金彩海鮮酒家 尖沙咀

金彩海鮮酒家 評價 相片

難得放假，約左班朋友飲茶，聽朋友講過此處好平，有八五折，所以大家都在此開餐。

因為抵食，都好多人幫趁，但又冇話排長龍。

一行五人，叫左約十種點心及粉麵。

煎蘿蔔糕，雖然冇料，但都煎得頗脆；山竹牛肉，幾彈牙，ok；乾炒牛河，用上幼河粉去炒，不油炒得唔錯；蝦餃，一般，皮較厚；叉燒腸粉，都幾滑，唔差；及第粥，雖然冇試，都都見頗多料。

服務方面，真係差左少少，我入座後，居然冇人幫我開茶，要叫伙記先過嚟，冇估到酒店中的酒樓都有如此服務態度，無他嘅.....因為酒店員工唔見得好！

六月七日, 去咗舊同學既婚宴,今晚既菜, 先嚟「大紅乳豬全體」, 正常酒店貨式, 唔錯!「百花炸釀蟹拑」, 都算幾好食, 幾大件。

「翡翠如意帶子花枝」, 份量都幾大喎! 同埋有人幫我哋分理, 唔駛舀到尷尷尬尬。

「瑤柱扒時蔬」, 味道 OK 啦, 係啲大白菜大件咗少少, 食時有啲麻煩。

「肘子竹笙大排翅」, 都幾多翅, 鍾意佢有竹笙, 我勁鍾意食, 但啲火腿鹹咗少少, 其實真係唔係咁想食翅, 不過暫時未做到放喺我面前既翅唔食, 要啲時間習慣...「福祿鵝掌扣鮑脯」, 好普通一個餸。

「清蒸東星斑」, 食到呢味開始飽啦! 只係食咗少少魚, 普通啦!「金獎茶皇雞」, 嘩! 開始食唔落, 分咗四件雞畀我, 我只係食咗兩件咋... 但其實都唔錯既, 啲片幾香幾脆, 隻雞亦唔算肥。

「上湯煎粉果」, 成晚最正最特別係呢個餸, 真係未食過, 估唔到咁都叫做粉果!食既時候係要放落湯度浸一浸先食, 真係幾得,我哋成檯人 (得九個人, 有三個舊同事冇嚟), 咁飽都食得晒成碟就知有幾好食啦!「黃金蝦腰炒絲曲」, 呢個真係食唔落, 睇個樣應該都係普通料。

左 :「美點雙輝」, 呢個完全冇興趣食; 右 :「源運團圓露」, 有湯圓既紅豆沙, 都幾好食, 但咁樣食好飽呀!!「精美鮮果盤」, 果然如其名, 夠晒精美, 生果呢家嘢, 幾飽都應該食兩件既! 佢仲要擺得咁靚仔, 算過得去, 不過太飽, 已經食到冇乜味覺......總括嚟講, 呢間酒店既食物算幾普通, 不過算啦! 飲宴都係食呢啲嘢架啦!不過呢間嘢既職員服務有改善空間, 我講到明話要同啲餸菜映相, 侍應竟然話 :「畀我舀埋先啦!」吓?! 舀完我仲有咩映呀??? 所以見我有啲映係對唔到焦就映咗...更詳細資料及圖片請看 : http://hk.myblog.yahoo.com/joycewai616/article?new=1&mid=8774

lee間酒樓以後都唔會黎,,,好彩早發現,,,,星期6晚上同家人慶祝生日,,食飯中途,,,有位好唔小心既waiter背住張bb chair,,,唔小心正到我家人既頭部(背面),,我們即刻話個位waiter,,,佢only say左一句sorry,,,但係張 bb chair 都冇即刻放番落黎,,,仲要背住,,,所以令到我的家人好唔開心,,,,之後差不多結帳時,,,我的家人再次提起這件事,,,突然有位(陌生男人)坐在隔離table同我的家人搏嘴, 我的家人say頭先個waiter太過份都唔知點做waiter,,,之後個陌生人say人地都say左sorry啦,都係打份工姐,使唔使嘈到依家啊 ),,我就睇一睇,,,我只見到佢背面,,4眼,,肥肥地既1位男仕,,我家人之後好禮貌咁咪佢,如果件事發生係你隔離個位朋友身上你會唔會又咁平心靜氣呢??,,之後問佢個位waiter係咪佢朋友佢又唔出聲, ,我覺得lee位男仕好過份,,我地係客人係酒樓食飯, 講d咩野都係我地既事, 佢唔應該(搏嘴), 好冇禮貌, ,可況問佢係咪識得lee個waiter,,佢即刻唔出聲,,我們覺得他和lee個waiter一定認識的,, 因個晚他們個張table,還有12個酒樓經理坐在他們的table一齊食飯,,唉,,,lee間hotel中的酒樓,,可算是(極品)bad,,請各位客人去這間酒樓食飯時一定要小心一些 (男waiter),,原本考慮這間酒樓做結婚擺酒之用,,可是見到這些waiter,,我真的怕了,,還是考慮另一間,,算了

星期五晚，叔父在富豪九龍的金彩安排了家庭聚餐，一行十四人。

自己一直對富豪xx酒店的食肆沒有好感，晚飯前便以餅食「打底」。

（因為，我深信梳打餅比金彩的食物還要好吃。

）當晚被編排坐在大門口的位置，是一張臨時的大枱。

真是估不到，一間大酒店內的食肆，會安排客人坐在這樣的位置。

叔父點了套餐，先來乳豬拼盤，內有乳豬、叉燒、芬蹄及海哲。

我只吃了一點點海哲。

乳豬是冷冰冰，只見到一層結膠的肥膏，不吃也罷。

肉絲魚翅羹，當然不期望會有太多魚翅。

不過湯底過鹹，味精湯，連配料的份量都十分少。

清蒸石斑是一條未蒸熟的石斑。

炸子雞，現在大部份食肆只能提供冰鮮雞，味道又怎能跟鮮雞相比？西蘭花伴花枝及雞肉，花枝及雞肉沾上一層厚厚的栗粉，難吃得很，我只吃了白灼的西蘭花。

龍蝦伊麵與生菜鮑魚菇是兩盤濃濃的獻汁，像一盤漿糊一樣，我沒有吃過。

蒸小龍包的粉皮，都未能熟透。

沒有吃荷葉飯，因為不喜歡有蝦米在內的食物。

全晚最好吃，是蒸壽包，壽包內是白蓮蓉跟一點點蛋黃。

熱辣辣的壽包，一定不會難吃。

服務的侍應態度不太好，應該是工作太繁忙吧。

當晚酒樓是全場滿座呢！套餐加一，每人收費不多於$150，當然十分便宜。

但，我寧可用$150吃其他東西了。

簡單 : 食物質, 量 : Good / OK :Staff service, 禮貌 : OK ;Price : very OK ;But, 內部溝通 & 杯碟衛生, 仍要改善Overall : 值得再幫襯 (location 是否吊腳, 因人而異)詳細 :上星期約好晒屋企人尋晚(五月六日)預早慶祝母親節, 本來book 咗屋企附近既”飯堂”。

前晚睇 Apple見到”金彩”廣告, $7XX 半席 (有龍蝦, 魚翅), 抵wor.係要特登出尖沙咀, 咪當行吓 law, 唔使又去”飯堂”咁悶.尋日下午上嚟睇吓d comment 先, 當堂嚇到眼突 (+ 大家姐對呢間野冇乜信心, 既然出去尖沙咀, 佢本 suggest 客家好X)=>> 好驚呀.Anyway, 既book之, 則 go之.第一個感覺係裝修都算 grand . 招呼我地既經理都nice。

開完茶, 我 confirm with waiter 係咪有 $7XX 個餐, = > yes(其實 book 位時己 confirm 咗一次, 因佢有d日子唔做此 offer, 請睇真d)。

人齊,place order, 個經理亦略作解釋Thai 甜品係什麼 & 6 cans drinks 可任揀。

But, 第一味上既菜竟是蝦球伊麵 , 再睇返檯面張套餐推介同係$7XX，但d菜同報紙唔同喎 !!. Of course, 叫 waiter 埋嚟 “強烈”提問. 佢地聽到亦唔起筷住經過內部溝通(都算快, 約二分鐘), 個經理收返起兩碟蝦球伊麵& 話會跟返廣告菜式再出過, then 入厨房。

Waiter 就同我地解釋computer record 有兩個 same price 餐單, 龍蝦果個係新出既所以佢地都篤錯 order................個 waiter 知我地揀咗 Thai 甜品, 所以就送埋半打壽包比我地。

言歸正傳SERVICES 添茶, 添汽水, 換碟做到足 Staff with禮貌飯後叫佢加 hot water, 直情開過壺茶比我地主動幫我地將食剩既 food(係隔鄰張吉檯) 分兩盒 pack好每人兩 pair 筷子, 好過公筷放碟面(note, 我用屋企附近既”飯堂” for 比較)FOOD 龍蝦 – 件數足亦夠肉石斑 半席都咁大條, more than our expectation炸子雞 – 火喉啱啱好 (脆皮, 肉滑而冇血水) 鷄絲翅 – 雖不太多翅, 但末至只得槳(this price, 算 ok la)其它菜式，荷葉飯, 小籠包, (水準唔算差, average la)中菜晚飯配 Thai甜品併盤 – 特色過糖水Fruit plate – 原味西瓜片冇噴糖水, 好 !$7XX包6 cans drink (beer or soft), 茶, 芥預咗比兩碟小食 $$, 原來都係唔 bill 既.所以 tips 比多 d仲同個 waiter 吹咗陣水老豆話呢個 price 屋邨都唔得講講下個 waiter 比埋d點心紙我地睇 : $10 / 籠蝦餃

金彩海鮮酒家餐單提供粵菜, 廣東, 點心, 酒樓, 酒店餐廳等推介美食位於尖沙咀區，餐廳座位數未知人均消費約$201-400，結賬可以用Visa,Master,現金,AE。

您對於尖沙咀餐廳「金彩海鮮酒家」有何 comment？

金彩海鮮酒家餐廳詳細資料：

• 金彩海鮮酒家地址:
  尖沙咀麼地道71號富豪九龍酒店2樓
  金彩海鮮酒家, 2/ F, Regal Kowloon Hotel,71 Mody Road, Tsim Sha Tsui
• 金彩海鮮酒家電話:  
• 金彩海鮮酒家價錢: $201-400
• 分類: 粵菜, 廣東, 點心, 酒樓, 酒店餐廳
• 座位: 未知
• 付款: Visa,Master,現金,AE
• FB專頁: 金彩海鮮酒家 Facebook

更多金彩海鮮酒家相關資料:

• 金彩海鮮酒家分店
• Youtube
• Facebook
• Twitter
• Google