唐包點 尖沙咀

唐包點 評價 相片

今日咁岩係尖沙咀返工，😣尖沙咀食飯一向唔算平，同事介紹我去食唐記，但我一向對中式包興趣不大，但同事話，佢唔係淨得包賣，飯都有，咁我就唯有落去睇睇啦🙄落到去一睇❗️嘩，選擇恐懼症又黎😑淨係飯都有十款咁多...最後我被佢餐牌隻糯米雞吸引左😍仲要原來佢既糯米雞係熱賣款，大大隻字寫住足料，今次就決定試一試佢🤨除左糯米雞之外，我仲叫多左一份山竹牛肉，唔講咁多，第一時間打開黎睇!隻糯米雞又真係幾大隻，入面有冬菇、鹹蛋黃、雞翼、叉燒、同埋豬肉碎🤤果然夠晒足料👍🏻👍🏻👍🏻而山竹牛肉味道亦唔差！同酒樓有得揮😎果然係糧尾既最佳之選😂

成日食西式麵包做早餐，有時就會轉買熱騰騰嘅中式飽點。

今次就揀咗‘叉燒包’。

佢醬汁多，唔會乾‘爭爭’。

而啲叉燒唔會係肥嘅，最怕一咬落下就只係食到肥膏。

想食飽啲，皮蛋瘦肉粥都唔錯，好足料，唔會係開水沖嗰啲咁‘稀’。

唐包點自己一個又想食點心，唐包係我依啲窮人恩物菜肉包同香菇雞包,好多餡料,每個都獨立包裝,好衛生同方便香菇雞包包軟熟, 餡料做得較實, 除了雞肉, 入面有生菜絲同埋香菇、木耳絲, 都幾香燒賣有水準，燒賣係豬肉燒賣, 好少地方有，有酒樓燒賣感覺。

鮮竹卷個汁係比較杰身，鮮竹卷做到每件都有茨汁，非常足料，可以滿足想食點心願。

飲埋個奶茶岩岩好，奶跟茶濃度比例岩岩好，有茶餐廳奶茶感覺，有茶香味，唔算太甜。

是日女友OT，八點幾都仲未食飯，所以就去買d嘢上佢office食，女友話唔想食麥記咁heavy，咁啱經過「唐包點」，就決定買"一盅兩件"一齊食喇。

「唐包點」屬於唐記包點旗下快捷店，每樣食物都係獨立包裝，食起上黎更為方便簡潔。

兩個人叫左一個蒸飯，兩個點心及兩個包，再加支豆漿，份量剛剛好。

北菇滑雞飯都算大碗，飯粒吸收左雞油後唔會太乾，雞肉份量都幾多，入口夠淋夠滑，配埋薑絲食落無咁油膩。

燒賣賣相吸引，每粒都有大大隻蝦係面，入口口感夠爽，肥豬肉唔多，但已經有足夠嘅肉汁，食落唔會乾身。

鮮竹卷餡料有豬肉，木耳及紅蘿蔔，食落夠爽口，蠔油汁唔會太杰身太鹹，配飯食一流。

香菇雞肉包入口好香菇味，加入木耳令口感更爽。

奶皇包雖然唔係流心，但奶皇餡算多，新鮮出爐都要小心慢慢食，味道唔太甜，食完鹹野食返d甜野，感覺無咁膩。

豆漿味道唔太甜，豆味算濃郁，唔會太工廠感覺。

晚餐雖然簡單，但兩個人一齊食都有種溫暖嘅感覺。

事源今日要留起公司全日兼開OT為左可以休息一下，索性就早上一次過買曬早午晚餐返公司...諗黎諗去都莫過於去唐包點可惜，晨早流流去買，個D特式客飯係仲未有既....唯有下次再試吧.....不過梅菜肉餅飯就有啦.....成日食開章魚肉餅飯都食到寡啦.....再叫多幾個點心就夠食吧.....好滿足，三餐都起齊度....慢慢食.....最緊要就起公司足不出戶，唔使出去曬太陽....早餐就食碗番薯粟米粥有D估唔到既係佢落左大大件的番薯起入面.....同埋亦較碎左少少茸，令到個粥更加綿~~另外，最近自己都有幾聲咳，專登叫左海鹽檸檬柚子蜜又咸咸地、酸酸地，非常潤喉...真係咳多幾下，喉嚨勁乾，咁就可以潤一潤留返個腐竹蛋白糖水做點綴好正，裡面仲有個蛋起入面架...又甜又舒服既飯後甜品好啦....我既豐富午餐齊曬.....有我期待的梅菜肉餅飯.....果然比起章魚肉餅飯，全是肉類黎講，多左梅菜，個咸香會重一點......好食更多.....鳳爪同鮮竹卷都係水準之作就不再多講....絕對係上茶樓的質素

唐包點餐單提供港式, 粥品, 點心, 中式包點, 中式糖水等推介美食位於尖沙咀區，餐廳座位數未知人均消費約$50以下，結賬可以用現金,八達通，Booking訂位可以電話致電 23208522 查詢。

您對於尖沙咀餐廳「唐包點」有何 comment？

唐包點餐廳詳細資料：

• 唐包點地址:
  尖沙咀港鐵尖東站ETS2號舖
  Tong Bao Dim, Shop E T S2, East Tsim Sha Tsui Station, Tsim Sha Tsui
• 唐包點電話: 23208522
• 唐包點價錢: $50以下
• 分類: 港式, 粥品, 點心, 中式包點, 中式糖水
• 座位: 未知
• 付款: 現金,八達通
• FB專頁: 唐包點 Facebook

更多唐包點相關資料:

• 唐包點分店
• Youtube
• Facebook
• Twitter
• Google