園林閣咖啡室 尖沙咀

園林閣咖啡室 評價 相片

今晚同男友來食自助晚餐，約左6點半食，慢慢食到9點幾先走，兩人總共 七百幾左右。

當晚都好多客人，差唔多滿座，食物refill都快，取食物排一陣就有。

生蠔開哂用冰座住，賣相幾靚仔，蠔肉飽滿大隻，但無咩味，唔腥又唔覺有蠔膏位嘅味，要加檸汁或cocktail 汁先食到，所以後段都無咩人再攞。

蟹腳好多唔使爭，蟹腳都好多肉，易剪開進食，而且微咸幾正，食左幾轉，好滿足。

蝦肉爽口彈牙，蝦味幾重，亦都值得再食。

每位有一份冰鎮醉鮑魚，質感柔軟好彈牙，也非常入味，酒香不醉。

刺身有幾款，其中的三文魚肥美油潤，油甘魚爽嫩唔腥。

壽司也有數款，但就唔算吸引。

排隊拎的 燒牛肉、燒大蝦、羊架、片皮鴨……燒牛肉幾嫩易咬，牛味濃郁。

燒大蝦好香口，雖然爽彈，但無凍蝦咁重蝦味，呢款係超爽口，而無咩蝦味。

羊架唔羶有咬口，羊肉味突出。

熟食仲有中湯，係魚湯黎，熱辣辣有微胡椒香辣，魚味超濃唔腥，讚。

蒸魚又係做得幾好，岩岩好熟，口感嫩滑唔腥。

整體熟食選擇多。

片皮鴨偏大件，但味道好，鴨肉唔羶又香，塊皮唔會乾，包著鴨肉好味。

甜品只有雪糕最好食，Movenpick 雪糕有4款口味，加配杏仁片同朱古力碎，味道口感都一流，個人最愛朱古力味。

蛋糕類極難食，成舊實哂嘅糕狀，唔係慕絲咁，而且無味唔甜，但杯狀款甜品又極甜，不過只好食杯狀甜品，味道還可接受。

焗流心芝士撻未熟，唔係半熟，好水好流質，可能開始多人取，就加快焗撻時間，所以唔夠熟，亦未夠時間令個漿變杰身。

水果有哈蜜瓜、菠蘿、西瓜……都新鮮多汁，反而好味，食左好多生果，成肚水咁。

啲蠔細隻,等我以為有兩種揀，好似好正，原來冇得揀就算有得揀左揀右揀都係咁細隻冇肚， 更談吾上Creamy竟然冇包嘢飲(除水外),得杯完場嘅奶茶/咖啡？原價成七百蚊使唔使咁孤寒乎？啲雪糕自製 .但好"水"吾實冇質感.正評糸鵝肝 香脆可口另，食評話有诲南雞點知原來晏晝先有竟然晏晝就有嘅夜晚可以冇?一句:急趕而來，失望而回

間中都會去下不同地方享用下午茶自助餐，今次首度選呢間。

以其他同級酒店來說，種類實在太少，先唔好講話有冇冷盤蝦，就連基本嘅湯、鷄翼都冇！反而有街邊賣嘅蘿蔔魚蛋！食呢啲我駛嚟呢度食呢？自己喺街邊篤返串都得啦！唯獨比較似樣啲係啲雪糕同有三文魚。

啲侍應好勤力⋯⋯收錢，未食夠一半時間就叫你找數。

今日同屋企人一家去咗龍寶國際賓館食自助晚餐，之前朋友介紹過話覺得唔錯，但我真係非常之差，都幾失望。

🦪海鮮—生蠔🦪生蠔雖然係就咁擺喺度任食喺疫情下會覺得有少少唔衛生但係十分之五新鮮仲要係苦 食咗一兩舊已經唔想食🦀長腳蟹都係就咁擺喺度任拎但唔知點解好咸但又唔係新鮮嘅咸🥺🍽熟食—牛扒羊架依兩樣需要有廚師切俾你羊架生熟度啱啱好牛就差啲 牛味唔突出🍣唯一最好嘅呢就係三文魚任拎三文魚都幾新鮮，油脂分布平均有啲係三文魚腩👍🏻👍🏻🍦仲有雪糕都唔錯用Movenpick嘅雪糕🍽總括而言，環境確實舒適，質素真係好差，嘢食數目唔多，熟食無一樣嘢好食。

評分時間～5隻👍🏻最高😉味道：👍🏻👍🏻服務：👍🏻👍🏻👍🏻👍🏻價錢：👍🏻👍🏻環境：👍🏻👍🏻👍🏻地理位置：👍🏻👍🏻👍🏻回頭機會：👍🏻#人總有一飽今餐我最飽！😋📍📍 園林閣咖啡室 (尖沙咀)尖沙咀柯士甸道8號龍堡國際閣樓

星期日全家去咗龍堡國際食buffet 餐廳地方夠大，每枱距離足夠空間感十足不過裝修的確爭咗少少有d嚇人似返左大陸食野野食方面除左片皮鴨爭d之外其他食物都好喜出望外全部都好好味！燒野食全部即燒熱辣辣，甜品都好好味雪糕係movenpick $290有生蠔，蟹腳！都掂食！

園林閣咖啡室餐單提供西式, 自助餐, 酒店餐廳等推介美食位於尖沙咀區，餐廳座位數130人均消費約$201-400，結賬可以用Visa,Master,現金,AE,JCB，Booking訂位可以電話致電 23787672 查詢。

您對於尖沙咀餐廳「園林閣咖啡室」有何 comment？

園林閣咖啡室餐廳詳細資料：

• 園林閣咖啡室地址:
  尖沙咀柯士甸道8號龍堡國際閣樓
  Cafe by the Park, U/ G, B P International,8 Austin Road, Tsim Sha Tsui
• 園林閣咖啡室電話: 23787672
• 園林閣咖啡室價錢: $201-400
• 分類: 西式, 自助餐, 酒店餐廳
• 座位: 130
• 付款: Visa,Master,現金,AE,JCB
• FB專頁: 園林閣咖啡室 Facebook

更多園林閣咖啡室相關資料:

• 園林閣咖啡室分店
• Youtube
• Facebook
• Twitter
• Google