南記海鮮飯店 屯門

南記海鮮飯店 評價 相片

買完海鮮之後，店家比咗張卡片介紹去南記，興記就上年食過一般，泰xx係YT睇過又麻麻，所以今次試吓南記，有人之前都話試過ok , 所以就揀咗南記。

餐廳環境都算OK，冷氣夠凍，唔會坐得迫迫夾夾。

燒鵝半隻燒鵝都算合格嘅，全部多肉走肥😋 如果皮再脆啲就仲正。

蒜蓉開邊蒸海中蝦有粉絲底，蒜蓉同啲䜴油味都好好仲帶有少甜味，配埋粉絲底一齊食正啊，撈埋白飯一齊食仲正😂呢碟做得最出色。

砵酒焗生蠔買嗰陣店家話推介北海道蠔，話一盒有10幾隻，但最後餐廳整出嚟得返7隻🙄懷疑被餐廳廚房偷食咗🤔 又貴又細隻，北海道蠔($180)都係麻麻，冇美國桶蠔($120)咁大隻同冇咁好食。

椒鹽瀬尿蝦呢碟最伏，斑馬瀨尿蝦買嘅時候好生猛嘅，但整出嚟變咗油泡咁，啲油浸到瀨尿蝦嘅殼嘅淋晒，啲肉又梅晒，蝦膏係有啊，有啲膏仲散晒，未試過咁差。

䜴汁蒸南非鮑魚鮑魚肥美大隻，但竟然未熟，要翻蒸，結果過熟，比較可惜。

䜴椒蟶子上枱嘅時候已經除咗殻，略嫌有少少🤏靭蒜蓉粉絲蒸大元貝呢個冇蒜蓉開邊蒸個汁咁出色，普普通通，元貝係好食嘅，但蒸得熟咗少少。

生炆班頭腩呢個整得麻麻，我自己就鍾意食蒸，原汁原味嘛。

買海鮮個店家送咗一啲海鮮比我哋做湯料有蜆，有魚，有瀨尿蝦(好大隻㗎)。

燒鵝，炒菜，啤酒丶汽水丶白飯連海鮮加工費大約$1600左右，本身叫咗4個白飯，但張單寫咗6個，大家記得check 單喔。

細細個住喺三聖邨，已經有條海鮮街，幾十年後，已經變成一個食海鮮的旅遊景點，雖然今晚是平日，海鮮街依然熱熱鬧鬧，周邊的餐廳人客也不少。

今晚我哋訂咗南記，好彩訂咗枱，如果唔係要坐戶外，但竟然戶外也坐咗十枱八枱，全場爆滿。

相對隔離那一間，南記真係比較多人幫襯。

去南記梗係叫隻燒鵝皇試吓，果然真係好味。

但是上完燒鵝後，都等了很久第一味餸椒鹽賴尿蝦才上枱，跟着解要稍等一會才上第二味餸。

芝士脆皮龍蝦始終都係x龍第一，最有驚喜反而係薑蔥𧐢👍🏼買海鮮用咗$2100，南記埋單$1477，包埋兩個白飯仲有碟菜加一花生茶芥，六個大人兩個小朋友。

每逢過時過節 大節日 想食海鮮既時候就會專登入嚟幫襯南記 食過咁多海鮮有咩新鮮得過喺外面街市買完即刻拎過嚟煮 鮮味十足 避風塘賴尿蝦夠惹味 🌟🌟🌟🌟龍蝦伊麵就更加係每次必點 🌟🌟🌟🌟不過由於人流比較多 最好要提早最少兩星期book餐廳位會比較好 同埋最好食第一輪晚市6點鐘 否則要等人哋第一輪先食完就要等好耐 總體而言食物質素保持得有水準 收費都合理性價比極高 會一直返黎幫襯 一家人都食得好開心😊😊👍🏻👍🏻👍🏻

到達三聖邨之後，我哋就喺其中一檔海鮮檔買海鮮。

南記嘢食都算有水準，價錢唔算好貴👍頭先介紹咗非海鮮類嘅：1. 啫啫排骨煲：幾香嘅，不過就唔算係好惹味，啲味比較單調。

2. 豉油王炒麵：炒得唔錯，香口有鑊氣！3. 梅菜扣肉煲：味道對版，扣肉炆得好林，梅菜有好多，夠餸飯。

4. 椒鹽豆腐：麻麻地，唔算香脆，唔夠嘢未。

海鮮類：1. 蒜蓉蒸扇貝：扇貝又大又鮮甜；蒜蓉同粉絲都整得唔錯，略嫌唔夠重口味。

😝2. 鹽焗膏蟹：覺得好香，有浸炭燒咁嘅香味；啲蟹都多膏嘅，不過個人覺得啲膏就唔算好香，不過都鮮甜嘅。

🥳3. 豉油王蝦：啲蝦走油後好香脆，豉油味都夠香同惹味；啲蝦唔算好大隻, 但係d肉都鮮甜彈牙嘅。

😳4. 炒龍躉球：龍躉球大大件，啖啖肉，食得好滿足；炒嘅火候都啱啱好，啲皮好q彈煙韌。

🤤總括嚟講，都係一個唔錯嘅體驗，嗰晚都好多人排隊🧡

生日飯諗住去三聖邨買海鲜同食燒鵝，上次去過興記，今次試吓南記，令人失望😔芝士龍蝦(2斤9)咸到苦🤮仲各住得耐咗😭唯一解釋落咗2次鹽😵 羌冲蚧（红蚧）一樣好咸，估唔試吓第二間就出事😫😫😫

南記海鮮飯店餐單提供粵菜, 廣東, 海鮮, 大牌檔, 咪嘥嘢食店等推介美食位於屯門區，餐廳座位數未知人均消費約$201-400，結賬可以用Visa,Master,現金，Booking訂位可以電話致電 24511698 查詢。

您對於屯門餐廳「南記海鮮飯店」有何 comment？

南記海鮮飯店餐廳詳細資料：

• 南記海鮮飯店地址:
  屯門三聖邨食亭地下1-4號舖
  Nam Kee Restaurant, Shop1-4, G/ F, Cooked Food Plaza, Sam Shing Estate, Tuen Mun
• 南記海鮮飯店電話: 24511698
• 南記海鮮飯店價錢: $201-400
• 分類: 粵菜, 廣東, 海鮮, 大牌檔, 咪嘥嘢食店
• 座位: 未知
• 付款: Visa,Master,現金
• FB專頁: 南記海鮮飯店 Facebook

更多南記海鮮飯店相關資料:

• 南記海鮮飯店分店
• Youtube
• Facebook
• Twitter
• Google