正宗桂林米線龍記 屯門

正宗桂林米線龍記 評價 相片

在屯門見到有人話依間米線好正，作為米線控嘅我特登過嚟試吓😂😂果然口味幾特別喺桂林米粉嘅風味，叫咗小辣都已經好辣，而且好惹味仲有即叫即做嘅煲仔飯價錢都好實惠下次一於過嚟試吓先

米線迷如我, 基本上食過哂香港近8成嘅米線店, top 10嗰d一定去過。

以前喺呢區住過1年左右, 無意中發現呢間隱世米線小店。

喺呢度食嘢, 就要捱到冬天凍冰冰夏天熱辣辣, 因為佢真係就咁幾張枱凳, 但佢d米線同飯都好好味。

老闆娘一腳踢, 落單煮嘢收錢洗碗自己搞掂, 仲有唔少外賣call, 佢好有禮貌, 會拎碗麵俾你; 有時會見到佢個仔坐喺度做功課, 總之就係街坊生意。

今次order咗我最鍾意食嘅 無湯炸醬熱拌米線 (中辣), 加鹵水蛋+韮菜+豆卜。

成年無嚟食, 依然係keep到咁好味, 份量都唔少, 會有差少少食唔哂嘅感覺 (同譚仔差唔多)。

佢嘅米線有湯無湯都好味, 有次夜晚嚟食飯, 每一味餸都好正, 自己嚟試下就知。

走進屯門碼頭一帶，在美樂花園的這間小店，在店外開幾張細枱，幾張櫈，就已經是堂食了！當然談不上什麼裝潢啦但有一種好強烈的街坊情懷隨隨便便就是最寫意如果不趕時間，可以慢慢坐下，因為廚房內得一位女廚師，即叫即做餃子是必食的，還推介酸辣粉，螺絲粉，煲仔飯，小食的茄子，腩肉都不能錯過飲品，有無糖涼茶，食得辣辣地，解下辣都是很好的價錢方面，經濟實惠！車仔麵每個餸都係幾蚊一款如果唔介意冇室內坐位，冇裝修，係好值得一試

今曰入左屯門揾我家姐食Lunch, 家姐住係蝴蝶邨，所以臨入去之前，要揾返係附近食～家姐話佢推介我喱個辣妹食喱間勁辣米線，間鋪係美樂花園差唔多最入，所以唔係個頭住嘅朋友要問下路先可能揾到～鋪面好似啲外賣店咁,問口有幾張枱，我個日下午茶時間去，都算幾多人食～我點左喱個熱撈紅薯粉(大麻辣),我好耐無食過咁辣嘅米線，平時食開 X仔米線，川越，雲桂都係叫大辣，但喱間大辣，係人地嘅勁辣～(辣到我耳仔痛囉…),佢個餃好好好好好食同好新鮮啊…，我見個姨姨即刻整咖…真新鮮啊…←家姐個碗小辣帶酸，好開胃啊～我家姐話無介紹錯咖～臨走都要打包啲新鮮餃(蟲草花冬菇餃)走，返屋企回味下！成日都心思思想去食～

想食米線唔係一定要食譚仔三哥，美樂花園呢間桂林米線都幾好食。

呢間餐廳幾隱蔽...我都係機緣巧合下搵到🙈我好鐘意呢度炸醬酸辣紅薯粉同餃子。

炸醬酸辣紅薯粉($22)夠酸夠辣，我叫小辣都頂唔順😂餃子係老闆娘每日包，今次叫左蟲草花冬菇豬肉餃同椰菜豬肉餃(7隻/$28)，調味剛剛好又煎得唔錯(可以轉湯)。

如果要係屯門碼頭附近食米線，我一定選呢間食👍🏻______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️一班大食女日記 foodies together

正宗桂林米線龍記餐單提供桂菜, 廣西, 粉麵, 米線, 雲吞, 餃子等推介美食位於屯門區，餐廳座位數未知人均消費約$50以下，結賬可以用現金，Booking訂位可以電話致電 23109669 查詢。

您對於屯門餐廳「正宗桂林米線龍記」有何 comment？

正宗桂林米線龍記餐廳詳細資料：

• 正宗桂林米線龍記地址:
  屯門美樂花園商場地下2號舖
  Long Kee, Shop2, G/ F, Melody Garden Commercial Complex, Tuen Mun
• 正宗桂林米線龍記電話: 23109669
• 正宗桂林米線龍記價錢: $50以下
• 分類: 桂菜, 廣西, 粉麵, 米線, 雲吞, 餃子
• 座位: 未知
• 付款: 現金
• FB專頁: 正宗桂林米線龍記 Facebook

更多正宗桂林米線龍記相關資料:

• 正宗桂林米線龍記分店
• Youtube
• Facebook
• Twitter
• Google