包剪麵 尖沙咀

包剪麵 評價 相片

今次經過尖沙咀見到呢間新開嘅就諗住試吓，見到主打手打麵，所以就諗應該都幾有特色。

朋友叫咗一個鮮牛肉寬麵同雞絲麻醬涼麵同埋涼拌木耳。

全部湯同埋面嘅寬度都可以自己揀，整體來講普普通通 味必會再黎🤔🤔湯麵揀咗鮮牛肉清湯寬麵，清湯就有啲似屋企煮嘅面，鮮牛肉係雪藏牛唔鮮嫩嘅口感，手打麵冇好煙銀嘅口感，比較普通，好處就係比較清淡。

雞絲麻醬拌麵，呢個面侍應都有問我地想要面嘅粗又係咩，諗住涼麵應該配有嘅最好食所以就叫左呢個，整體來講呢個都OK麻醬嘅味啱啱好，雞絲到嫩口，但係個麵底仲有啲水，所以會令到個麵撈起身比較淡。

同埋食嘅時候，我同朋友想拎兩隻碗share，但係佢都只係肯比一隻碗，我哋要問另外一個先可以攞多一隻，所以服務方面有少少可以改善嘅地方。

下晝3點幾先食lunch，咁岩係尖沙咀想搵d野食下，又見未試過，就入去試下。

剛入店時以為佢落場😂因為一個客都無，不過之後都有幾台客入黎。

見佢有羊肉片又幾特別，一個人食就無試到水餃同燒餅。

開頭黎到以為好少羊肉，但其實都有足夠份量，因為比d麵遮住左，肉質都ok，又夠騷，個湯都滲透住羊騷味。

而麻辣湯佢預設係小辣，個種味道勁似譚仔個個麻辣湯底，唔算太油。

本身配菜有跟少少秀珍菇同生菜，感覺都豐富的。

寛麵滑但略嫌唔夠咬口，整體都還可以，唔算太標青👌🏻

一行6個人午市去食，可能岩岩新開張，所有野比較亂，落單姐姐係咁問翻我地叫左咩 座位唔算多，多人去要分枱坐。

#手撕雞拌麵 $52每款麵都可以自選麵條，有寛、細、粗、中四款選擇。

個人覺得食拌麵簡粗麵較適合，有啲咬口，冇咁快因為吸晒醬料而變淋。

醬汁杰身，有好香既花生醬味，但都幾辣下，拌埋芝麻碎同芫茜食，好開胃。

雞肉份量算多，但本身帶咸味，如果可以清淡翻會比較夾。

另外，麵上碟時，仲帶有煮麵既水，搞到啲醬溝稀晒。

尖沙咀附近都無咩好食，行下行下就行到呢頭，見到有間面，就入去試下啦其實我地本身係6個人既，但入到黎，得一排獨食既面牆枱，同一張4人枱加一張2人枱就無啦。

啲職員叫我地是但坐，就只好分開坐。

我點左一碗豬軟骨酸辣寬面。

首先，豬軟骨既份量好多，大部分都係好好食既軟骨部位，咸度適中，係好食既。

只係我食到最後，有一塊豬軟骨勁鞋，中間仲好粉紅色，唔太熟既樣，就完全扣曬分。

之後，面既部分，份量都係好多既，而且面條食落有咬口，係好食既面。

配料黎講，有啲芽葉同菇類，有生菜，係幾好既，令到碗麵無咁單調。

湯方面，好味，酸辣味適中，而且都有得俾你選辣度，幾好，幾開胃好味，飲左好多湯。

整體黎講，野食都可以俾幾高分，但服務要改善，語氣比較一般。

另外，係無水可以提供既，要你一定要點野飲。

今日係尖沙咀見到間新開既面食店，店舖不大所以枱櫈比較逼，所以選擇坐面街的bar枱位來得比較舒服。

看見餐牌食物選擇不多，面食有四種湯底選擇，感覺跟譚仔差唔多，值得一讚既係餐廳會提供紙巾。

竹笙豆腐手工麵$63，價錢並不便宜，但勝在有四種麵質選擇，今日選擇左胡椒湯底，真係跟三哥味道好似，麵選了粗麵，口感彈牙唔錯。

韭菜豬肉水餃$48，聲稱自家製，味道普通，醬油亦無乜味道，辣椒醬亦唔太夾到，下次可以唔叫。

凍檸茶尚算大杯，但只比2片檸檬，所以只當凍茶一杯咁飲。

包剪麵餐單提供台灣菜等推介美食位於尖沙咀區，餐廳座位數未知人均消費約$51-100，結賬可以用現金，Booking訂位可以電話致電 28700955 查詢。

您對於尖沙咀餐廳「包剪麵」有何 comment？

包剪麵餐廳詳細資料：

• 包剪麵地址:
  尖沙咀漆咸道南61-65號百樂酒店21號地舖
  Bao Noodles, Shop21, G/ F, Park Hotel,61-65 Chatham Road South( Cameron Road), Tsim Sha Tsui
• 包剪麵電話: 28700955
• 包剪麵價錢: $51-100
• 分類: 台灣菜
• 座位: 未知
• 付款: 現金
• FB專頁: 包剪麵 Facebook

更多包剪麵相關資料:

• 包剪麵分店
• Youtube
• Facebook
• Twitter
• Google