世華餐廳 尖沙咀

世華餐廳 評價 相片

想不到在尖沙咀找到家那麼多年歷史的茶餐廳， 它自1936 年創立。

地點就位於尖沙咀isquare對面，交通方便。

我點了一個咕嚕肉，甜甜酸酸的， 調味調得不錯。

特別喜歡咕嚕肉的肉不是太多肥膏。

另外再點過揚州炒飯裏面特別多蝦仁， 如果可以再小一點味精會更加好。

咁啱行到去北京道嗰頭，見到世華個招牌，心諗世華個名都好多年，應該有返啲水準，就同同事上咗去食。

打開menu，見午市推介有海南雞飯，我本身又好鐘意食海南雞，於是就叫咗呢碟。

侍應問我飲咩湯，有羅宋湯同忌廉蘑菇湯，心諗海南雞飯唔係跟冬瓜湯㗎咩？是但啦要咗個蘑菇湯。

我同同事碗湯一齊上，但係得一個餐包，問侍應佢話我個餐係中餐所以冇餐包跟🤔唔係好明白不過費事問落去。

飲完之後個飯好快嚟，餐牌上寫住叫叉海南雞大碗飯，又真係好大碗。

先食塊叉燒，好硬，再夾塊雞嚟食，都係好硬。

碗飯除咗真係好大之外冇嘢係ok嘅。

老實講，$60喺度食個飯，我寧願去返公司附近間燒味店食個叉雞飯算。

今日lunch同同事出左黎尖沙咀嘅正中心 Isqaure附近搵食，明知商場入面嘅餐廳比較貴，喺Isquare門口望到對面商廈嘅招牌「世華餐廳」，勾起無限回憶。

記得中七畢業喺尖沙咀番part time sales有時都會黎食，事隔差唔多十年，「世華」依然屹立不倒係鬧市嘅正中心，不過我對食物嘅味道已經全無印象。

上到3樓發現同以前差唔多，拎起餐牌睇基本上講得出嘅碟頭飯，炒粉麵甚至泰式湯粉、韓式午餐都有，結果我揀左茶記其中一樣最common嘅碟頭飯 咖哩牛腩飯！ 首先黎嘅係餐包，咦明明我地兩個人點解會得一個餐包呢？！原來我個咖哩牛腩飯係餐牌上歸類西式午餐所以有餐包...同事叫左中式午餐所以冇包～ 餐包上枱凍冰冰，冇翻熱，偏硬。

 再黎午餐可以揀紅白中，姐係羅宋湯/忌廉湯/中湯，我揀左羅宋湯。

羅宋湯味道唔濃唔辣，只係用茄膏吊味，我估冇用牛尾/牛骨熬，湯內椰菜嘅份量亦唔夠。

 =========================咖哩牛腩飯 $58食完餐包飲完餐湯，主菜5分鐘唔夠就到，擺明係預先煮好。

咖哩嘅賣相都唔錯，有5大舊牛腩，幾舊薯仔。

不幸嘅係，點解咖哩嘅味道同公司隔離茶記一模一樣嘅？！似乎係用上同一包咖哩粉。

再者，牛腩完全炆唔淋，我咬到攰，要攞餐刀切。

更甚嘅係，呢碟碟頭飯竟然要$58，相同價錢有好多其他好選擇啦。

餐飲叫左凍奶茶，水吧嘅師傅似乎太趕落少左奶，上枱見到奶茶嘅顏色就「可見一斑」。

 對世華嘅評價真係一般，呢個價錢黎講CP值認真麻麻。

世華餐廳📍尖沙咀北京道7177號誠信大廈3樓

今日同男朋友行完尖沙咀就去左isquare對面d餐廳食飯 佢話世華餐廳入面好多海南人所以點左招牌海南雞半隻半隻既份量已經好夠兩個人食肉質嘗算滑嫩有雞味 比較肥美多肉 都幾好食既 泰式無骨鳳爪本身就好鍾意食呢道菜 味道夠濃郁辣味較重非常開胃做前菜一流沙嗲金菇肥牛煲個汁好濃一定要加個白飯撈飯食加左紅椒青椒係入面香味撲鼻 份量都好多真係差啲食唔晒 芽菜較多口感層次豐富d叫左咁多肉類當然要叫返個菜啦 朋友就最鍾意食西蘭花

這天點了兩客下午茶（下午二時至六時半）鮮茄牛舌飯：這個好吃啊！牛舌煮得軟，醬汁不只有番茄味，還有淡淡的蒜蓉味，配米飯一流，還有牛舌和米飯的份量也不少，只是$42，超值飽肚之選。

炸雞髀沙律：這個就一般，雞髀炸得有點乾，肉質有點柴，沙律是雜菜沙律，味道不錯，另外份量不太大，售$45，相對而言，牛舌飯較抵吃。

飲品方面，凍檸檬茶不錯，凍奶茶則太苦澀。

世華餐廳餐單提供港式等推介美食位於尖沙咀區，餐廳座位數未知人均消費約$51-100，結賬可以用Visa,Master,AlipayHK,支付寶,現金,銀聯，Booking訂位可以電話致電 31021380 查詢。

您對於尖沙咀餐廳「世華餐廳」有何 comment？

世華餐廳餐廳詳細資料：

• 世華餐廳地址:
  尖沙咀北京道71-77號誠信大廈3樓
  See Fah Restaurant, 3/ F, Mary Building,71-77 Peking Road, Tsim Sha Tsui
• 世華餐廳電話: 31021380
• 世華餐廳價錢: $51-100
• 分類: 港式
• 座位: 未知
• 付款: Visa,Master,AlipayHK,支付寶,現金,銀聯
• FB專頁: 世華餐廳 Facebook

更多世華餐廳相關資料:

• 世華餐廳分店
• Youtube
• Facebook
• Twitter
• Google