信成美食快餐 屯門

信成美食快餐 評價 相片

間中想食下D平野,咁岩朋友住呢頭,就同佢一起食。

佢話呢度出夠蒸魚,好足料,用特別既爐蒸出黎既魚,係屋企食唔到既味道,岩晒中意魚食既朋友。

另外想左個茄子,加左唔同既配料去煮,味道好唔錯呀,最緊要價錢實惠。

真係好耐冇食D平野,今次我感受到老闆娘既熱情,佢會同我地吹下水。

呢區好多都係連瑣店,食黎食去都係果D味真係好厭,所以朋友先推介我去食。

唔錯唔錯我見呢度既熟客多數食碟頭飯,不過碟頭飯都係留返男人吃吧!我中意食小菜多D。

又一無飯夜，路過見到新野「藥膳炖品」，以前只係食過呢間既早餐，一於試試。

蟲草土雞米粉＄40 凍飲＄3去到只餘下蟲草土雞，還是只有一份，志在試下就呢款。

湯底藥材味唔算濃，食完唔口渴，不知道是否最後一份的關係土雞份量少，口感就是平時的湯渣（＝＝炖湯嘛⋯⋯)生菜不少，米粉份量多但好散。

薑入口不辣，尚算不錯。

以麵餐來說不合格，如果真係想飲湯又唔想飲包裝湯者，可以只叫炖品加野飲，然後外賣回家自己煮個米粉應該不錯。

跟餐－凍檸茶味道偏甜，帶點茶香，薄片易出味，算不錯。

小店有外賣，老闆主動給外賣紙便隨帶附上。

下次可試一試平常飯，價錢相宜，畢竟是附近街坊跟學生哥生意。

愛一個人不需要任何理由，愛一間店卻有無數原因。

愛，是虛無、是感覺、是衝動、是恆久、是非公式化、是人所不能解釋的。

今日係信成嘅量後一日，老闆依舊，擺設依舊，連價錢都廿年如一日，只係油炸食品已停，外賣已停麥類麵線停。

今日專試同老豆過唻，為嘅就係一個原因，愛呢度，愛呢度嘅所有。

牛腩米（$12），我嘅最愛，味是依舊的，好淋，好香，好滑，好入味。

豬手米（$15），好滑，做到真正嘅骨肉分離，但又一啲都唔散。

熱奶茶（$7），香，滑，苦澀味剛好，奶同茶嘅味道唔會鬥搶，係互相配合。

全餐唯一美中不足係最後一天，湯底變得淡淡。

但我對店子嘅愛係唔會因為消失而變得淡淡的。

呢間食店真係好掂, 最緊要係d野真係有味道, 而且平, 又份量十足. 連做出前一丁都煮到地球上最好食咁滯.值得一提 :牛腩 超好味, 係d汁真係好多油, but 唔多油都沒好食啦.四寶 即係餐肉,火腿,腸仔旦, 冇咩新意, 志在食得飽你.出前一丁 煮到個質地剛剛好, 唔硬帶爽.改進 :個地下好滑, 注意一下吧. 雖然唔係咩大食店, 太污糟的話, 點都有d唔好啦.雞翼 成日都唔熟就上俾人.

以前中學個陣成日都黎食佢個3 寶麵3 寶係炸牛丸, 鯊魚丸 同豬肉丸加埋d 牛腩汁真係一流不過上左大學之後就無再食今日經過當然就食一食啦今次食左個豬手雞翼烏冬d 豬手大大舊,忟得好"林", 又好入味, 真係好好食雞翼煎得岩岩好,d 皮金黃色, 好脆不過可能無乜點調味, 無乜味烏冬用噹噹烏冬, 夠彈, 加埋佢個腩汁湯底真係一流大大碗先$21好抵3寶我剩係叫左炸牛丸講真就無以前咁好食, 可能因為d 丸來貨無以前咁好?無以前咁juicy 同d 肉都無咁彈不過$6 有3 粒都仲食得過既不過間野好細, 得7 個位到3 點去食都要等下位不過老板佢地好好人, 等個陣同佢傾下計都唔覺悶既值得再去!

信成美食快餐餐單提供港式, 快餐店等推介美食位於屯門區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 24659597 查詢。

您對於屯門餐廳「信成美食快餐」有何 comment？

信成美食快餐餐廳詳細資料：

• 信成美食快餐地址:
  屯門良德街9號盈豐園商場地下A48舖
  Shun Sing Fast Food, Shop A48, G/ F, Goodrichgarden Shopping Center,9 Leung Tak Street, Tuen Mun
• 信成美食快餐電話: 24659597
• 信成美食快餐價錢: $50以下
• 分類: 港式, 快餐店
• 座位: 未知
• 付款: AlipayHK,支付寶,現金
• FB專頁: 信成美食快餐 Facebook

更多信成美食快餐相關資料:

• 信成美食快餐分店
• Youtube
• Facebook
• Twitter
• Google