居酒屋 尖沙咀

居酒屋 評價 相片

今日中午我去居酒屋食拉麵，野食真係黎得好快，點知食食下見到碗麵有隻蚊滋，已經食唔落，就同個侍應講，佢竟然望下我，又望下碗面，完全唔俾反應我，隔左幾十秒先問洗唔洗幫我換個碗，態度差得很...

有次同男友食晚飯, 由於大家都鐘意食日本o野, 係樓下見到有間咩居酒居, 於是就走左上樓食. 依個係惡夢o既開始...上到去, 見到入面已經有客, 諗住應該都ok掛... 坐低左, 見到個menu上面d食物都幾吸引(而家諗起都反胃), 男友本來想叫火鍋, 不過諗諗下都係試下先, 好味下次再黎.落左order唔夠幾分鐘, 碟炒烏冬就已經黎喇. 我地都碌大對眼, 心諗: 有無煮得咁快呀. 見佢個賣相都唔好唔吸引, 但我姑且一試... 食第一啖, 咬左兩下, 即「lur」! 哇, 乜「叔」o既... 我食o野都唔挑剔架啦, 有時食海鮮新唔新鮮我都分唔出. 但我都咁o既反應, 我男朋友就知大鑊. 果然佢一試之下, 都覺得係「叔」o既.於是我地搵個店員理論, 佢死口話d汁d味係咁o既, 我信佢就奇! 擺明d鳥冬都唔知擺左幾耐, 先「歐」到個陣「叔」味. 我地都費事同佢嘈, 二話不說即刻cancel哂所有order兼埋單, 即走. 依次真係貼錢買難受. 我從未食過咁頹o既餐廳. 印象非常深刻, 因為實在太差喇. 我重未試過食野「lur」得咁快. 我好唔理解點解有人重可以覺得佢d食物OK. 下面個位thankyoume所講o既, 我身同感受. 餓死都唔會再去!!!

叫左個豬軟骨拉麵set, 有埋6 件sushi, 價錢係幾抵,,,,$65, 但個拉麵唔好食....個noodle 既texture 唔得.sushi 就ok la. 環境都幾靜, 都可以坐耐d同朋友傾下計個種.

25 September 2006 (Mon) 晚飯都算得上幾夜至去食，居然話冇位，我哋位喺門口度等，個waitress居然要我哋出去等，嫌我哋阻住佢，我個friend知我臭脾氣，見佢哋咁冇禮貌，都問我仲食唔食，我話食，反正都黎到！入到去發現都有幾多日本人下，而且亦發現原來佢係應該有位，不過佢冇比到我哋，但反而比咗張大既卡位我哋，都OK喎！叫咗：1. 海鮮沙律 好大碟，真係冇諗過，如果比着係魚一，丁一定細一倍或只有其2/3，所以好抵食，以我記得係$48，海鮮其實係雜錦碎魚生，個汁就有啲似係番茄汁再加酸汁，我覺得OK，我個friend話略嫌酸咗啲！2. 香葱吞拿魚飯 好大份，好正，啲吞拿魚都好多，呢個係大家都最鍾意3. 燒餅 似乎比較麻麻，因為佢入面整得太淋，好似個燒餅個餡未熟咁，當然絕對入得口既，但係好難夾起，一畢就散．．．4. 煙肉露荀串燒 有兩串，每串有三件，嘩，佢個煙肉非常大抽，人哋通常只有一片包住個露荀，但佢嗰片足足可以捲三次．．．好嚇人，但亦因為咁，露荀既味道就突顯唔到出黎，但係啲煙肉味又真係好香！5. 一人一杯特飲：我嗰杯係white wine sour，我個friend嗰杯係honey milk sour，我原本想叫柚子，但冇晒，white wine sour都OK既，味道幾得意，有啲似波子汽水咁但係有酒味，每杯$15，好似原價係$28，所以都OK抵咁！但係可惜既係服務生笑容欠奉，去到尾連茶都冇再斟比我哋啦，而且態度亦唔太有熱誠．．．不過間嘢啲價錢OK，嘢食又大碟，絕對可以再去！

牛肉窩定食–唔錯，個窩有牛，豆腐，菜，同粉絲，仲有一片冬菇海鮮沙律–原本個就唔錯既，有點魚生粒，但的菜唔太新鮮，所以扣分三文魚刺身–好新鮮雜錦寸燒–唔得，完全熱都唔熱，全部都系整定灑，失望除了刺身過一百蚊之外，餐牌上有好多野都系大概48蚊78蚊左右。

服務OK，無食評所提到既肥女人。

服務員雖然無笑容，但都唔會黑口黑面。

食飽落樓至發覺我地原本想去果間原來響上一層。

食完好口渴，番到屋企狂飲水

居酒屋餐單提供日本菜等推介美食位於尖沙咀區，餐廳座位數未知人均消費約$101-200，結賬可以用現金。

您對於尖沙咀餐廳「居酒屋」有何 comment？

居酒屋餐廳詳細資料：

• 居酒屋地址:
  尖沙咀金馬倫道金馬倫廣場1字樓
  Murasaki, 1/ F., Cameron Plaza, Cameron Road, Tsim Sha Tsui
• 居酒屋電話:  
• 居酒屋價錢: $101-200
• 分類: 日本菜
• 座位: 未知
• 付款: 現金
• FB專頁: 居酒屋 Facebook

更多居酒屋相關資料:

• 居酒屋分店
• Youtube
• Facebook
• Twitter
• Google