港晶軒 尖沙咀

港晶軒 評價 相片

10個人去食lunch坐1圍 點咗一堆點心同埋炒飯 上菜嘅時候先上炒飯已經非常奇怪 一般都應該先上點心食完碟炒飯等多一陣嚟咗小小點心同小食之後就冇曬喇。

然後追佢竟然話漏咗單幫我哋再落過，成台人先食得嗰兩啖好肚餓咁又等咗大半粒鐘竟然仲係乜都冇再追多次之後竟然有個服務員問上過啲乜嘢 豈有此理上咗啲乜嘢菜都唔知 仲要人等咁耐 同埋話幫我哋再落單嗰個服務員到底做咗啲乜嘢，惗住叫個經理出嚟交代下佢竟然唔出嚟等咗一個鐘終於有得食 等咁耐已經冇乜食慾啲嘢食又唔見得幾好食

今次嚟港晶軒同家人食中秋節晚飯，預訂咗一席六位用餐，包括有五款菜式、炒飯、湯及精選甜品，價錢為$𝟐𝟗𝟖𝟖。

另外我哋亦叫咗幾款前菜同小食，不過就無影相。

酒樓安排咗一間房比我哋，環境舒適坐得都幾舒服。

食物方面質素比較一般，服務質素就好好，芝士焗龍蝦同櫻花蝦海皇炒飯非常好食。

而蟶子食落好奇怪，有啲芡係上面，食到有生粉未溶，應該係想蟶子肉質滑啲打芡但處理得唔好，蟶子下邊嘅粉絲好硬同埋上枱已經凍晒，其他食物都係一般。

🔝蜜燒紅毛豬肋骨 🔝濃芝士焗澳洲龍蝦烏冬底🔝蒜茸粉絲蒸蟶子皇🔝皇家魚湯龍躉件🔝皇湯浸娃娃菜🔝櫻花蝦海皇炒飯🔝豐料海皇冬瓜底🔝鬆化蛋散+合桃酥+桂花糕🔝菜單

此餐廳貼出海報做特價長腳蟹，四斤收HK$1388。

有朋友生日便五日前打電話訂位。

P : 請問你地 HK$1400 嘅長腳蟹重有無做呀？W : 唔係千四蚊，係HK$1388，有做呀。

P : 想問下如果超過四斤或者唔夠四斤點計呢？W : 呢個我答唔到你，要經理先答到。

不過我地一路做開訂四斤，供應商就交四斤，相差好少嘅。

P : 好呀。

唔該幫我訂星期四。

點稱呼呀？W : 我姓鍾。

P : 唔該鍾小姐。

W : 唔洗客氣。

結果三日後有人What's App : 先生你訂隻蟹而家要二千二，1388 我地做唔到。

因為海鮮價錢日日唔同。

重想食過好介紹朋友。

打退堂鼓。

好驚朋友前一日收到 What's App : 先生你訂嘅酒席而家要一萬五，九千我地做唔到。

因為食材價錢日日唔同。

因為一大班朋友想飲茶聚聚，有九個人， 驚到時難揾位，所以幾個星期前，已搵啲可以訂位同可以坐埋一枱嘅酒家，致電尖東一間酒樓訂咗中午 12時飲茶。

當天早15分鐘去到，佢話未有枱要等陣，跟住又話如果現在要可分兩張枱坐。

咁我哋話等下啦，點知個知客又話，唔知要等幾耐喎，我哋唔會同你 hold 枱，態度愛理不理，咁你就唔好話可以訂位啦， 我哋又冇遲到。

即刻上 Openrice 搵附近酒樓。

打到去問有位可坐九個人一枱，即刻轉軚改去呢度~港晶軒12:10 noon 去到, 發現有張特價點心紙 十二點半前落單，好抵，所以食咗好多點心。

😋椒鹽鮮魷， 嗰炸粉就厚咗啲，冇乜味。

以下的⇒ xo醬炒蘿蔔糕，同右上牛肚，味道唔錯。

右下面馬拉糕， 蒸得好靚，好軟綿綿，不過要趁熱食， 腐皮卷普通好油。

以下的⇒左上椒鹽豆腐，味道唔錯。

左下迷你上湯浸菜， 右上炸黄金苦瓜，冇苦瓜味，右中圖南瓜布甸，呢個外型幾特別，下面南瓜上面係南瓜蓉做嘅布甸，味道都幾好。

😙 右下圖旦散好鬆化👍😋最後食埋擂沙湯圓，不過裡面啲芝麻餡比較稀，一咬就流曬出嚟。

薑糖蕃薯糖水，好夠薑味，可能太多薑有點苦澀，蕃薯味道可以 ，不過兩樣都冇影相。

😁

港晶軒餐單提供粵菜, 廣東, 點心, 中菜館等推介美食位於尖沙咀區，餐廳座位數未知人均消費約$201-400，結賬可以用Visa,Master,現金,銀聯，Booking訂位可以電話致電 27236638 查詢。

您對於尖沙咀餐廳「港晶軒」有何 comment？

港晶軒餐廳詳細資料：

• 港晶軒地址:
  尖沙咀加連威老道100號港晶中心2樓
  港晶軒, 2/ F, Harbour Crystal Centre,100 Granville Road, Tsim Sha Tsui
• 港晶軒電話: 27236638
• 港晶軒價錢: $201-400
• 分類: 粵菜, 廣東, 點心, 中菜館
• 座位: 未知
• 付款: Visa,Master,現金,銀聯
• FB專頁: 港晶軒 Facebook

更多港晶軒相關資料:

• 港晶軒分店
• Youtube
• Facebook
• Twitter
• Google