花香 尖沙咀

花香 評價 相片

食店：花香floom floom張梁點餐👦🏻🧒🏻1）$138 《慢煮和牛伴牛肝菌葱飯》評分（10分滿分）：7️⃣食評💬：賣相好靚，一座飯山上面有隻糖心蛋，再上面有朵花🤣和牛好有牛味，一啲都唔韌，啲牛肝菌菇亦煮得好香好入味，令啊張好有食慾～2）$128 《花香特色大蝦卡邦尼意粉》評分（10分滿分）：8️⃣食評💬：Carbonara好香好creamy🤤意粉煮得好彈牙，大蝦有四隻好足料，仲有隻蛋黃比你撈均嚟食，即刻提升咗個層次！3）$68 《紫薯蛋餅配鮮奶麻糬》評分（10分滿分）：7️⃣食評💬：上枱後要快啲食，蛋餅要熱食先好味！紫薯蓉好多，啖啖都食到～4）$52《凍髒髒朱古力少冰》評分（10分滿分）：8️⃣食評💬：啊張認為少冰後杯朱古力會更濃所以嗌咗少冰🤣然後飲之前將啲髒髒嘅朱古力粉篤返落杯飲品到攪均再飲，又真係幾濃～5）$55 《桂花烏龍奶蓋茶配懸浮棉花糖》評分（10分滿分）：7️⃣食評💬： 呢杯真係少女心爆發🤣上面嗰隻熊仔就係棉花糖好得意～花香floom floom (尖沙咀)📍尖沙咀K11購物藝術館B2樓201號舖P.s 唔好去錯K11 Musea🤣

今日收工食咩好？今期帶大家去一間好hit既甜品店😍，有得打卡，又有靚靚既野食😋😋，成間pink pink既 好少女風呀😍。

我地叫左膠原滿滿熔岩飯🍚，係用咗西班牙黑毛豬滷肉同桃膠煮成既，相信好多人都知桃膠係可以養顏，而黑毛豬既肉好腍，而且滷得好入味，不過略嫌有小小過咸，個飯成個富士山咁，仲配上流心蛋，好靚呀🤩。

另外我哋叫咗彩虹沙律🥗，有車厘茄南瓜粟米牛油果大蝦紫椰菜，好似一道彩虹咁嘅顏色，而中間有半隻牛油果加左生嘅蛋黃配豉油，仲有啲帶子，非常鮮甜好味🍴👍🏻色彩繽紛打卡無得輸🤣。

我地仲叫左炸排骨拉絲蛋餅👍🏻，排骨好大塊，芝士有拉絲效果好邪惡，蛋餅煎得好香口，令我好掛住台灣😭😭，好好食呀，排骨香口又脆😍。

飲品方面我哋叫咗髒髒朱古力🍫，滿到瀉晒出嚟，好壯觀好靚，杯朱古力好濃厚，一啲都唔甜，而且面頭仲刨咗好多朱古力絲，好邪惡好正啊，今期至hit打卡😍。

另外我哋叫咗竹炭雲石咖啡☕️，係水泥咖啡黎既，黑白色雲石混合，杯野好特別漸變得好靚，杯野一啲都唔甜👍🏻👍🏻😋地址：花香 (尖沙咀)尖沙咀河內道18號K11購物藝術館B2樓201號舖

有時一句說話，一個小習慣已經勝過千言萬語，對女仕黎講，係心情最差既時侯，唔係要聽身邊既男人講D廢話認同或者Hea自己。

而係想個男人比到一種關懷同保暖既能力，係失落既時侯，比個膊頭挨一揆，呢種就係安全感。

Dear Jane就話比你聽，就算出面風吹雨打，都要企係前面頂住，唔會比你受傷，咁多位絲打，你又遇到呢位銀河修理員未？又或者帶你地男朋友黎呢間「花香 Floom Floom」，成間店鋪以型格粉紅調，最岩就係打卡咖啦，就算單身狗既你都可以約埋一班閨密黎影下相，一樣咁有feel！👇📌P a s t a  ▪ Floom Floom Spaghetti Carbonara · Prawns $128▫ 第一道要試既就係佢地皇牌之一「花香特色大蝦 · 卡邦尼意粉」，淨係賣相都夠哂睇頭。

食落醬汁夠creamy，每條意粉都掛滿哂汁，咬落仲好爽彈，唔錯；而大蝦亦都夠搶鏡，每隻都新鮮爽甜；調味亦都適中，唔會過鹹，絕對值得一試！📌M a i n ▪ Slowcooked Wagyu Beef · Porcini Rice $138▫ 另一主打「慢煮和牛 · 牛肝菌蔥飯」，驚喜位十足，首先擺盤好似成座富士山咁，即刻相機食先，唔好講咁多！而裡面用左大量牛肝菌去煮成，淨係聞落個醬汁已經好出位，非常濃郁。

而和牛粒煮得夠軟腍入味，米飯混合左薏米，食落好有口感，我幾鍾意。

📌S w e e t s ▪ Sweet Purple Yam Egg Crêpe · Fresh Milk Mochi · Brown Sugar Syrup $68▫ 台灣菜又點少得我最愛既蛋餅呀，呢款「紫薯蛋餅 · 鮮奶麻糬 · 黑糖漿」，就滿足哂我咁多個願望。

又紫薯、又鮮奶、又麻糬、又黑糖，四個願望齊哂，仲勁過出奇蛋呀。

紫薯做餡料，味道濃郁；鮮奶麻糬口感夠煙韌，唔錯；黑糖配上蛋餅，成個層次更加豐富！📌S p e c I a l · F l a v o r  ▪ Activated Charcoal Latte $52 ©▫ 深深比呢杯「竹炭雲石拿鐵」既外形吸引到，用左活性炭粉加埋鮮奶製成，所以有個別名叫做「水泥咖啡」。

睇落有一種黑白雲石漸層既效果，飲落甜甜地，質感幼滑，口感非常特別，真係靚到唔捨得飲！📌N o n · C o f f e e ▪ Dirty Chocolate $52 ©▫ 另一招牌打卡特飲，我會推介呢杯「髒髒朱古力」。

入口充滿住濃郁既可可粉，質感厚滑，飲落唔會太甜膩，朱古力味仲好突出，絕對飲得過！

小妹聽聞最近K11入面新開了一間靚靚餐廳 今日經過開#尖沙咀 所以就去了trytry😄😀地方裝潢設計都好靚 適🈴️情侶或🐢🍯一齊去打卡影相喔😉☺️我地點了四個TeaSet 個麵唔記得左叫咩名🙈係台灣拌麵來的 🈶️滷肉 蛋🥚和三隻大蝦🦐賣相好靚🤩😍同埋份量都好多的喔不過味道就很普通 唔係特別好食 麵質過淋😅😅紫薯蛋餅配鮮奶麻薯 哩個係甜點 係配黑糖漿的 哩個配搭都幾打耳😊☺️紫薯同鮮奶麻薯加埋個黑糖漿都唔會太甜 食落覺得好似分開食緊三樣野咁🙄都唔係話好食哩款係咸點 賣相真係好靚👀✨肉肉都好大塊 肉質都唔錯又幾滑啵🙂🙂😞😕整體味道可以再豐富返少少🤏🏽蛋餅嚟講我會喜歡甜的多點🙄明太子鹽酥雞 UMMM...我覺得係唔好食的🙈🙉肉質其實係可以的 不過炸🉐️唔夠鬆化質感係比較淋 而且#明太子醬 係無味的🤦🏽‍♀️😑飲品點了DirtyChocolate 同埋DirtyMatchaLatte 兩杯賣相都好靚🤩😍後者個杯因為製作需時 所以要等15分鐘 我都好期待的喔👀✨不過味道方面真係好普通😞😞奶味較多🥛抹茶味道可以再濃點

之前bookmark左floom floom，一直都未搵到朋友同我去……知道佢地最近係K11開分店，中文舖名叫“花香”，呢日決定唔再等，拉左美女朋友同我去食飯打卡店内既裝修格調都明顯係走少女風，仲有唔少打卡位添我地有好幾款食物都好想試呀，不過始終得兩個人唔食得多，所以意粉同飯各揀一款，之後要左個麻糬蛋餅做甜品一齊share食我地揀左呢度其中一款signature“花香特色大蝦卡邦尼意粉”HKd$128+10%意粉熟度剛好，醬汁creamy，大蝦亦新鮮爽彈，質素的確唔錯而另一款主食就要左份“慢煮和牛伴牛肝菌葱葱飯”HKd$138+10%呢個飯都幾驚喜，用牛肝菌煮成既汁醬香濃，牛粒也夠嫩腍！而米飯則混合小米同薏米，口感豐富，同時提升左味道既層次感之後要左呢款“紫薯蛋餅配鮮奶麻糬(黑糖漿)”HKd$68+10%做餐後甜品呢度既飲品都有幾多選擇，主要為分為coffee同non coffee 朋友要左杯凍既“髒髒朱古力”HKd$52+10%，佢話味道超濃郁，好彩係用dark choco，所以濃得黎唔會太甜😎😎而我嗌既“桂花烏龍奶蓋茶配懸浮棉花糖 ”HKd$55+10%賣相精緻，仲飲到淡淡既桂花香添

花香餐單提供台灣菜, 意大利菜等推介美食位於尖沙咀區，餐廳座位數30人均消費約$101-200，結賬可以用Visa,Master,支付寶,現金,銀聯,Apple,Pay,Google,Pay，Booking訂位可以電話致電 55006239 查詢。

您對於尖沙咀餐廳「花香」有何 comment？

花香餐廳詳細資料：

• 花香地址:
  尖沙咀河內道18號K11購物藝術館B2樓201號舖
  Floom Floom, Shop B201, B2/ F, K11 Art Mall,18 Hanoi Road, Tsim Sha Tsui
• 花香電話: 55006239
• 花香價錢: $101-200
• 分類: 台灣菜, 意大利菜
• 座位: 30
• 付款: Visa,Master,支付寶,現金,銀聯,Apple,Pay,Google,Pay
• FB專頁: 花香 Facebook

更多花香相關資料:

• 花香分店
• Youtube
• Facebook
• Twitter
• Google