愛 . 添 屯門

愛 . 添 評價 相片

女孩子 就算食到飽飽 面對甜品 都會生出第二個胃Haha 呢間小店係第二次光顧 ( 距離第一次光顧 已經過咗段時間) 之前試佢哋嘅糖水 同埋 沙冰 當時我同 店長講 沙冰 唔夠幼 希望佢哋作出改善 今次再嚟 我哋點咗兩個甜品 同一杯沙冰甜品方面 法式焦糖梳乎配厘 pancake 好有水準 質感鬆軟 火候啱啱好冇燶底 配法式焦糖 及雪糕 一齊食 睇落好似好多嘢 食完其實食咗份風 唔覺飽 啱曬食飽晚飯食 味道亦都不錯沙冰我要讚一讚 店長真係有聽意見作出改善 今次個沙冰 已經冇再食到粒粒 好幼細士多啤梨味仲好出至於芒果窩夫 窩夫 最緊要脆 呢個已經 符合我要求 總括嚟講樣樣都幾好 下次再經過洪橋 都會嚟幫襯

本來打算去食著名屯門有名嘅米線雲川燒。

呢間就係分店嘅隔離，從外面嘅就比佢嘅圖片吸引勁靚，就決定食完米線黎食。

入去會覺得裝潢係備工業，打卡都幾岩。

入面嘅侍應都幾後生，睇黎應該係年輕人一齊創業。

很有禮貌。

雖然設有低消，每人$30，但叫一個窩夫兩個share都夠。

我地叫咗個炙燒布雷麻薯窩夫，配豆腐雪糕。

應該係豆腐雪糕冇曬，今次佢配嘅係荔枝味雪糕。

食落唔會好重香精，幾好食。

個窩夫好驚喜，好qq🤤 ，煙煙銀銀，佢比嘅汁好夠多，食完窩夫仲有，本身會覺得個汁有啲漏，但加埋雪糕，真係會一淡接一啖。

五一假期前一晚，梗係要開心！食完晚飯，直落食甜品啦。

約了兩個朋友來屯門愛•添，話呢度嘅甜品好有創意！夜晚九點幾去食唔算多人，這裏招呼不錯，任我們選一個喜歡的座位。

這裏的飲品也很有特色，最多人讚的是奶蓋。

小食選擇有六款咸點，其他甜品都混合了自家特色創意。

例如珍珠奶茶窩夫$68,平時吃的窩夫就是不同水果味，配搭一球雪糕，這裏連珍珠奶茶味道都想到做出來，果然是台式創意甜品！愛•添芒果$38，是沙冰來的，芒果肉非常多，整杯一層一層的都放著甜度和熟度剛好的芒果，可以用飲管吸啜來吃。

不用再加任何調味，整杯沙冰就是香甜芒果味，充滿夏日清新。

綠茶奶蓋，比較清淡的味道，就是喝綠茶的清香，淡淡的茶味，配著面層香氣濃郁的奶蓋，頓時變成滑滑的綠茶芝士奶了。

這個有創意，但味道還是不及愛•添芒果的香甜，口味是比較大眾化，但在特色方面還是喜歡沙冰系列。

珍珠奶茶窩夫$68,伴碟非常有心思，用朱古力醬寫相愛•添店名，側邊拌有很多麻薯波波，保證你吃一個甜品已滿足一晚。

窩夫中間很鬆軟，而且窩夫醬混入了 奶茶味，煮起的窩夫有熱力，把奶茶味揮發得更香口，煙韌鬆軟， 雪糕也是奶茶味，讓奶茶充斥你的味蕾。

伴著珍珠一起吃，黑糖珍珠味道真的以為在喝珍珠奶茶一樣！加上麻薯的香口煙韌，吃完真的會飽的，一定要約多幾個朋友一起吃。

Oreo起司蛋糕流心巧克力日式梳乎厘班戟$88,賣相好漂亮哦！藍色的是海鹽雪糕，在整個甜品中，有畫龍點睛的效果！梳乎厘班戟真的很有日式軟芝士蛋糕味， 芝士味不算很濃，但oreo餅碎很多，食落很有鬆化的口感，也不覺得油膩，因為班戟本身軟綿而不濃味，oreo的味道正是這樣被突出。

切開裏面，朱古力慢慢的流出，感覺很治癒！我忍不住，一口就要把這個充滿空氣感、軟綿綿的甜品吃光了。

除了甜品，幾個人一起談天說地，還是要有點香口小食，所以都點了這裏的小食，反正價錢不貴。

鹽酥雞$32, 外面炸得乾身但裏面還有微微肉汁雞肉尚算嫩滑不會太鹹，喜歡他份量都是一小口，可以眾人分享。

炸花之丸Q蛋魚蛋$32, 魚蛋超級好味！非常爽口，有香魚，肉味新鮮沒有雪藏味；花枝丸裏面有魷魚粒粒，食落爽口有嚼勁。

蜜糖雞翼，好多蜜糖浸在底部，記得要點蜜糖食；味道香甜，雞翼皮焗得很香脆，裏面雞肉嫩滑，很有bbq風味。

台式香腸，紅色的香腸是蜜汁豬肉味，口感乾身，感覺很有以前優之良品蜜汁豬肉乾的味道，非常香口惹味。

黑色的香腸，覺得有糯米味的香甜，如果以中式臘腸當他是潤腸， 那就是經過調味後，令內藏的油香減少，甜度增加的香腸了。

三個人又吃又喝，很高興的過了假期前的一晚。

這裏可以輕鬆談天坐一晚，食物、飲品味道皆不俗，有機會還會再來。

我地喺紅橋附近食完晚餐🥣都食得相當飽下，散緊步期間意外發現呢間店。

唔知係咪新開定行過時間未開鋪，之前經過呢條路都無咩為意呢間甜品🍮小食店。

雖然飽，但見到有啲人流等位，諗住食物質素都應該有啲保證，同埋諗住等得嚟都落嗝，食得落嘅🤔😂😂 甜品啫，有第二個胃㗎嘛🤓😋果然不負所望，店內有啲特式甜品同傳統甜品，味道都算唔錯😏 朋友叫咗黃金鹹蛋麻薯窩夫，近期流行鹹蛋製品，佢話佢都要唔執輸，試下新野😚 我都好好奇，咸味同甜味加埋係咩味🧐 原來係好新鮮嘅組合😯 窩夫本來都唔太甜，外面焗得脆口，伴上淡淡咸香嘅蛋粒，其實唔似甜品，似小食多啲😂 好新穎🙂我就叫咗綜合豆花，正正常常，連相都唔記得影📷🤐

近期D斑戟好似有咁受歡迎，而家有咁多人排隊我就當然要去食下啦，呢度嘅班戟價錢於甜品而言偏高，但水準都OK 嘅，食落都食得出梳乎厘班戟嘅空氣感。

雞翼味道不過不失，但勝在係即叫即整，所以味道都OK呢度地方唔大，如果唔想等位就要早D 過黎啦

愛 . 添餐單提供台灣菜, 西式, 甜品, 糖水, 小食店等推介美食位於屯門區，餐廳座位數20人均消費約$50以下，結賬可以用AlipayHK,支付寶,現金，Booking訂位可以電話致電 34604203 查詢。

您對於屯門餐廳「愛 . 添」有何 comment？

愛 . 添餐廳詳細資料：

• 愛 . 添地址:
  屯門井財街15號金銘大廈地下3號舖
  Appétit, Shop3, G/ F, Kam Men Mansion,15 Tseng Choi Street, Tuen Mun
• 愛 . 添電話: 34604203
• 愛 . 添價錢: $50以下
• 分類: 台灣菜, 西式, 甜品, 糖水, 小食店
• 座位: 20
• 付款: AlipayHK,支付寶,現金
• FB專頁: 愛 . 添 Facebook

更多愛 . 添相關資料:

• 愛 . 添分店
• Youtube
• Facebook
• Twitter
• Google