康竜九州拉麵 尖沙咀

康竜九州拉麵 評價 相片

我地一行五人就去尖東附近覓食,由於周圍都好多人,見到呢間店冇乜人就入左去.一入到間店就有d異味.之後我地一坐低,發現d位勁唔好坐.一打開想研究吓,點知有陣臭味湧出黎.之後我地點菜, 覺得點菜方法幾新奇,可以自己揀麵o既粗幼同配料. 跟住我點左叉燒拉麵,家姐點左豚肉拉麵, 跟住兩個同學點左炸魚同炸雞拉麵,另一個同學就點牛肉拉麵. 等左冇耐食物送到,首先送到o既係叉燒同豚肉拉麵, 碗麵一擺低我地就聞到陣好臭o既豬味.一彎低身想食麵就聞到臭味, 一路臭一路食勁辛苦. 我一食完就叫人收碗,因為實在太臭. 跟住d同學o既炸雞同炸魚淨係得個炸味, 係冇魚味同雞味. d湯o既味道亦十分奇怪,愈食愈覺得佢鹹.最激氣o既係價錢一d都唔便宜,平均要五十幾蚊一個人,以咁o既水準,一d都唔抵!以呢個價錢,o係第度已經可以食到唔少好野

今天晚上兩人吃了一個豬軟骨拉麵一個黃金小丸子拉麵,一客餃子,一客炸雞軟骨,一客七味雞翼.小丸子及餃子都是不夠熱,難食!雞翼及炸雞軟骨OK.拉麵我覺得真係無問題!兩人也是一樣選了粗麵,濃湯,多辣,硬身,小油.配料是蛋,蔥,粟米.加雪菜.豬軟骨入味絕對比上不足比下有餘!點解D人見到雪菜咁驚奇?見識少?新宿的博多天神碗碗都有雪菜啦!D麵仲好似上海幼麵咁添,點解人地在歌舞技町有咁多分店,間間都旺呢?價錢我認為合理$50左右一碗,拉麵從來不是廉價食品.日本平均也是六十元左右會不會翻轉頭?會!只吃拉麵.

呢頭其實好多食店,間間都有番咁上下人流,但偏偏見到呢間人較少,其實它的座位已不多(最多三、四十個?) 但次次見佢都只fill up 1/31/2. 今次我終於幫襯了。

拉面扮有特式,不見得好食,價錢偏貴HK$50. 服務態度, 如樓下所說, 有問題。

goodbye!

我都係前日先同兩個fd去食完, 9點幾去~果陣唔算多人, 半個場到la... 雖然欠缺左d 日本feel, d 制服似快餐店, 唔多似日本果d, 尤其係頂帽. 不過d waiter o既服務同笑容都ok la, 唔係差o既. 而d 食物就幾好喎, 尤其是係d 麵, 好食過好多拉麵店, 我就鍾意粗麵, 不過我兩個fd都話幼麵其實好食d, 我都試左幾口, 可能我唔係太識欣賞d幼麵la, 但個湯都一致認為頂呱呱. 另外個雞軟骨都真係一流, 好食過其他地方果d雞軟骨串燒, 不過佢就唔係串o既, 係成碟上都幾多下.至於碌卡=.=? 好多地方都有要求食滿幾多錢先比碌ga la, 我又覺得無乜問題喎... 你會唔會偏激左d 呢? 再講...同gf 出去食野你都唔帶錢=.=!!!

附近間間都爆晒但唯獨呢間有位~一心想試下聞名的拉麵館..去到點菜方式都唔錯~一步一步去劃自己既喜好&食法,但唯一壞處我無選擇拉麵既款式,而對方亦沒有特意詢問就幫我點了一個"幼麵",好在我在煙韌程度選了"硬", 我最怕食"林"面,不過今次黎左個好"林"既幼面.. (如果揀適中都唔知點算)我點了一個炸豬扒拉麵,湯唔錯配料可以免費點三款,但出到黎係少得可憐... 如果一個五十幾蚊既拉麵來說,配料係唔係應該可以多d 呢.... 其他地方都做到舖滿晒係面~ 賣相都會吸引D~ 佢上菜俾我感覺到係似"雲吞麵"既麵底咁(碗大麵少又無配料) .... 最可取既就係湯既味道~ 唔錯~ 可惜D料唔吸收...豬扒還脆不錯~可惜已經略黑了.. 之後我拍拿點了肋骨芝麻麵, 肋骨好似烚出黎既味,芝麻麵,佢食左兩啖都無食了.. 味道有少少想嘔,可能唔係人人受到呢隻麵既味呱@@之後點了一客餃子, 細細隻的.. 可以大返D就好了..味道OK.

康竜九州拉麵餐單提供日本菜, 拉麵, 日式西餐等推介美食位於尖沙咀區，餐廳座位數未知人均消費約$50以下，結賬可以用現金。

您對於尖沙咀餐廳「康竜九州拉麵」有何 comment？

康竜九州拉麵餐廳詳細資料：

• 康竜九州拉麵地址:
  尖沙咀漆咸道南107-109號
  Kouryu Ramen,  
• 康竜九州拉麵電話:  
• 康竜九州拉麵價錢: $50以下
• 分類: 日本菜, 拉麵, 日式西餐
• 座位: 未知
• 付款: 現金
• FB專頁: 康竜九州拉麵 Facebook

更多康竜九州拉麵相關資料:

• 康竜九州拉麵分店
• Youtube
• Facebook
• Twitter
• Google