金太郎 尖沙咀

金太郎 評價 相片

埋單找數時見單上有食物無黎過, 同個店經理講, 點知就係呢個自稱做左10幾年服務業的店經理質問... 呢張單係一個小時前入單的, 你會唔會食左唔記得?點解食物無黎到你唔追單呀?為左一碟$10的食物, 叫我們不會再光顧呢間服務差勁的餐廳囉. 做飲食業, 除左食物的質量, 口啤係好重要架. 成條厚福街, 得你一間唔駛等位的餐廳, 咁都時間要有反醒啦.

尖咀無咩地方有宵夜食. 唔係太肚餓就黎試下可能平日無咩人. 好快有位.食左拉麵, 同帶子燒, 魷魚圈,三文魚壽司, 甜蝦刺身, 八瓜魚刺身, 吞拿魚壽司拉麵其實有D 似出前一丁BUT 淋左D, 但個湯低都濃.帶子燒都幾好食魷魚圈個皮太硬.....其他刺身同壽司都幾新鮮... 估唔到平得黎都幾OK 喎.

每次黎親尖咀都係黎呢道食lunch,貪呢道近我既目的地,而且價錢又夠抵,食物質素相對價錢又唔錯每一次黎到都嗌墨魚丸拉麵,佢既墨魚丸唔係街邊果d咁,是但dom粒雪藏墨丸就咁shap熟佢,係炸過既,炸到面頭金黃色,但一D都唔燶架喎,有3粒,每粒切一半,個湯夠濃加3蚊仲有壽司,D壽司唔係差架喎,D飯又唔散,賣相又幾好,抵架啵平價食店中,呢間唔錯,當然咁平就真係唔好嗌生野有保障D

今日上完makeup class 都10點幾.....個宵夜胃又係時候蒲頭行左一圈厚福街都唔知食好, 肚餓又想食甜品就算. 最後俾金太郎個價錢吸引左......" $1.8 一隻甜蝦" $38 有8 塊勁大三文魚"唔知係咪太夜d 野賣晒, 樣樣野都即刻整. 雖然d 壽司好多都$12 一碟, 但d飯唔會好似d 平平壽司舖咁暖身. 連$10三件嘅三文魚, d 三文魚重係新鮮ga. 最最最鍾意係個海膽壽司($12 for 2) ...好甜ar....第二鍾意係個"赤蝦海膽壽司", 隻蝦勁大隻, 重要係橙黃色ga.....因為d 蝦表面揸左d海膽, 入口香甜而爽口.一個字 "正" 不過因為太好食唔記得影相...下次一定會再去....yeah

去完WOW!之後就同男朋友去左科學館玩~~~(今日星期三, 除左特別場館外, 免費入場)玩完都成7點, 要去食飯喇~行行下去左厚福街, 見其他野都唔係咁0岩心水, 於是決定去金太郎。

入到去就有位, 都ok多人, 我地一坐低就開始點野食:三文魚壽司: 普普通通咁啦, 0的飯冇乜醋味, 有一碟0既三文魚上有粒疑似紫菜碎的黑色粒粒!!!吞拿魚壽司: 咁淺色0既?????應該放左好耐, 唔新鮮火炙三文: 炙得太熟, 同埋凍左我平時食火炙可以食23Round, 今次1Round就停!火炙帶子: 普通貨色, 冇驚喜三文魚子: 唔知點解, 個texture怪怪的, 好稀, 唔似我食開的三文魚子好在冇怪味螺肉同芝麻八爪魚: 穩陣野燒羊肉串: 熱辣辣~一入口, 唔似羊肉, 但食食下, 有我熟悉的羊羶味, 好在...燒牛柳粒: 普普通通京味蝦卷: 熱辣辣的~可惜太硬...叉燒拉麵: 湯底味道薄, 叉燒太硬, 好在有彈牙麵條搭救~下午上完天堂, 呢餐將我打返落凡間 (好在未到地獄)服務: 收碟都ok慢, 搞到我同男朋友要lum高0的碟黎食囉埋單$252, 不過不失的一餐

金太郎餐單提供日本菜, 迴轉壽司店等推介美食位於尖沙咀區，餐廳座位數60人均消費約$51-100，結賬可以用Visa,Master,現金。

您對於尖沙咀餐廳「金太郎」有何 comment？

金太郎餐廳詳細資料：

• 金太郎地址:
  尖沙咀厚福街
  Ichiban, Hou Fook Street, Tsim Sha Tsui
• 金太郎電話:  
• 金太郎價錢: $51-100
• 分類: 日本菜, 迴轉壽司店
• 座位: 60
• 付款: Visa,Master,現金
• FB專頁: 金太郎 Facebook

更多金太郎相關資料:

• 金太郎分店
• Youtube
• Facebook
• Twitter
• Google