祥仔 尖沙咀

祥仔 評價 相片

第一間祥仔開在長沙灣，聽朋友說過食物質素不錯，但一直無幫襯過，今日行過K11,竟然發現原來祥仔開左新的分店，同佢咁有緣緊係要試吓啦。

K11呢間祥仔的格局有些像茶餐廳，但當然檔次比較高，乾淨整齊而闊落，座位亦很舒適。

而餐牌內的食物圖片亦異常吸引，令人樣樣都想試，很多懷舊港式西餐廳的食物，經過大厨加入創新的元素，改良烹調的方式和提昇食材的質素，所以可以媲美酒店的級數。

酥皮海鮮濃湯$78~嘩! 酥皮焗到非常香脆又多層，把酥皮放進熱騰騰的濃湯中，浸滿湯汁的酥皮還保留香酥的口感，海鮮湯很香濃, creamy又順滑，真是非常美味啊!零油感蝦多士$88~由細到大都好鍾意食蝦多士，所以這一定是必叫項目。

多士炸得很鬆脆，還有一大隻炸蝦伏係件多士上，啖啖肉，肉質又鮮甜，最重要係一點油膩都沒有，好正呀!祥仔秘製瑞士雞翼4隻$88~雞翼肉質滑嫩，秘製汁除了有瑞士汁本身的甜味外，還有少許四川麻辣的風味，好滋味呀!伴碟的沙律菜和車厘茄也非常新鮮。

爵肉牛柳$178~甚有港式懷舊餐廳的風味，令我回想起小時候第一次食鐵板餐，最正係店員即時將黑椒汁淋落鐵板“ 啫啫”聲果吓，真係乜嘢回憶都返哂黎，無論視覺，聽覺和嗅覺都非常有feel據聞塊牛柳係用slow cook的 烹煮方式，所以肉質非常軟腍，入口嫩滑，再使用法式方法將鴨肝醬(即爵肉)塗在牛柳表面，令牛柳充滿油香，連味覺也被完全填滿。

伴碟除了有車厘茄，黃椒，洋葱和粟米外，最意想不到是這半邊焗薯，配上cream cheese和煙肉碎，又滑溜又滋味祥仔是一間可以一試再試的餐廳，我已諗定下次來試吓羅宋湯，乳鴿，芝士焗蟹蓋……

今日約咗朋友過黎尖沙咀呢邊交收，順便食個飯聚下☺️ 我哋想坐得舒服少少又唔想食咁貴🙈 最後千挑萬選之下，揀咗呢間由前酒店名廚張錦祥(Ricky)主理嘅港式西餐廳❗️點知一去到超級多人😳全場爆滿咁滯❣️見到餐廳咁受歡迎，就知道我哋今晚嘅選擇一定冇錯😎餐廳以簡約時尚嘅設計風格為主🌟有竹有木，坐咗入去感覺幾relax❗️一d 港式茶記味都冇😂而且餐廳價錢合理亦坐得舒服🤓 主餐牌上嘅主食都可以加$28 升級做套餐，會有埋兩日兩夜羅宋湯➕熱餐飲❗️特飲就再另加$20，一場嚟到，我哋嗌左個紅豆冰試吓❣️.兩日兩夜羅宋湯唔知係咪真係煲足兩日兩夜，真係同出面餐廳飲嗰啲唔同🤩入口茄香味濃厚，配料十足❗️飲落一d 都唔辣，幾岩我口味💕祥仔脆脆豬扒飯$118係巨型豬扒嚟😍 熱辣辣新鮮炸起，見到都流晒口水🤤豬扒雖然睇落好厚身，但食落肉質軟硬適中，應該有用肉錘輕輕揼過，所以唔會好似茶餐廳嗰啲咁硬身；麵包糠用量適中，所以食落粉層唔會太厚👍🏻 啖啖肉、口感外脆內軟，配合得唔錯❣️另上嘅茄汁飯➡️ 係走意大利飯Risotto風格，味道討好兼獨特，真係一個特別、有創意又好味嘅「港式茄汁豬扒飯」😋.爵肉牛柳 $178非常好地冇問我哋要幾多成熟👍🏻即係代表廚師會煎出最合適嘅熟度俾我哋🤓 我最鍾意咁樣🤣 唔怕太生，亦唔怕太熟，最緊要好食❗️一客三片嘅薄切牛柳煎得好靚，一D 過燶嘅位置都冇👍🏻 鵝肝入口即溶😍熱辣辣嘅牛柳將鵝肝熱到呈半熔狀態🙈 令面頭嘅鵝肝好似變咗牛柳醬咁，原來牛柳係可以咁食嘅🌟❗️雖然明知牛柳上面嘅係鵝肝，但食落口感真係好似腐乳🤣伴碟嘅薯仔配上沙律醬➕炸煙肉粒，霎時變得好西式，睇得又食得😋 平時鋸扒通常都食淨晒啲伴碟薯條，今次輕鬆清晒冇難度😎最後要讚一讚紅豆冰真係幾出色❣️紅豆真係煲得好夠茸👍🏻加埋香濃嘅紅豆牛奶，兩者配合都好完美🥰再配埋紅豆雪糕更加錦上添花☺️

Ricky Cheung呢個名對於有睇開烹飪節目、有聽過電台飲食頻道既人黎講應該唔會陌生~ 知道佢喺K11開分店，作為尖咀地膽既我無理由唔試下～ 白色既燈光配上竹林、木系既元素，感覺清雅挺秀　加上星空光速既襯托亦增添一份時代感，腦海中亦浮現起Star War既畫面睇睇餐牌，一本menu分哂類有齊午餐、下午餐、晚餐仲有散點既項目。

頭幾頁仲圖文並茂逐一介紹主打，對於我呢類要睇過相先識點餐既人既講，真係幾體貼。

兩日兩夜羅宋湯 VS 酥皮海鮮濃湯老公鍾情佢既兩日兩夜羅宋湯，主食轉配套餐就隨附，我就話貪心要另加一客酥皮海鮮濃湯先至夠豐富，一餐裡歎足兩款湯品。

羅宋湯相當足料，味道濃郁唔會偏酸。

重點放係我面前既酥皮湯，酥皮焗得渾圓呈漲卜卜狀態，尤其頂部色澤帶少許金黃，形態有幾分似廚子既高帽。

留影幾張相後還是趁熱用餐匙翻揭開外層享用，湯汁濃厚幼滑，薄薄既香脆酥皮沾入少許海鮮湯口感更佳。

湯盅內仲有兩只彈牙蝦肉，其鮮味精華融入湯頭，一嚐便知。

零油感蝦多士 有別於平時食油炸既蝦多士，拎上手拇指食指必定沾上油份。

而呢份蝦多士入口先聞到蝦既鮮味，多士部分脆口之餘沒半點油既感覺。

整件連蝦尾都吃光光～ 祥仔脆脆豬扒飯豬扒飯絕對唔係普通貨色，店家係把原件炸豬扒跟鮮茄炒飯分碟送上，咁樣就唔會俾醬汁破壞左豬扒既鬆脆乾爽外層口感。

足足有手掌般厚度既豬扒份量霸氣十足，落刀切開時發出吱吱既清脆破裂聲，使出輕力分成五小件方便伴飯來吃，滋味無比。

留意佢既內層橫幅仲係帶粉嫩色，咬落有嚼勁之餘又毫無粗糙質感仲唔會食後黏牙縫，可謂唇齒留香。

新鮮菠蘿冰廿幾度悶熱既初夏，最啱就係點返杯一飲就有透心涼感覺既菠蘿冰黎佐餐。

配襯立體菠蘿造型既玻璃杯，令到呢杯特飲更具美觀感同個性。

透亮玻璃外層尤其突顯菠蘿果汁既鮮黃色澤，置頂既角切果肉飄散着陣陣誘人果香涼氣，一啖入口清甜宜人！酥皮蘋果撻 兩片酥香脆口既酥皮，脹卜卜的，用刀尖輕輕一按，輕易切開又不會太鬆散，一層層薄如蟬翼～ 中間放上吉士醬、玉桂蘋果，兩者配合既甜度剛好～

WFH日子已完結，放工後又不想煮飯，這晚就來到尖沙咀K11的祥仔吃一頓懷舊港式西餐。

店內面積寬敞，裝修新潮，特色牆以巧妙傾斜的方塊磚琳瑯拼砌，甚有破格玩味。

祥仔由香港名廚Ricky Cheung 主理，如果經常看ViuTV的應該不會對他陌生，將港式西餐經典菜式重新演繹。

凡惠顧鐵板、意粉或飯，加$28就可升級至套餐，附送兩日兩夜羅宋湯及餐飲。

兩日兩夜的意思就是指經過兩次煲煮，總共兩日兩晚的沉澱，工序繁複且費時，卻令湯頭變得濃稠厚身，肉味和雜菜完美融和，酸中帶甜，讓胃口即時一醒。

祥仔脆脆豬扒飯 $118這道菜猶如是港式豬扒飯和日式吉列豬扒的混血兒，將經典的豬扒飯變得不平凡，厚切豬扒size 超巨型，份量十足。

炸成金黃的麵包糠外層針針豎起，酥脆無比，脆脆豬扒以慢煮調理，煮至約九成熟，中心位仍是微微粉紅色，留有豐滿肉汁，發出陣陣油香，肉質纖細易嚼，不會炸得過火而變得乾硬過韌。

番茄汁真材實料，以新鮮番茄煮成，酸酸甜甜特別好下飯。

鐵板香滑燒春雞 $158上菜時，鐵板熱氣逼人，倒下醬汁時，接觸到鐵板的一剎那，滋滋咋咋，煙霧瀰漫，即時香氣四溢，拼湊出年少時的回憶。

燒春雞夠大隻厚肉，肉質嫩滑不鞋口，而且最欣賞這裡的鐵板夠熱，吃到最後依然保持熱盪溫度。

伴菜亦有半個芝士焗薯，肉心軟綿細密，撒上鹹香粒粒煙肉碎。

酥皮蘋果撻 $58賣相精緻，即叫即焗剛出爐，酥皮熱烘烘，入口酥香鬆脆。

裡面載滿蘋果切粒和香滑吉士醬，將蘋果的天然酸甜果香與酥皮的牛油香交互融合，甜度剛剛好，多吃也不怕滯。

餐飲則選了熱檸水。

茶餐廳是香港特式，不論大街小巷，高檔商場也有一間在左近。

今晚在K11 內的茶餐廳用膳。

❮祥仔脆脆豬扒飯❯ $118豬扒中型大小，夠厚身，腍軟中帶咬口，有豬味，嫩中不會乾巴巴，微鹹；外皮炸得相當脆香，與米飯分開上，不會讓汁醬影響脆口度。

汁醬中加了新鮮磨菇粒，蕃茄粒，三色椒粒，洋蔥粒等的蔬菜，味道甚像懷舊茶餐廳的燴飯汁，美味！❮鐵板爵肉牛柳❯ $178牛柳夠腍軟，多些咬口會更好。

反而是那片濃郁，入口即化的鵝肝搶奪了這碟鐵板的亮點😉；伴菜的焗薯❨味道剛好) ，紅橙色的蕃茄仔與粟米，還有美味熟透香甜的洋蔥。

點主食，加$28便變為套餐，有餐湯 + 飲品。

❮兩日兩夜羅宋湯❯ 端上枱時散發蕃茄酸香味，湯頭濃中帶清。

看餐牌介紹，這個湯是煲煮後冷藏存放，讓味道慢慢滲出，足兩天。

與長時間烹煮的濃厚味道不同，但也有一定厚道及牛肉味，且蔬菜還有點自然甜味，可以添飲多一碗更好😋。

餐飲是鮮奶咖啡與普通咖啡，當然鮮奶咖啡好味d啦，啡味順滑，嘻嘻！

祥仔餐單提供多國菜等推介美食位於尖沙咀區，餐廳座位數100人均消費約$51-100，結賬可以用Visa,Master,AlipayHK,支付寶,現金,銀聯,微信支付，Booking訂位可以電話致電 28852235 查詢。

您對於尖沙咀餐廳「祥仔」有何 comment？

祥仔餐廳詳細資料：

• 祥仔地址:
  尖沙咀河內道18號K11購物藝術館B2樓B233A號舖
  Ricky’s Kitchen, Shop B233 A, B2/ F, K11 Art Mall,18 Hanoi Road, Tsim Sha Tsui
• 祥仔電話: 28852235
• 祥仔價錢: $51-100
• 分類: 多國菜
• 座位: 100
• 付款: Visa,Master,AlipayHK,支付寶,現金,銀聯,微信支付
• FB專頁: 祥仔 Facebook

更多祥仔相關資料:

• 祥仔分店
• Youtube
• Facebook
• Twitter
• Google