鉄火堂 尖沙咀
最後更新:
鉄火堂推介
平日係尖沙咀做完 gym，係漆咸道搭車番屋企，就會經過呢間舖頭，行入去望兩眼有咩啱。通常有各式各樣款的魚生，我自己就試過三文魚，拖羅，帶子，唔知會唔會形容得太誇張，但以著21:00後八折嘅價格，魚生質素依然保持得好新鮮，入口即溶，滑嫩無筯。我自己屋企附近有大排長龍的日本壽司店，但覺得呢度的魚生鮮甜好味好多，已經回頭幫襯過四五次。鋪頭姨姨都好親切，廚師師傅有次仲送我沙律，好開心。好有親切感嘅良心舖頭大力推介
尖沙咀鉄火堂
| 餐廳分店 | 鉄火堂 |
|---|---|
| 地區 | 尖沙咀 |
| 電話訂位 | 23111900 |
| 餐單 Menu | 日本菜, 海鮮 |
| 人氣指數 | 914 |
| 價錢幾錢 | $51-100 |
鉄火堂訂位位於尖沙咀區，詳細地址是尖沙咀漆咸道南61-65號首都廣場地下5號舖，餐廳寬敞座位數目共有未知幾多個。鉄火堂幾錢？價錢優惠後人均消費大約$51-100埋單，早餐午餐晚餐鉄火堂餐單包括有日本菜, 海鮮等美食，付款方式有現金付款，Booking網上訂位可以電話致電 23111900 查詢訂座。
鉄火堂優惠
鉄火堂 評價 相片
平日係尖沙咀做完 gym，係漆咸道搭車番屋企，就會經過呢間舖頭，行入去望兩眼有咩啱。
通常有各式各樣款的魚生，我自己就試過三文魚，拖羅，帶子，唔知會唔會形容得太誇張，但以著21:00後八折嘅價格，魚生質素依然保持得好新鮮，入口即溶，滑嫩無筯。
我自己屋企附近有大排長龍的日本壽司店，但覺得呢度的魚生鮮甜好味好多，已經回頭幫襯過四五次。
鋪頭姨姨都好親切，廚師師傅有次仲送我沙律，好開心。
好有親切感嘅良心舖頭大力推介
鐵火堂我成日幫襯～🤤相信大家都對佢哋啲爆餡大拖羅丼唔陌生，一碗百零二百蚊有交易，仲有一定自由揀自己想食嘅配料，真係抵食又好味！▲尖沙咀首都廣場嘅新分店，可以睇到劏魚Show。
▲新店主要以立食及外賣為主。
旺角店同尖咀店我都去開，唯獨未去過尖咀首都廣場嘅新分店！前幾日終於去咗.....原來呢度隔日下午4點半，都會舉行劏魚秀！我去時剛好遇上！可以睇到師傅，即席分割足足重達78公斤嘅藍鰭吞拿魚，唔講以為自己去咗日本漁市場！▲每逢一、三、五下午，店家都有劏魚秀。
▲師傅劏魚手法純熟，好快就將魚分割好。
▲原條藍鰭吞拿魚稀珍嘅部位「頸拖羅」。
劏魚期間，師傅又用鋸，又用刀，過程相當吃力呢！😯 切好嘅魚肉部位，兩三個師傅用人鏈方式傳去廚房，好似搬磚咁！😂身為女生嘅我應該做唔嚟，睇見都覺得累呀！▲睇Show期間，店員會向現場觀眾免費派發新鮮嘅赤身！▲新鮮嘅赤身，肉質柔軟，令人難忘。
另外，店員仲會即時向觀眾免費派發新鮮嘅赤身！據店員所講，店家用嘅藍鰭吞拿魚均來自鹿兒島櫻島，朝早上機，下午到店，新鮮度爆標！無經過長時間嘅冷藏，連赤身都份外軟柔鮮甜呢！（出面壽司店成日都食到橡膠質地嘅赤身....😔）又睇又食，成件事幾爽YY！▲一條魚只有少量腦天或頸拖羅，可以喺鐵火堂買到。
睇完Show，大家仲可以買走刺身，其中，藍鰭吞拿魚較珍貴嘅部分，好似天腦、頸拖羅等，幾乎每次師傅切好，就會比人秒掃！無計啦，呢啲部分除咗Omakase，一般料理店都好難買到/食到！仲要價錢相對抵咁多，識食之人點會放過！可惜首都廣場店只係設立食/外賣服務，無得坐低慢慢歎，不過就比其他分店多咗頸拖羅可試！今次我就點咗四式吞拿魚刺身＆壽司，再加大拖羅三文魚籽飯，肥就肥硬架啦，鬼叫自己為食咩！😭✦ 自選魚生丼（大拖羅＋碎蔥吞拿魚＋三文魚籽）我怕食唔落，所以簡單揀咗3款配料～我勁鍾意佢哋嘅大拖羅，肥美甘香，入口即化，簡單加點豉油，成件事好幸福！😍 同埋佢哋嘅吞拿魚係即劏即送上，所以完全無雪味，完美還原日本嘅美味！✦ 自選魚生丼（大拖羅＋中拖羅＋赤身＋三文魚籽）朋友係吞拿魚怪，佢就3種拖羅都圈晒，佢總結同我一樣，最愛大拖羅。
不過佢對赤身都好高評價，因為出面食到嘅赤身，好多時都好淡，食上口好似食膠咁！呢度嘅赤身夠新鮮，所以質感好軟滑，味道一定不及中拖羅，大拖羅架啦，但有驚喜！✦ 拖羅壽司盛合呢個盛合幾抵食，有1件大拖羅壽司、1件中拖羅壽司、2件赤身壽司。
嫌丼飯未夠喉，基本上加埋呢4年壽司，就會飽到DiDi。
✦ 100g刺身盛合：頸拖羅 HK$160、大拖羅 HK$130、中拖羅 HK$100、赤身 HK$60呢個我同Timbee一人一半，圖4為半份份量～點呢款係因為太想食頸拖羅！比大拖羅更肥美呢！一咬入口，堅係入口即熔，好奇妙嘅質感！濃郁又滑嫩！好正！😍🤤❤️不過呢款刺身食不過三，因為第一下好正，第二口已經膩膩地，第三口會feel到成咀油，有啲頂唔順～真係幾肥下，點完豉油，碟子已浮咗一層油，還是少食多滋味好了！點呢款建議多搵幾個朋友share。
P. S.我幾鍾意鐵火堂嘅飯丼，豐儉由人，好似車仔麵咁，圈自己鍾意嘅餸，然後加相應嘅價錢～！我反而唔鍾意出面啲丼，set好晒啲配料組合，自己揀就可避免浪費！另外，店家主打外賣及立食，此Post啲食物有碗盤盛載，因為我想影相，有額外向店家要求！實際現場嚟食，客人嘅食物係用外賣包裝～【詳情】藍鰭吞拿魚 劏魚表演時間：逢一、三、五 下午4點半
今次我黎左尖沙嘴嘅鐵火堂外賣部 度參觀佢地即劏藍鰭吞拿魚環節呀！好興奮好興奮！因為我係第一次近距離見到原條藍鰭吞拿魚呀😍😍😍😍師傅佢現場用剧黎劏魚，好威猛！街客可以每日下晝4:30係窗口度睇佢現場即劏，劏完即刻可以新鮮即買呀！近距離睇到佢嘅魚肉越近骨位就越紅，即係平時我地食開嘅赤身；越近肚腩皮嘅就越白，即係食開嘅大拖羅😍佢另外仲有限量極稀有嘅頸拖羅添呀！好正呀😍拿，佢嘅魚係朝早8點由日本撈起即刻送上飛機空運到港架，12點就黎到香港啦！然後4點就安排劏魚，所以係勁新鮮架！！！我有幸可以參與呢個近距離觀摩嘅環節感到好榮幸呀！首先介紹呢個係鐵火堂嘅即劏吞拿魚刺身盛合！頸拖羅 HK$160大拖羅 HK$130中拖羅 HK$100赤身HK$60左起係赤身、中拖羅、大拖羅、最前係頸拖羅！頸拖羅平時你係食唔到的，因為一條魚只得好少份量係頸拖羅，佢嘅油份最強簡直充斥滿嘴都係魚油，好誇張，但頸拖羅有少少筋，無大拖羅魚腩咁軟滑，同埋食一舊已經有少少滯，油份太勁，建議同人share一份😁呢度嘅即劏新鮮赤身真係無得輸！無經過雪藏，即劏即食，保留左魚肉嘅鮮味，而且肉感好軟滑😍一試難忘，未食過咁好食嘅赤身，我係日本漁市場食都無咁好食，又平過食拖羅，真心推薦❤️一般黎講我都唔建議人食赤身，因為平時食開都係橡膠咁，又無味，一陣雪藏味。
4色拖羅壽司盛 HK$506️⃣頸拖羅7️⃣大拖羅8️⃣大拖羅+中拖羅+赤身+三文魚子丼飯 $2059️⃣大拖羅+ 蔥花吞拿魚蓉+三文魚子丼飯 HK$165🔟 好邪惡呀～～大滿足
行過尖沙咀加連附近見到有人圍觀影相，好奇一望，原來係位剌身師傅劏緊條巨吞拿📸📸嘻嘻，咁正，咁就入去等佢劏好就買啲試吓先🥢原來間舖入面冇坐位只有一張不大供客立食嘅長形枱面。
都無所謂啦現場劏就買少少食啦😆職員話剛剛割就可以買到啲市面少有啲同矜貴啲嘅部位試，問咗價錢👇🏻👇🏻腦天: $150 (100g)面頰: $150 (100g) 頸拖羅: $160 (100g)大拖羅: $130 (100g)中拖羅: $100 (100g)赤身: $60 (100g）價錢都唔算貴，所以決定一試！我得自己一個所以每款要了兩片😉😉。
長長一碟睇到都好吸引我，因為我超級鍾意食油脂滿滿嘅部位🥰😍每一啖充滿油脂甘香好幸福，肉質軟潤，魚油香味一流，回味無窮∞✌🏻
見間舖頭新開，又排緊長龍，諗住應該都唔錯，再望埋個Menu，覺得CP值應該幾高，所以就算等一陣都照排隊諗住試吓。
點左四餸另加一份大拖羅。
四餸壽司飯賣相一般，壽司比較薄切同細份，但係咁嘅價錢，始終都預咗，所以期望唔太大。
但係分帶拖羅，色澤好差，而且甩皮甩骨咁，食落又一般般，真心好失望。
有圖有真相，咁嘅價錢真係唔算抵，應該唔會再幫襯。
至於店員服務方面，尚算可以，只不過店員唔識分藍鯨吞拿魚同拖羅，指着藍鯨吞拿魚話係拖羅，我有啲驚訝。
鉄火堂餐單提供日本菜, 海鮮等推介美食位於尖沙咀區，餐廳座位數未知人均消費約$51-100，結賬可以用現金，Booking訂位可以電話致電 23111900 查詢。
您對於尖沙咀餐廳「鉄火堂」有何 comment？
鉄火堂餐廳詳細資料：
- 鉄火堂地址: 尖沙咀漆咸道南61-65號首都廣場地下5號舖 TEKKA, Shop5, G/ F, The Capital,61-65 Chatham Road South, Tsim Sha Tsui
- 鉄火堂電話: 23111900
- 鉄火堂價錢: $51-100
- 分類: 日本菜, 海鮮
- 座位: 未知
- 付款: 現金
- FB專頁: 鉄火堂 Facebook
更多鉄火堂相關資料:
香港餐廳2026推介9月