滝雲 尖沙咀

滝雲 評價 相片

係尖沙咀區雙人套餐$880 就可以試到刺身，壽司同串燒，都算抵食餐廳提供吧枱食和table食選擇吧枱讓顧客可以享受到廚師用心準備的多道精品料理table則提供了更加隨意和舒適的用餐體驗日式磯煮磯粒貝，用傳統方法煮嘅磯粒貝，食落幾淡淡嘅昆布同埋甜甜嘅味道另外佢哋嘅時令刺身都好新鮮，有鯖魚、油甘魚、帆立貝、赤蝦等，全部都好新鮮，令人一試難忘！特別要提到嘅係佢哋嘅無骨燒鰻魚，真係好滑好嫩，配埋啲醬汁，味道非常香濃，咬落去有種獨特嘅口感。

特選壽司10貫，每一款都好新鮮，飯粒鬆軟，配上新鮮嘅海鮮，真係好滿足呢！醬油烏賊肉質非常鮮美，口感Q彈，加上醬油鮮味，味道更加突出。

海膽味道非常濃郁，入口即化，帶有一點點鹹香和奶油味深海池魚味道鮮美，肉質也非常嫩手卷係拖羅蓉手卷都好好味！串燒特別推薦雞肉串燒入口好嫩滑，肉質鮮嫩，有淡淡嘅炭燒香味豬肉厚度啱啱好，燒烤後保持住啲肉汁日本番薯好甜， 我喜歡最後有麵豉湯同焙茶布丁豐富嘅一餐

男朋友發掘一間性價高嘅omakase 餐廳，餐牌有齊刺身、壽司同串燒等，每樣都好好味呢❤️前菜係甜螺，鮮美完全帶起食慾😋刺身5點，包括鰈魚，石鯛，油甘魚，牡丹蝦同帶子時令燒海鮮「燒目光魚」，魚肉非常嫩滑，食到魚獨有嘅鮮味😍串燒各有特色，有蔬菜有肉類😎京蔥同青椒仔，鍾意佢個甜甜地嘅醬料😛再嚟就係肉，包括雞尾，牛舌，雞肝同雞翼😉特別要讚個牛舌同雞尾，牛舌彈牙好juicy，雞尾超滑又係好juicy🙈壽司環節啦👇🏻大尾烏賊壽司，配有竹炭鹽同檸檬汁，肉質黏口軟棉，口感不錯👍🏻海松貝壽司，鮮甜彈牙，加上醬油好夾☺️池魚壽司，上面有薑蔥帶出池魚嘅鮮味🤓馬糞海膽壽司，超級鮮甜，入口即化嘅感覺好幸福呀❤️小肌壽司，入口啖啖肉，醋味亦適中，唔會過酸🫡吞拿魚蓉手卷，好足料，食得出個層次，香蔥甚至係紫菜都好出色，個調味更加係一流，呢個手卷好加分🤩魚湯除咗個「鮮」字，我都諗唔到有咩可以形容，每飲一啖就知道好足料，用咗好多魚去煲😳甜品係咖啡同烘焙茶果凍，為呢餐畫上完美句號❤️

FD介紹左一間新開嘅日本餐廳，話宜家晚市提供雙人套餐，只要$880再加一，咁一定要試試。

餐廳裝修得好有日本風，分吧台同table位，我地叫左夏季限定晚市鮨燒配2人前。

先付， 日式磯煮磯粒貝，傳統日式磯煮做法，磯粒貝食落淡淡昆布同甜味。

時令刺身5點，今日有三文魚，牡丹蝦同帆立貝等當季時令刺身。

全部刺身都好新鮮，最驚喜係水魷魚，FD啲最愛，食落彈牙得來又好鮮甜。

時令燒海鮮1款，今日係燒水魷魚，水魷魚燒完又係唔同風味，微微焦香襯托水魷魚更加鮮甜。

串燒6款，有4串肉同2串蔬菜，最出色係燒雞皮同日本番薯仔，雞皮燒得啵啵脆，送酒一流。

日本番薯仔，食落軟糯香甜，簡直可以當作飯後甜品。

廚師特選壽司10貫，每人係5貫，壽司飯做過調味，唔洗再點醬油同wasabi都好夠味，最喜歡燒左口魚邊，逼出左口魚油脂，食落特別鮮甜。

壽司還配埋漬物，大根特別脆口，好味。

手卷係拖羅蓉手卷，拖羅蓉比得好足料，搭配埋香脆紫菜，勁like。

最後會搭配埋吸物味增湯同甜品，甜品係布丁，食落好幼滑同埋好重焦糖味。

套餐食完真係勁飽肚，同埋真係用心製作，一定encore！

《滝雲 尖沙咀》除咗甜品之外，日本餐廳都係小妹的至愛🤩諗唔到食咩嘅時候就一定係食日本嘢㗎喇😝就算有時自己一個人都會走去食壽司😚今次我就試咗一間位於尖沙咀新開業都幾抵食嘅鮨店，晚市最平$480就可以食到壽司同串燒既廚師發板料理，以為平既就無好野🤔？質素又好唔錯咼😳以尖沙咀嘅地段黎講，呢個價錢絕對超值💁🏻‍♀️ 晚市自選串燒、OMAKASE定食（1人前）$480講下個set有咩先，坐低咗之後店員幫我哋斟茶，之後就上咗佢哋自家製嘅醃製鹹菜，接着上菜嘅係八件廚師發辦嘅壽司同埋四款串燒，由於我哋兩個人嘅關係，廚師安排咗七款唔同嘅串燒俾我哋，最尾仲會想買麵豉湯，對於我嚟講呢一個一人前嘅份量係夠食的，但係自問胃口比較好嘅人就要另外再追加菜式啦壽司🔹深海池魚食落肥美有油分，壽司入面已經放咗Wasabi同埋搽咗醬油調味，食完個口有回甘🔹新鮮瀨尿蝦 新鮮嘅瀨尿蝦肉質彈牙，食到一疏疏嘅肉，有滿滿嘅鮮味🔹帆立貝 壽司師傅喺帆立貝上面放咗鵝肝，都幾重本喎🤭鵝肝嘅味道濃郁有回甘，鵝肝嘅油份剛剛好可以帶出帆立貝嘅鮮味🔹魷魚 我個人其實好喜歡新鮮魷魚刺身嗰種黏笠嘅口感，滑身得來又有少少煙煙韌韌嘅感覺，而魷魚上面放咗烏魚子碎提鮮及調味，基本上唔使點豉油已經夠晒味🔹銀鱈魚 銀鱈魚食落肥美，入口即溶😋係當晚入邊其一我最喜歡嘅壽司🔹吞拿魚赤身食得出赤身係用醬油漬過黎，完全食唔到吞拿魚本身嗰一種好強烈嘅血味，反而帶出咗魚嘅鮮甜👍🏻🔹拖羅蓉朋友唔食吞拿魚都話呢一個拖羅用做得好味道，雖然餐廳將拖羅剁碎左，但係都仲做到入口即溶嘅口感，上面嘅香蔥令到成件事更加清新🔹海膽最後嘅一件壽司當然係海膽啦，食落鮮甜冇渣亦都唔會腥，師傅應該另外搽咗少少醬油調味，甜甜地好開胃串燒🔹三黃雞腿肉由於我哋兩個都相機鮮食，啲串燒上咗枱之後我哋攤凍咗少少，雖然係咁，但係個雞腿肉都仲係好鮮嫩多汁👍🏻🔹雞心喉雞心嘅嗰條大動脈血管🤭口感幾特別，有啲似食緊豬耳仔嘅質感🔹雞皮雞皮燒得香脆，唔會太過油，少少鹽調味已經好唔錯🔹雞尾我個人其實未食過雞尾，比我想像中嘅容易接受喎😉咬落去有爆汁嘅效果😚🔹牛舌牛舌都幾厚切，食落唔會好騷，都係當晚入面其一我最愛🔹鹽燒雞翼可能其他串燒做得太出色，雞翼我就覺得比較普通，咬落有肉汁，果皮都幾香脆🔹燒洋蔥最後嘅燒洋蔥其實都做得唔錯，完全唔會有苦澀味，食得到新鮮蔬菜嘅清甜

難得放假，要對自己好一點，今次去尖沙咀新廚師發板店食lunch omakase🥢午市Omakase只有一個set，其他都係午市定食、壽司午膳等 先付 🥢沖繩苦瓜唔食開苦瓜嘅我覺得苦瓜好苦，但食食下有其他材料加埋青瓜絲、蒟蒻、海草，連同酸汁，味道開胃醒神🥚茶碗蒸蛋夠滑，入面有本菇等🥢京都湯葉海膽前菜最鐘意呢款，京都湯葉即腐皮，又薄又滑，入口即化，配上海膽，鮮味更出 刺身 🐟真鯛配上蔥花、酸汁啫喱，味道有層次🥢日本鮟鱇魚肝呢款係煮過嘅，冇咁腥更易入口，口感軟滑🥢汁煮螺肉煮得非常入味🥢汁煮帆立貝燒過油脂口感特別豐富，用紫菜包住更吸引🐠大中拖羅紫蘇葉 紫菜包住大中拖羅，油份感滿滿，中間有啲鹽巴調味 壽司 🍣松葉蟹肉海膽🍣赤貝🍣馬糞海膽🍣熟成赤身🍣黑目魚 微微燒過有魚油香🍣小磯🍣 蝦膏烏魚子賴尿蝦🥚玉子賣相似長畸蛋糕，食落軟綿有蛋香🥣味增湯濃郁略鹹🕙食咗1小時💰$468/ 1人🚩滝雲 (尖沙咀) @takigumo.hk 📍尖沙咀金馬倫道5860號國鈀大廈地下B號舖

滝雲餐單提供日本菜, 壽司, 刺身等推介美食位於尖沙咀區，餐廳座位數未知人均消費約$201-400，結賬可以用Visa,Master,現金，Booking訂位可以電話致電 23236838 查詢。

您對於尖沙咀餐廳「滝雲」有何 comment？

滝雲餐廳詳細資料：

• 滝雲地址:
  尖沙咀金馬倫道58-60號國鈀大廈地下B號舖
  Takigumo, Shop B, G/ F, Kok Pah Mansion,58-60 Cameron Road, Tsim Sha Tsui
• 滝雲電話: 23236838
• 滝雲價錢: $201-400
• 分類: 日本菜, 壽司, 刺身
• 座位: 未知
• 付款: Visa,Master,現金
• FB專頁: 滝雲 Facebook

更多滝雲相關資料:

• 滝雲分店
• Youtube
• Facebook
• Twitter
• Google