李家 尖沙咀

李家 評價 相片

呢輪留係屋企時間多左，自然離不開煲韓劇，又令我好掛住"鄉下"啦，唔知幾耐先可以再飛，唯有韓食止下條癮先，好耐無食過炸鷄，想食炸鷄就諗起呢間尖沙咀店搬左黎呢頭，近佐敦呢邊，都易搵到店內裝備裝上電視，KPOP播不停，一路食一路睇OPPA..............HOHOHO.....坐低就送上蘿蔔及椰菜絲沙律作為開胃前菜打開餐牌，唔同口味炸鷄都有提供，呢款係原味無骨炸鷄 (甜辣醬)，但可以從多款特色醬汁選自己歡喜 (每款醬汁$20)我地點左芥末蜜糖醬及青陽辣椒醬就咁放上手係炸鷄上面已經感受到佢熱度，仲等?  趁熱食啦喂先點青陽辣椒醬，帶點辣椒香味同辣度，配上沙律醬撈埋一齊食，辣辣地同炸鷄做到好朋友炸漿一D都唔厚，啖啖鷄肉好享受偶爾可以食幾粒酸蘿蔔中和下又可以繼續食今次試下芥末蜜糖醬，甜甜中帶點芥末辛辣味，又係無得輸，真係一件駁一件食唔停口之後呢客泡菜豆腐就上枱啦，第一次食呢樣，份量足夠4人食都得泡菜中加入豬肉一齊炒香，香辣甜味又帶點惹味，原本應該用黎送白飯係岩數，但今次呢個位置由豆腐補上將惹味泡菜豬肉放上豆腐一齊食，兩種口感，為淡口豆腐加添無限味道，一齊食岩岩好!想飲啖熱湯…?!  無問題，叫左呢客年糕餃子湯，兩個人食絶對可以滾熱辣，紫菜香味滲入左香甜湯底中，餃子好似有5隻，餡料都係菜肉為主，清清地都唔錯唔好唔記得仲有年糕呀，煮得軟硬度適中，帶點咬口，配一口湯一齊食，飽肚又暖身呀!總括黎講，呢度出品食物夠晒份量，食得晒先好嗌，或者再等可以多D朋友一齊食就可以再叫多D!  回頭率一D都唔低!

今日小編行街突然有心癮好想食炸雞😋，但發現原來尖沙咀食炸雞既地方唔多，而小編又好想食到唔同口味，於是上網搵一搵見到一間叫「李家」既韓式餐廳🧐，入面有炸雞食之餘，仲要好多選擇，雖然地址有啲遠，不過小編口痕點都想去試下🏃‍♂️。

✦✦✦✦✦✦✦✦✦✦✦✦✦✦未點餐之前，已經上咗前菜畀我地，係沙律同醃蘿蔔🥗，醃蘿蔔係韓式餐廳經常會出現既前菜，清新爽口，令小編胃口大開喇👄。

✦✦✦✦✦✦✦✦✦✦✦✦✦✦🎈蒸蛋湯 $58蛋湯熱辣辣咁出住煙上枱，整體視覺都已經好吸引🤤，小編一大羹咁食，蛋香非常突出亦好足料，入口唔會太咸仲帶清甜，好暖胃👅。

依家小編連呼吸都怕肥都非常鍾意食✨，而且份量非常大份，一個人食叫一客實會夠飽😳。

✦✦✦✦✦✦✦✦✦✦✦✦✦✦🎈半半炸雞(原味+甜辣) $168呢款可以食到乾同濕既雞肉🍗，一半係原味一半係甜辣味。

原味雞肉表皮脆卜卜，細細件，咬落去「撲撲」聲，雞肉熱辣辣咁食非常滿足👍，仲有少少辣👍🏻。

甜辣炸雞鋪滿左甜辣既醬汁，味道非常濃郁，不過味道唔算太辣🌶，比較偏向帶甜酸味，不錯一試✨。

✦✦✦✦✦✦✦✦✦✦✦✦✦✦🎈芝士拼辣BB豬骨 $288芝士薯角配豬骨。

有火爐將芝士慢慢熔入豬骨同薯角之間🤩，店員會將熔咗既芝士捲係豬骨到，唔捲唔知原來仲有呢種食法，別有一番風味💦。

豬骨算係偏辣，唔係好食得辣既朋友記得要三思，豬骨肉非常淋身，一咬就開，開住火爐食非常暖🔥，整體感覺簡直就好似去咗韓國咁✨。

✦✦✦✦✦✦✦✦✦✦✦✦✦✦🎈Rainbow Soda $38薰衣草 黑莓薰衣草味梳打唔太甜，好香薰衣草味，有一種清新既感覺😊，粉紫色實在係靚✨。

黑莓梳打有甜甜酸酸味，開胃又刺激味蕾，同埋有淡淡的黑加侖子味，好飲👍。

✦✦✦✦✦✦✦✦✦✦✦✦✦今次對於小編食生日飯嚟講算係有睇頭，性價比亦高！整體餐廳既感覺好似去咗韓國咁，仲有韓國MV睇，自成一角，暫時去唔到韓國旅行既大家就嚟頂住先啦🤣。

餐廳位置係山林道最入，可能未必容易睇到，不過喜歡食炸雞，又或者想靜靜食餐飯，亦可以選擇👐。

✦✦✦✦✦✦✦✦✦✦✦✦✦

魚餅湯🐟($158)一食呢個湯就會好掛住韓國啲街邊檔, 冬天去食返串魚糕湯成個人就會暖笠笠🔥 呢度既魚糕湯未做到韓國既味道, 成個感覺似係現成買返黎即食果啲, 而且魚糕既口感一般般不過勝在魚糕份量多而且仲有芽菜, 暫時頂下癮先🙂泡菜餅($128)泡菜餅都幾大份, 雖然唔似其他地方食到果啲咁脆, 但係腍腍地既口感我覺得都唔錯, 而且真係有大量既泡菜同埋少量既海鮮係入面, 再配埋個汁我覺得都唔錯既😚辛辣麵($58)其實唔知點解要出街食辛辣麵, 明明自己屋企都煮到, 但係果個moment 想食就真係會咁任性😂 可惜呢個麵係煮得唔好食, 我建議大家可以返屋企自己煮蜂蜜蒜蓉炸雞拼甜辣炸雞🐓($198)記得上次係第二間分店食既係好乾身, 今次俾多次機會佢係冇令我失望既👍🏽 大家唔想食曬一隻味可以好似我地咁雙拼, 咁就可以食多啲唔同既味唔洗咁悶🙂 蒜香味果款蒜味唔夠突出, 係有幾粒蒜粒, 如果當原味咁食我覺得都唔錯既😋 另外既甜辣味就相當出色, 佢既醬整得好好味, 甜甜辣辣咁好惹味, 而且啲肉質都幾Juicy 💦餐廳既店員睇落唔似香港人, 但係識講廣東話, 所以大家可以唔洗擔心語言既問題, 食物質素我覺得不過不失, 回頭率比較低

星期六晚去咗尖沙咀覓食，朋友話知道「李家」開咗新店，想去試下。

原來李家喺山林道最最最入嘅角落位置，迴旋處附近，唔去開真係要摸索下😆。

餐廳外有好大個打卡位，好似首爾壁畫村咁。

外面睇餐廳好似好暗好黑嘅酒吧；不過其實入到去係好光猛嘅，而且座位設計私隱度非常高👍。

未點食物前先嚟兩款前菜小食，分別係辣芽菜同醃酸蘿蔔，開開胃🤤。

店員亦送上凍水，解解渴。

餐牌大大本，食物圖片與現實不相符，因為睇相唔覺份量多到咁囉‼️，價錢唔係平，但全部食物嘅量應該夠四人食，哈哈。

燒五花腩肉($198)，五花腩採用厚切煙肉🥓，因此帶有一份煙燻嘅香氣，口感有嚼勁。

腩肉有成十六件，所以食極都仲有，哈哈。

伴菜有泡菜同大蔥，夾埋一齊食更加滋味。

豆腐泡菜($168)，本身以為呢碟真係得豆腐加泡菜，點知原來係泡菜炒豬肉，伴旁再加豆腐。

一上枱嚇親😱，豆腐有十幾片，而主角就推到成座山咁高，仲要壓到實實的！份量仲多過呀媽平日煮🤣。

泡菜炒豬肉🐷微微辣，好食😋，入面仲要加咗唔少洋蔥絲，所以好香口。

豬肉份量又係勁多，基本上每一啖你都會食到豬肉，啱哂食肉獸。

呢刻我好想配飯食，不過呢度就由豆腐取而代之。

豆腐能夠輕易夾起，可以清清味蕾。

蒸蛋湯($58)，蒸蛋超級熱，正🥚，上枱時面頭仲撲撲咁跳。

其實我會覺得佢似蒸蛋多啲，而唔係湯，口感就介乎蒸水蛋同焗疏乎厘之間，幾得意😛。

蛋味唔算好強，但清清哋都幾好。

份量幾多，食完佢都飽飽哋。

烏冬($58)，之前超市買過李家(韓國)出嘅烏冬，口感超彈牙。

不過店家就唔係用嗰隻烏冬，所以味道無乜特別；餸亦唔多，得泡菜同脆粒，整體普普通通，但勝在湯夠熱🍜。

飲品方面，我哋一人叫咗一杯梳打特飲($38)。

🌈彩虹系列入面，我哋揀咗西柚同薰衣草，前者正正常常幾好飲，但後者就比較適合打卡而已🙈，薰衣草都係配茶好啲。

不過飲品好大杯，抵飲。

由於泡菜豆腐嗰碟真係太巨型，就算齋食佢都應該食唔哂，我哋好努力都食淨咗半碟。

店員好好人幫我哋打包，🥡外賣包裝得好好，好似韓國啲炸雞店咁，紙盒入面再加錫紙保溫。

我拎到返屋企仲暖的！總括嚟講，李家最令我印象深刻係全部食物都係巨無霸份量，我同朋友呢餐食嘅量應該夠四個人食😊。

朋友唔食炸嘢，所以呢日無機會食炸雞，下次捉另一個朋友食下先。

最後奉上餐廳完整餐牌以供參考🙏🏻。

李家一直都是韓式店排隊店始祖，今晚約咗朋友吃飯， 由山林道彌敦道口直入到尾的轉個位。

低調作風用上不透明玻璃，門面只簡單”李家”中文名就是了。

為了避開晚市排隊高峰 ,特別提早七點前便到。

果然七點半後便全滿座還要在外等位呢！坐下後， 店員隨即奉上兩份開胃小吃， 蘿蔔 和沙律韓式餐廳炸雞有很多款不同種類， 但朋友喉嚨有點不舒服我唯有要捨棄了。

清清地點了一份泡菜湯拼雞蛋雞蛋控的崇韓風朋友一定要試這個，泡菜湯內有多種蔬菜,豬肉柔軟肥腴, 湯頭濃郁，層次豐富，小辣入口辣度適中， 六隻荷包蛋煎得非常靚，整整齊齊。

混入泡菜茶湯底後， 蛋白微微吸上湯的精華， 而蛋黃又與湯底混為一體，別有一番滋味 .年糕餃子湯餃子湯也是韓式傳統的食物，看上去沒有什麼特別， 但湯底非常濃郁，八隻餃子結結實實，十分足料。

年糕和紫菜也令這個餃子湯提升口感。

Rainbow Soda 系列有七種不同顏色飲品，我們一人一杯，黑莓梳打和西柚多打， 顏色令人賞心悅目，味道清甜， 適合韓式菜，完滿的一餐啊！

李家餐單提供韓國菜, 韓式炸雞等推介美食位於尖沙咀區，餐廳座位數未知人均消費約$101-200，結賬可以用Visa,Master,現金,八達通，Booking訂位可以電話致電 35963695 查詢。

您對於尖沙咀餐廳「李家」有何 comment？

李家餐廳詳細資料：

• 李家地址:
  尖沙咀山林道54-56號利雅商業大廈地下2號舖
  Chicken HOF & SOJU, Shop2, G/ F, The Leader Commercial Building,54-56 Hillwood Road, Tsim Sha Tsui
• 李家電話: 35963695
• 李家價錢: $101-200
• 分類: 韓國菜, 韓式炸雞
• 座位: 未知
• 付款: Visa,Master,現金,八達通
• FB專頁: 李家 Facebook

更多李家相關資料:

• 李家分店
• Youtube
• Facebook
• Twitter
• Google