朱古力燒烤場 屯門

朱古力燒烤場 評價 相片

前排去依間食野因為網上都幾多好評點知去到就發覺唔得佢D食物款式係幾多有一般自助燒烤場冇既野例如有棉花糖又有牛油蒜蓉比你查面包其他食物味道一般不過最衰都係D番薯10個有4.5個都係爛既另外我覺得佢差既原因就係佢既服務態度次次拎炭都一路眼超超啤到你番埋位都未啤完最後仲要走埋黎話你用炭太多再係咁要收錢我之前去過既自助燒烤場從來冇依個情況出現 仲會幫我拎炭tim如果你係想人唔拎炭就一早講埋炭要另費或限量啦出黎BBQ 都係求開心依家咁就真係貼錢買難受我寧願去一D食物種類少D既燒烤場好過依家要受人氣以後都唔會再黎

一直都喜歡往龍鼓灘自助燒烤，貪佢冇咁多人，不過就要渣車去。

從冇到有，以前有好多好大間，依家就只係剩低幾間，朱古力係剩下的其一。

平平無奇的花枝丸好惹味。

雞中翼有幾款味：咖哩、豉油及辣。

都唔錯。

蒜味牛油任搽麵包。

重有綿花糖。

少有幾款蔬菜如洋蔥、茄子及青椒，可以清一清腸胃其他肉類都OK。

係就係遠少少，不過如果有車就分別不大，呢個場亦有免費停車場。

呢晚好好天，天空好多星星，好少見唷。

Boxing day 同朋友bbq,試過book 近巿區d 的 bbq場,但都full晒~朋友找到這個地方, 本身對呢度都無帶咩期望, 一心諗住有個地方同朋友聚聚已經好好,之前都試過去其他自助燒烤場, 除左方便之外,都無咩特別好,諗唔到呢度會令我有少少改觀…呢度食物款式多, 雖始終唔能夠同自己買ge去比, 但味道也算不錯！特別是叉燒骨，味道很好！仲有菜包、綿花糖同餵魷魚的魷魚乾，都是值得推介的！唯一不足的地方，可能人多的關係，部分食物還是未來得及溶雪、成粒/舊冰咁…飲品方面，選擇亦比之前去過的燒烤場多，而且有涷有唔涷~環境唔算大，但論食物同地方的衛生程度亦相當好。

職員眼見有部分腸仔被其他肉類的汁染色，會主動拿去清洗，值得一讚！洗手間亦算衛生，大家都話好ok總括來說，同行朋友同我自己都對呢度好滿意，燒得滿足盡興之餘，紅日都係收$100/位，算是十分相宜。

當天是預祝我仔仔18歲生日, 我在OPEN RICE 睇咗好多食評, 終於選咗朱古力, 因為我D 朋友大多數住返屯門, 而大部份食評都話朱古力OK; 我地1:00左右到, 食場主人即帶路俾我地泊車, 車場寬闊, 可泊多部汽車, 由於早餐都未食, 我們一下車馬上開始, 老板未收錢就已經開爐給我們, D食物放在雪柜, 夠衛生, 幾扺食, 每人88蚊, 老板重好好人, 送多幾支水及汽水俾我地, 飲唔晒重可以帶回家, 任選食物, 食幾耐都無問題, 超筍!!!

兩月前去這間BBQ食，現在才有機會寫下經歷。

話說女朋友想食BBQ，約了她妹妹和妹夫，和我倆一齊去食，她想去可看到日落和海景的BBQ場，我於是數月前訂了龍鼓灘這間。

食過燒烤場的人，通常會揀可以逗留長時間和食物選擇多的BBQ場，我也不例外，因為這裡款式相當多，每人更奉送一包飲品。

最重要的是，可以望到無敵海景，當時天色相當好，又讓我們同時看日落和月色上天。

其實去燒烤場，目的還是一大夥人一同相聚，故此食物的要求不會太高，但這間亦沒有令我們失望，雖然遠了點，但都值得一試！

朱古力燒烤場餐單提供港式, 燒烤, 燒烤場等推介美食位於屯門區，餐廳座位數未知人均消費約$51-100，結賬可以用現金。

您對於屯門餐廳「朱古力燒烤場」有何 comment？

朱古力燒烤場餐廳詳細資料：

• 朱古力燒烤場地址:
  屯門龍鼓灘
  Chocolate Barbecue, Lung Kwu Tan, Tuen Mun
• 朱古力燒烤場電話:  
• 朱古力燒烤場價錢: $51-100
• 分類: 港式, 燒烤, 燒烤場
• 座位: 未知
• 付款: 現金
• FB專頁: 朱古力燒烤場 Facebook

更多朱古力燒烤場相關資料:

• 朱古力燒烤場分店
• Youtube
• Facebook
• Twitter
• Google