周記避風塘 屯門

周記避風塘 評價 相片

食物好吃炒蜆是有傳單而送的座位非常好 方便想有私人空間的兩小口

星期六晚上，唔爆唔洗等位就入去食~叫左二人精選套餐﹕燒雞翼+雞骨腸，魚羹，豉椒炒蟶子，避風塘中蝦，咸魚茸時蔬，金蒜蛋白炒飯，仲有甜品。

($298, 另加$16茶錢)個魚羹一般，感覺較稀。

蟶子雖然唔係大大條o固種，大約係手指般長同粗，好鮮味，今日好彩遇o岩材料好~燒雞翼+雞骨腸都整到唔錯，感覺好日式~甜品係芝麻湯圓，o的薑水好辣，夠哂薑~而且粒湯圓甜度適中，所以食完都唔會好膩~之但係其他野就麻麻地~蝦炒到好乾，開邊炒，炒到冇哂肉汁~個飯本身都炒得幾靚，但係入面既芥蘭片好苦呀!!扣分~至於個菜...由於係油麥菜，我唔食，所以唔知點樣味~服務都唔錯，o的人都快手快腳。

環境都幾好，係o的檯好近，隔離個女人成日望住我地傾計~好回味個蟶子唷~~~我俾個笑佢，因為個蟶子咋~

放工同老公兩個人去了屯門市中心避風塘食, 因為有張$100coupon要用左去, 入到去佢比左個好特別既位我地, 係一間房仔, 係兩, 三個人先可以坐到, 都幾特別!ORDER了:周記魚湯(好好味)九菜 (一般)避風塘豬手 (正, 不過都幾辣)燒雞翼 (好味)醬爆蝦 (好味)埋單大約$200整體D野係好食, 但係份量比較細.

當晚在屯門店和家人一共3人共點了6樣菜，如下:1.辣酒煮翡翠螺 賣相唔吸引，8粒翡翠螺，頂部的翡翠螺乾身，並非辣酒煮翡翠螺，而是辣酒浸翡翠螺!!另外，翡翠螺不夠新鮮，不夠辣，食時有太多像唾液一樣的液體。

2.竹林大盜 當中有小露荀和魷魚，超重麻油味，魷魚是凍的，只得數條，而露荀不過不失，像自己在家裡煮的沒兩樣。

3.煎珍珠蠔餅 蠔餅像其一台灣明星的名字吳健豪(唔見蠔)，毫無特別，唯一可取的是配蠔餅的醬汁比較特別。

4.金沙中蝦 $60 x 6隻，平均$10一隻，蝦炒得不夠乾身，而且不新鮮!雪藏蝦...$10一隻!!!太昂貴。

5.烤骨煲 推廣$49，平平無奇!!!難得的是排骨烤過後仍是暖的，而且排骨的確太甜!!乾脆叫烤甜骨煲吧!!!6.避風塘炒蟹 招牌菜，這道亦是最後上的一道菜，食過前5樣，這應是我期待的一樣!!!但....$288...味道質素竟然可以這樣差!!避風塘一點兒都不辣!!!難得~蟹【kong】一大一小!!!不成比例，更難得!!!!!蟹，更令人慘不忍睹!!不新鮮，肉質太"梅"，蟹【kong】是空心的，更顯示蟹完全不新鮮，己擺放多時!!!唉!!!吃完後，我們寫了意見信給他們，如下:總括海鮮不夠新鮮，蟹肉好梅，沒有肉，賣$288一d都唔值!中蝦不夠乾身，金沙沒有蛋黃，賣相不討好，辣酒煮翡翠螺食落去只有唔辣0既辣酒味!!其他一概食唔到!魷魚係咪比竹林大盜偷左?少得可憐!!交比店員看過之後，她第一句回應是:【嘩!你d文筆都幾好喎!真係唔知講d咩好喇!】再講:【我都知你一張唔夠寫架啦!!】隔左一陣，有另外一位男店員黎講:【洗唔洗叫個廚房出黎比你鬧下?】.....................................................我當然答唔需要，但一間咁大集團0既餐廳，客人反映完意見竟然係收到呢三句feedback!!!?救命~~~埋單仲要成$630~真係黑店之最。

叫左三樣野:1. 避風塘炒蟹, 唔夠香, 唔入味, 又唔夠辣, 乾蔥料帶苦味.$288 一客, 超搵笨!2. 艇醬炒蜆, 汁太杰.3. 避風塘及弟炒河, 平平無奇, 淡茂茂, 點左辣醬都唔惦.咁就$470, 又唔飽, 我同老婆仲要另外食野補飛, 今次做左冤大頭, 絕對無下次!

周記避風塘餐單提供港式, 海鮮, 中菜館等推介美食位於屯門區，餐廳座位數未知人均消費約$101-200，結賬可以用Visa,Master,現金,AE。

您對於屯門餐廳「周記避風塘」有何 comment？

周記避風塘餐廳詳細資料：

• 周記避風塘地址:
  屯門屯隆街3號屯門市廣場第一期3樓3235號舖
  Bay Phoon Town, Shop3235,3/ F,3 Tuen Lung Street, Tuen Mun Town Plaza I, Tuen Mun, Tuen Mun
• 周記避風塘電話:  
• 周記避風塘價錢: $101-200
• 分類: 港式, 海鮮, 中菜館
• 座位: 未知
• 付款: Visa,Master,現金,AE
• FB專頁: 周記避風塘 Facebook

更多周記避風塘相關資料:

• 周記避風塘分店
• Youtube
• Facebook
• Twitter
• Google