到，佢哋聽到我哋對話，即刻回應整緊！好爽快嘅！食物不錯👍🏼（手寫單據上睇唔到每項食物幾錢，只有總數）

已經第三次幫襯！頭兩次都極為失望，諗住貪新鮮同朋友入去食下午茶，點知等好耐都唔出，三催四請先至上菜，出到嚟個奶油豬仔包係我成二十幾歲人食過最難食最唔抵食！空氣麵包，好似花園餐廳嗰種，基本上一啖食晒收我幾十蚊！有次食晚飯，見冇人幫襯好多位，可以成間餐廳霸晒所以入去試吓，食完成班人都講晒粗口，又貴又唔好食，難怪之後間餐廳淨係做午市做地盤佬生意！今次係冇選擇，行完山超級肚餓所以俾多次機會佢。

我住響附近嘅朋友話基本上餐廳平日10個有九個半都係地盤佬，因為免費泊車，出面好多地盤車出入，沙塵滾滾，記住唔好坐出面！星期日會好少少。

朋友仲話夏天呢度超多蚊，咬到Pk，又多地盤臭汗味，所以夏天一定唔幫襯！至於食物方面，非常之一般，越來越差，差過普通茶餐廳水平。

啲肉好大浸雪味，啲飯好硬（聽隔離枱話上次啲飯係漿糊咁！ ）我朋友話之前好似有少少好轉，但係今次真係非常差！唯一吸引之處係可以泊車同埋帶狗狗入去，不過屯門好多地方都可以。

我食咗三次加埋朋友久唔久幫襯，大家嘅結論係：食物質素參差，環境欠佳，價錢偏貴，似乎唔係做我哋一般人生意而係做地盤佬，今次真係最後一次，寧願坐番車出去屯門，一樣價錢或平啲，仲多嘢食仲好食！

嚟食咗個快餐，粟米斑塊飯，夠又幾抵食。

有熱湯送，凍飲我加左3蚊，凍奶茶幾好飲魚出面層粉唔厚，脆脆地，難得食哂都唔劑，味道岩岩好 ,碗湯夠哂熱 唔係罐頭係真係煲出來果種 幾有heart下次會再幫襯 同其他茶餐廳 地方乾淨 服務幾好

因為住附近，一早起身唔想煮，所以過來試下佢個早餐。

雖然位置比較”格攝”, 但估唔到朝早都有好多人去食，好彩去到室內仲有位，如果唔係熱死。

去到泊好架車(免費)，就即刻嗌左個雞扒通粉配腿蛋(有其他揀)同白包、雞扒餐配火腿奄列同牛油多士，再嗌左杯熱奶茶餐飲同加3蚊轉凍檸茶。

<幾好飲推介個雞排，唔鞋唔乾仲有d汁浸出來;通粉ok，湯底都夠味;個蛋生生地幾正，未食完成個餐已經覺得有d飽，幾大碗，40蚊ok2人埋單$83

星期日之選 入到掃管笏村 諗全睇下村屋途經呢間餐廳仔 幾有地道風味價錢亦都不是太貴下午茶合理有的泊車尋找寧靜之處 一流看看書可坐一個下午叫幾個下午茶雞翼即炸脆卜卜沙律就多左少少醬西多士細心有花生醬細細餐廳感受深刻價廉物美👍🏼

正記茶餐廳餐單提供港式, 茶餐廳, 冰室等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 25676882 查詢。

您對於屯門餐廳「正記茶餐廳」有何 comment？

正記茶餐廳餐廳詳細資料：

• 正記茶餐廳地址:
  屯門掃管笏村地下361號舖
  Ching Kee Restaurant, Shop361, G/ F, So Kwun Wat Tsuen, Tuen Mun
• 正記茶餐廳電話: 25676882
• 正記茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 正記茶餐廳 Facebook

更多正記茶餐廳相關資料:

• 正記茶餐廳分店
• Youtube
• Facebook
• Twitter
• Google