杉原家茶屋 尖沙咀

杉原家茶屋 評價 相片

今日夜晚去尖沙咀呢一邊飲酒同朋友吹吓水，決定喺飲酒之前食少少嘢，但係又想食少少輕食，咁啱行到嚟K11附近呢一間食關東煮嘅舖頭，咁夜原來佢都仲未收，餐廳主打飯團，關東煮，側邊仲有一個飲品櫃！比較推介，有佢嘅日式福袋關東煮，入邊充滿麻薯，煙煙韌韌咁非常好食，再加埋佢個湯底，本身原來係用真嘅魚去煲，唔係用味精溝出嚟！一路食佢嘅關東煮再一路飲湯！都幾正！另外佢嘅蘿蔔都做得非常入味，非常清甜！下次有機會會試埋呢一間餐廳嘅飯團同埋佢嘅炸薯餅！

成日經過杉原家茶屋都心思思想試,見佢仲要係日本集開，更加想試。

佢價錢講真中等，唔會太貴，今次晚餐時間前快食咗個昆布辛子明太子飯團$19，加個盒炸竹輪$12，即係fish paste cake, 再跟餐咁加樽抹茶鮮奶$18,都幾夠飽下。

飯團好食過華xx...... 但炸竹輪比較普通。

抹茶鮮奶少少失望，太苦啦，鮮奶少綠茶粉太多，難入口。

成程其實見都多在港日本人食，應該岩日本人口味。

總括而言，我會encore飯團，其他不了。

推薦指數：

牛油果控必試🥕牛油果milk芝士奶蓋$38⭐️⭐️⭐️⭐️⭐️芝士奶蓋比較少，都滑身微微既鹹香。

見到店員真係放左成個牛油果落攪拌機，再加入牛奶，飲落口真係好重牛油果味，中意牛油果既真係可以試下，飲完都幾飽下。

======詳情======杉原家茶屋尖沙咀加拿分道33號發利大廈地下2A號舖================#香港美食指南#hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #尖沙咀好去處 #尖沙咀美食 #RR尖沙咀#RR飲品#飲品控 #奶蓋控 #奶蓋關注群組 #牛油果 #芝士奶蓋#牛奶 #奶蓋 #牛油果飲品 #飲品 #杉原家茶屋

杉原家茶屋 Sugiharake Chaya📍尖沙咀加拿分道33號發利大廈地下2A號舖呢日約咗喺尖沙咀做牙科覆診，朋友陪我上去診所之前，想買少少嘢食頂肚餓同做宵夜，所以行過呢間由日本人主理嘅茶屋，就買咗幾個試下！ 💰$17味噌醬茄子 🍆🍙我對呢款茄子最有期望，因為除咗喺壽司郎有得食味噌茄子壽司之外，都比較少見到有壽司或飯團會用茄子做配料。

佢嘅調味比較淡，味噌醬唔係太突出，茄子都算好味嘅，但整體口味較淡，始終係手作嘅小店，相信唔會落太多味精或調味。

💰$18三文魚絲玉子燒 🐟🍙三文魚絲唔算多，存在感不大，但玉子燒燒得好食夠厚身，而且甜度適中，真係好有日本家庭感！有少少可惜嘅係啲飯冇想像中咁軟身，咬落有少少硬，影響咗整體嘅食感。

💰$19炸大蝦沙律 🍤🍙炸蝦調味偏淡，炸漿亦因為包住放落雪櫃所以唔係脆口，不過不失咁。

我鍾意佢個他他沙律醬，同個飯團好夾！同上面兩款嘅問題一樣，飯比較硬，而且好易散，有少少影響口感。

💰$18抹茶鮮奶 🍵抹茶鮮奶一向都係我最鍾意嘅飲品，呢一枝樽仔版嘅好可愛，奶味好濃，綠茶唔會苦澀，而且佢嘅比例應該係奶多個茶，啱晒我嘅口味！雖然飯團嘅飯食落偏硬易散，但佢嘅紫菜都係脆嘅，唔會淋晒，而且考慮到佢喺尖沙咀地段，仍然賣緊$20樓下一樣嘢食同嘢飲，算係唔話得㗎啦！店舖係有日本人經營，識日文嘅，大家可以去同店主店員傾吓計，佢哋都好Nice嘅，唔識嘅都可以用廣東話去傾偈㗎！三個飯團一枝嘢飲，加埋都係$72 ，已經可以食得飽飽，食得健康，杉原家真係不失一個好選擇！

認真post間野飯團好多都好好食。

不過冇乜人會特登留意佢賣既味噌湯。

佢地既味噌湯真係好好飲，值得一試！飲過幾次，味道真係吊打日式餐廳既味噌湯。

個湯仲有好多配料。

日本人家常味噌湯味道，認真，$18一碗真係幾抵飲。

杉原家茶屋餐單提供日本菜等推介美食位於尖沙咀區，餐廳座位數未知人均消費約$50以下，結賬可以用現金，Booking訂位可以電話致電 52932322 查詢。

您對於尖沙咀餐廳「杉原家茶屋」有何 comment？

杉原家茶屋餐廳詳細資料：

• 杉原家茶屋地址:
  尖沙咀加拿分道33號發利大廈地下2A號舖
  杉原家茶屋, Shop2 A, G/ F, James S Lee Mansion,33 Carnarvon Road, Tsim Sha Tsui
• 杉原家茶屋電話: 52932322
• 杉原家茶屋價錢: $50以下
• 分類: 日本菜
• 座位: 未知
• 付款: 現金
• FB專頁: 杉原家茶屋 Facebook

更多杉原家茶屋相關資料:

• 杉原家茶屋分店
• Youtube
• Facebook
• Twitter
• Google