老富昌餐廳 尖沙咀

老富昌餐廳 評價 相片

未試過食餐飯食到咁嬲!一定唔會有下次!!!以前經常係Soho區呢個集團Le Fauchon食lunch,食物又好味,Service又好!今日係海港城行街行到好攰,經過呢間老富昌餐廳,諗住提早坐底食飯,因為好累又想坐得舒服點,5:45pm入到去,發現仲有下午茶餐因為我們比較細食,所以決定叫個二人下午茶餐$130有湯有意粉有Pizza仲有兩杯飲品到6:45pm我自己杯飲品都未飲完,亦都未叫埋單,有個好無禮貌的女待應,突然衡過來講:唔該埋左張單!其實果一刻已經好唔滿意,但以為下午茶要埋數,要早d埋單,亦都唔想影響自己情緒同佢嘈,所以我地都埋左單~諗住傾多一陣,飲埋杯飲品先走,因為成間餐廳有一半吉位,出面亦都無人等位,過左五分鐘,我杯飲品仲未飲完,果位女待應又衡過來好無禮貌咁講:你張枱有人book左,如果你要坐,我換過第二張枱比你坐!!!態度十分惡劣我地坐的枱沒什麼特別,又不是卡位雅座,附近仲有幾張同類型的枱,出面亦沒有人等位,食餐飯要咁趕,仲要比人用惡劣態度對待,呢間餐廳我一定會black list ~

之前食過下午茶,而18:00前都可以食到tea set. 蒜蓉包$18 ~ 整個包長切,由頭到尾塗滿了蒜蓉,抵!牛仔肉紫蘇蕃茄長通粉 ~ 下午茶份量都唔會太細碟,又新鮮又夠熱.今次午餐叫了三個set;1. 西冷牛扒$79 ~ 不過不失,可讚的是那薯蓉很好味,不會太膩,不過想跟飯便要另加$18. 2. 牛脷意大利飯$68 ~ 飯很大粒,不知是意大利那地域的出產. 牛脷非常林,好味.3. 煙三文魚南瓜天使麵$78 ~ 南瓜切得都幾大片,不會細細碎碎. 煙三文魚都好香,紫蘇蕃茄亦是我的最愛之一.甜品Tirumusu$15 ~ 我在其中一個餐加了錢要甜品,不過不失啦.

同女朋友響老尖想揾個舒舒服服既地方嘆吓下午茶，海港城老富昌係不二之選～過去幾次既下午茶時段都唔係好多人，一 walk in 就有位～以佢地既格局，下午茶價錢唔係太貴，都係 50 蚊有找，而且最緊要係食物有質素～ 我地通常會叫以下兩樣： － 朱古力西多士配雲尼拿雪糕 － 朱古力布甸(即係心太軟)配雲尼拿雪糕朱古力西多：我最鍾意咁樣既西多 － 半煎炸，色澤金黃得嚟唔似出面好多其它地方咁炸到咁 D 蛋汁硬晒飛晒出嚟又多油，佢地煎得好靚賣相好企理～ 雖然入面有花生醬夾心唔係個個鍾意，但塊麵包本身都仍然保持到一定厚度，唔會俾花生醬搶晒個味～ 上面淋左 D 朱古力漿，其實理論上整體係偏甜，但因為又有舊雲尼拿雪糕，混埋西多嚟食，凍凍地又可以平衡番個味覺，天時暑熱食真係恰到好處～心太軟：哩個係我食過質素最高既心太軟之一！ 殼薄，汁多，質素穩定，次次都有一大攤朱古力漿流出嚟，好 rich 好好味～ 而且次次拎到出嚟都係熱辣辣，混埋雪糕一齊食，一凍一熱，朱古力味香濃，真係妙不可言～ 旁邊既雜果其實就麻麻，不過牡丹雖好，都叫做有少少綠葉扶持～連飲品每人平均都係 40 幾蚊，咁高質素，真係值得一再幫襯～

嘛,食評補完計劃7了,嗯今次食的是這間中價的法國餐廳,嗯,來這兒的原因好簡單,因為近我媽的公司,放工後又不知吃甚麼好,說著說著就來了這兒了這次叫的是個2人餐,價錢是多少就不要問我了,畢竟這已經是上年7月的事情了,不過沒有記錯的話他沒有加價的就是了首先來的是海鮮頭盤,嗯,不過因為我和我媽都不吃生蠔,所以特別叫他弄熟了,所以頭盤的頂位是空空的喔,我不是經常吃這些東西,好不好吃我就不太清楚,所以這個就太多說了差點忘了還有個沙律,不過都是些新鮮菜另加幾片煙三文魚再加些少沙律醬,沒有甚麼可說,唯一是菜滿新鮮的,嗯之後是湯,忌廉湯不是用粉開的實在太好了,不過連這個湯都煮不好又怎可以叫法國餐廳呢?媽叫的離菜湯都沒有甚麼可以說的,嗯嘛,來了來了,主菜了我的是西冷牛扒,媽的是小龍蝦茄汁意粉我的那個弄得剛剛好是七成,請原諒我不喜歡吃太生,所以叫了七成,吃下口有保留牛的肉汁,加上他的醬汁,未可說是完美,不過都有9成的分數了媽的那個就比較失色了,嘛,都是因為那個小龍蝦真是小得太過份了,都不知道應該怎樣吃的了,嗯,而且那個茄汁也太搶了,整個意粉的味道都只有茄汁,沒有了其他的味道了,其他甚麼都沒有了,嗯,幸好這是我媽的那碟最後就是甜品了我叫的是特別加錢的梳乎厘,說的是那店的出名甜品的說,所以就叫來試試了,嗯,來的時候表情是,因為以前食的時候都沒有見過這麼大個的梳乎厘的說,竟比我的飯碗更大的說嘛,不過比我幾口就吃完了,畢竟內面是空心的說,有點空洞洞的說媽叫的是提拉米蘇,這個沒有甚麼可以說了,因為如果一間餐廳連這個都做不好,就真是不知道再可以怎樣了

　　相約舊同事食飯，星期五尖沙咀周圍都 BOOK 唔到位，唯獨呢間 BOOK 到位仲要坐唔爆。

　　整體美味程度沒有什麼特別，最好食係個甜品－－芝士雪糕，而且賣相好靚，最大意係反而呢個甜品無影相。

　　但係環境確實好適合朋友傾偈。

　　所有食物賣相唔錯，之不過質責真係無咩特別。

牛排食唔出有牛味。

老富昌餐廳餐單提供法國菜, 西餐廳等推介美食位於尖沙咀區，餐廳座位數未知人均消費約$201-400，結賬可以用Visa,Master,現金,AE,銀聯。

您對於尖沙咀餐廳「老富昌餐廳」有何 comment？

老富昌餐廳餐廳詳細資料：

• 老富昌餐廳地址:
  尖沙咀廣東道3-27號海港城港威商場2樓2310-2311號舖
  Bistrot Le Fauchon, Shop2310-2311,2/ F, Gateway Arcade, Harbour City,3-27 Canton Road, Tsim Sha Tsui
• 老富昌餐廳電話:  
• 老富昌餐廳價錢: $201-400
• 分類: 法國菜, 西餐廳
• 座位: 未知
• 付款: Visa,Master,現金,AE,銀聯
• FB專頁: 老富昌餐廳 Facebook

更多老富昌餐廳相關資料:

• 老富昌餐廳分店
• Youtube
• Facebook
• Twitter
• Google